Mika 6:14 - Bible en Guidar

¹⁴ Wakəzəmə, ya kəbə na ɓa hara, may wasan a walaŋkum! Wakəzaɓ zəga, ya asan na ɓa hara. Ya an kəzaɓə, wanəzan də masalam.

Mika 6:14 ပူးပေါင်းရင်းမြစ်များ

Isaya 30:6

Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.

Isaya 65:13

Vini Yawe Maŋgəlva anah na: Məɗɗaŋ wəza naw wazəmaŋ yaŋka, nokumu, may wadukum. Məɗɗaŋ wəza naw wasaŋ yaŋka, nokumu, meme wadukuməni. Məɗɗaŋ wəza naw wassoŋ addəv ənnek yaŋka, nokumu, wil wadukum.

Isaya 9:20

Manase əmpər Efrayim Efrayim tamə əmpər Manase, ndəɗaŋ sulegit sap a Yuda. Də as pak dəppan ədagədəv nan ɓa, van tay təlla aka ərga.

Yeremiya 48:44

Ɗəf dədanzan sən gəslne wabət a vovu. An dəgil sə vov warəm aka bizwil. Vi wanəki əzva an nawaksən Mo'ab Yawe aɗiymani.

Ezekiyel 5:12

Taka səddəv hoku net ɗiy noko wanəbey də gəbaymərma, kagreket də mayã, taka səddəv hoku meɓɓeti waskotoŋ ama masalam kiyuk tərwəslə; taka səddəv hoku an dəmbraŋgə, ammba səmyã nədawndolti, wanəkdah masalam ammbeti.

Hose'a 4:10

Wazəmaŋgə ya abaŋ na ɓa, waɗɗaŋ polkoyo ya anzləraŋ na ɓa, vi appanənək əprəm ma Yawe.

Məsdəlveŋge 26:26

Pay nədawgəm way sə bokum; may wagəɗə, gil kəlaw wadanən way nokum aka gulo taka; way an adawkiyaŋ sukumən wasan siɗikke, wakəzəmaŋgə ya kəbaŋ na ɓa.

Haggay 1:6

Kəzlgaŋgək diyɗa, ya məkkalan nan siɗikke kərahaŋgə; mənokum tat əzəmaŋgə ya kawbaŋ ɓa; mənokum tat əsaŋgə ya zukum appar ɓa; mənokum tat əguloŋgu ya zukum akkpaŋ kãh ɓa, ərah na məgəɗ wəza tay əmbat addəv taɓak mətilik gabbani.

Haggay 2:16

miy dədawrəhkumuŋ di? An ɗəf ambatək a mahã wəkay haykəmari, wəsla kaklaw sula na ndən ərah wəsla kəlawə; an ɗəf ambatək wəmbaɗ mbazla məɗawa kaklaw sle səddəv hiŋziw na ndən ərah kaklaw sula.