Mika 7:4 - Bible en Guidar

⁴ Ɗəf məs ədaw nan moggon səret tay va dewrege, ɗəf təstəs naret adayək kiy ŋgərəɓ net gedirgeɗi. Pay na tatwãh nan tay əzzani pay nan dəgapə. Kakaŋ pay nattap neti yi!

Mika 7:4 ပူးပေါင်းရင်းမြစ်များ

Isaya 10:3

Mə kədaɗɗaŋ pay wəzəmsahã adazzan daga sə təki faraɗa di? Aza nawa kədanzoŋ əɗam kawrəh əbbah di? Nga kədaddoŋ əzaɓan arya nokum di?

Isaya 22:5

Vi pay na gərəŋgi, nawzəmsãhã gəm na geslne na Daya Maŋgəlva Məzuɓappaki. Məɓzluni zlava vaŋvəl nabbah tay əŋzla aka mossorgo metiŋ, aka walaŋ na hənhən.

Isaya 55:13

Wəleŋɗe lelewɗe waɓayaŋ a gəlet gedirgeɗi, a gəlet tintifɗe, wəleŋɗe məs məŋginit neki. Wasan zəga na sləma vi Yawe gəm zəga narba an faɗ məs azə na ɓa.

Yeremiya 10:15

Zəgeɗ ɗarəŋgə, wəza nawmas akani yi. As pak wazə pay nedawsilyew aketi.

Yeremiya 11:23

Tay nambra səmmbet pay nədawki əray hã gap aket ɗiy na Anatot, əzva məs nədawsilye aket ɓa.»

Yeremiya 46:21

Məzəlpaŋ nan ka dala dayday tahəŋ va kirit wasliɗe məzgəla. Ya ndəɗaŋ veti aktuhunək dəɓeti anzoŋguk sapə. Dəɓap əziwweŋ gala pay nawza net agap aket ɓa, pay nawsilye aketi.

Yeremiya 8:12

Wil adetinke vi zəga narba wil aɗɗaŋgə, Wil dədetin ɓa, dəsənaŋ zəga wil ɓa, Vini waskotoŋ aret ɗiy en dədaskotoŋgu; Pay nədassõh an aɗɗaŋgə waskotoŋgu Yawe anahə.

Ezekiyel 2:6

«Is wətən ɗəfa, kədawgeslne' sit ɓa, kədawgeslne' sən əpel net ɓa, vi kiyit ɓəli gəm va gedirgeɗiŋ azoko, aket hərziyeɗ kədawsoko; kədawgeslne' sən əpel net ɓa, kədakker abet ɓa, vi zeŋvit ɗiy məɓoŋtiŋgə.

Ezekiyel 28:24

Tay səret məzuzelɗe dəssoŋ ki Israyel tərwəsləŋ nagəɗ sən mbərayən va gedirge məmpə ɗəfa, may harawasli məŋgiw ɗəf əmpa ɓa. Asna kawsənni na, intə Daya Yawe.

Amos 8:2

Assoh na: «Miy kədawla di Amos?» Yas nəzlan na: «kekel də uwa net wəleŋɗe na mawala.» Yawe apel suwa kan na: «Əgrak net ɗiy naw na Israyel agapka. Nəzban na ulasasãhit əmpa ɓa.

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Luka 21:25

Zəgeɗ warban ara paya, ara təla aret ngərzleɗi. Aka dəlvafuŋ na geslne' warmet ɗiy-ɗarə, wagəgrəŋgaŋ sən ɓaɓəlma pehe gəm vovulumɗe nani.

Ibriɗe 6:8

Ya an tay əgilgit gedirgeɗ dit tiŋtifɗe, kawlani va zəga ɓa, wali ərəh mefɗeke ɓa, əgrak nan əzlani.