Mika 7:6 - Bible en Guidar

⁶ Vi wiyən awran afəni, waŋ tawsilyet akat mata, ɗak tawsilyet akat atəta, naway pak məzuzelɗe nan əŋgil anandahəŋgə.

Mika 7:6 ပူးပေါင်းရင်းမြစ်များ

Va'Atəŋ 49:4

Kəputkur va iŋkile məzugəbəɗaŋ ɓa! Adan kəpeŋgik aka zəga nawvoŋ na afuko, kərnokonək zəga nawvoŋ an asan akani.

2Samiyel 16:11

Davit anah sən Abisay dit gewleɗ nan pak na: Wətu dəgil səddəvu dərəngə, tay əkayan zeŋgilew nawbaywa, kəggətaŋ aka mə Benyaminəŋ ɓa. Məppan də maɗɗulan dərawa! Kuzuŋ Yawe dənah sən soko.

Gəlyaɗe 41:9

«Wən daryaw adawpeleŋ akawa, adan tay ɗuffo asil na əmpa ɓa.»

Wənməkkpaŋga 30:11

Sayit ɗiy tay məzeletin efiŋgiɗti, awɗinən kiyit may met ɓa!

Wənməkkpaŋga 30:17

Məmas aka afəni may məgəsat man na, gaŋgrekeɗ na məlpa waksolonəni, kirtin kopo wazlornəni.

Isaya 3:5

Ɗiy wazəmgənən sãhã na ziti, ɗəf wazəmgən sahã na məlməni gawla wazəmgən sahã na mazza, ɗəf an va ziwir wazəmgən sahã na ɗəf an tekteki.

Isaya 9:19

Tay ətawaŋ səka dəzəŋ, may dəppan ədet ɓa; tay əzəmən mbərən naka vet zlaɓay, ya awbaŋ ɓa. Naway pak tay əmpər meggeni:

Yeremiya 12:6

Vi milmiŋgiɗko may daŋgla na afuk zlaŋ tay əzəmən kiyko. Tahəŋ əŋzlaŋ vaŋvəl ammbok dayadaya, kədappan zuk sit pay adawpeleŋ sukun ma nenek ɓa.

Yeremiya 20:10

Vi in tat əprəm əpel mbərayən sə met ɗiy diyɗa; əyəwən na: «Geslne tərwəslə.» Məssak akani, waməssak akani. Bayneŋgiɗu pak tahəŋ heret ɗəhərra ammba əzlzlaɓ nawa, kuzuŋ wappan zən sən ərak soko, məskagən wəlani, məmpəlgən kiya.

Yeremiya 9:4

Ɗəf pak tay əmbəɗan meggeni, awpel an gesiŋ ɓa; assərəkgənənək hərzlumit uwawəna. Əɗɗaŋ mbərayən hã awɓapaŋ əɗi marava ɓa.

Ezekiyel 22:7

Tay əzeletin may efit dət met anokda; tay əsərnən ma molhõyõ anokda, tay əsərnən met may mitiwe dət gagəbay anokda.

Obadya 1:7

Karɓohoki səka dələv noko, ɗiy məs kinə wənmiyna dənɗaŋ pak wambəɗokun dərwa, beyneŋgiɗuk warmukuni ɗiy en kədawzəm way dənɗaŋgə, wanslənaŋ peweŋ aboko. Wanahaŋ na maɗɗulan tay ɓa.

Matiye 10:21

Ɗəf wagəm məlmən əkan ama əmta, afən wəyin tam wətəni. Kirin wasilyoŋ aket migilti, kawbeyti.

Matiye 26:23

Yaŋ Yesu azlani, amna: Ɗəf dədawgul van addəv hĩlu taka də inəŋka, ndəni nawzəm kiwa.

Luka 12:53

Afən wiyən wawɗak də wətəni, wiyən tam də afəni, mat waŋ dət wətəta, wətət tam dət mata, ɗak dət ga wətəta, ga wətət tam dət ma zəlta.

Luka 21:16

Efiŋgiɗkum, mãy mokum, milmiŋgiɗkum, hilfiŋgiɗkum mãy bayneŋgiɗkum dayday wapsukkumən avet ɗiyi, wabayaŋ sərokum.

Yohanna 13:18

Nəpel akokum pak ɓa, nəsinik ɗiy en nəweli. Ya aslək an Əver apel dəgəɗgəni: Məs dədawzəm way də iyna, akkpaŋgək akawa.