Mika 5:7 - Bible en Guidar

⁷ Ɗiy na Yakob dənduwəɗaŋ a weleŋgit ɗiy-ɗar diyɗa, wassoŋ va ɓoolu a weleŋgit zəgeɗ nawra, va wət ɓoolu a waleŋgit gilewi. Də təki atoŋ pak tay əŋgrofon gəm əbakan zəga ɗəf tay nawmõhun səman ɓa.

Mika 5:7 ပူးပေါင်းရင်းမြစ်များ

2Samiyel 17:12

Wamərəh a təki asan pakə, məskotgən akan va minɗe aka dəlvafuŋ. Tay nawkõh səzan dit ɗiy en dəndən təttaka dayday ɓa.

Gəlyaɗe 110:3

Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Gəlyaɗe 133:3

Va minɗe naka Hermon, məzupirkeŋ səket mossorgoɗe gugriɗ na Siyon. Adaki Yawe aɗi wən nawzaɓa: zeŋgile an faɗə!

Gəlyaɗe 72:6

Waprik va maŋgalaw aka kevile, va buwən dədalɓan dəlvafuŋ!

Wənməkkpaŋga 19:12

Ədagədəv na məlĩ agilik va əhəm na gawla ɓoolu, kinenek navan tam va minɗe aka kevile.

Isaya 32:15

Hã gap əmpəs əpirken sə disiŋ akamə, gəm kapta-muyã adakkpaŋ guli net wəleŋɗe nawzəma guli net wəleŋɗe nawzəm tam ka wəleŋɗe ngərəɓə.

Isaya 44:3

Vi wanəzlalbay iŋkile aka dələv mə palpalə, gəm lolohẽɗ wadawaŋ aka təki məklakani. Wanəzlalbay əmpəs naw aket kirtuko əzaɓ naw aket dihigiɗko.

Isaya 55:10

Va buwən dit ɓeɓrezlerizze adawziyaŋ sə disiŋ, amndoŋ na adak məza dəlɓanən dəlvafuŋ ɓa ɓa, məza dəɗɗa dələv dəwəgən ɓa ɓa, məza dəgilgin kevile ɓa ɓa, məza dəpsən zeŋve sən məzəslga, gəm zəga nawzəm sən məzuzəm ɓa ɓa.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 14:22

Səweleŋgit meŋgilvet net ɗiy-ɗar vet na tay məs nawɓap əzi buwən sa? Awaniɓa disiŋ dədawki buwən sa? Nam na is Yawe Maŋgəlva nam məs məɗi əɗɗum nam akok tə ɓa sa? Vi istə kəɗɗe zəgeɗis pakə.

Ezekiyel 14:22

medembirgit yeŋ addəvən. Migilgiti, kirin mezeŋgleket dit muguluŋgit en dəndəwəɗaŋgə, yeŋ əzzoŋ kəlazokum. Wakulanən ədaw net də wəza neti, vasna waffeten mokrokum aka əray məs nəki aka Yerusalem, də an nəki akan pakə.

Ezekiyel 47:1

Aku a maddamba na gəla na Maŋgəlva, iŋkile yeŋ ərɗiyaŋ səmmba maddamba, dəmmba pay nampum, vi hara maddamba van sek dəmmba pay nampumi; iŋkile vet əprəkoŋ də maŋgava gəla dəka dəzəŋ nani, dohoŋ na təki nawzaɓ-Maŋgəlva.

Ezekiyel 5:5

Vaŋ Daya Yawe anahə: Yerusalem əŋki nəɗi addekit dəlveŋge na guwa, dəlveŋge kiyən tərwəslə.

Daniyel 11:32

Də keket nani, məlĩ wahheɗet ɗiy dəzganəngən wənmiyna. Ya ɗiy en dəsənən Maŋgəlva net na, net wassoŋ ɓəlɓəl addəv zəga naɗɗa neti.

Hose'a 14:5

Wanənzeɗ səka əskot neti, wanəŋgliw də makraw taka: ədagədəv naw azarək səketi,

Hose'a 6:3

Məsok səm zəm sok əsən Yawe: əgilye nan sesseli va bapummo, wade azam va buwən adazzani, va buwən maŋgalaw na mawala adalɓan dəlvafuŋ.»

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Mika 2:12

Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Mika 4:13

Asil arga haya, Yerusalem! Vi wanəkkpaŋgan mohok va təbza gəm eperkeperke nok va təbəz pepreŋge. Wakəsər ɗiy diyɗa. Wanəzan zəga nawrəh na ma wəgay net də iya na Yawe gəm kawɗi arya net sən Yawe na dələv pakə.

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Mika 5:8

Aslan vok aket məzuzelɗe noko, məzuseɓɗe nok pak dəmtaŋgə!

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Sefanya 3:13

Madambirgit mə Israyelɗe aɗɗaŋ na ɗarɗar ɓa; awaŋ na wən əmpa ɓa, akolnən na met nawwa wən ɓa; waɓap əzəmaŋgə, waffeteŋ məza ɗəf əgeslne'git ɓa.

Zakarya 14:8

Pay nan na, iŋkile məzva wagilyoŋ sə Yerusalem, wəɗak nan kəla pehe dəmmba pay nampum, wəɗak meɓɓet kəla pehe dəmmba pay na moskoyo. Vas adawsan dabya də təlapay pakə.

Zakarya 9:13

Nənslinək Yuda ka bəle nawa, Efrayim wasan herɗe. Siyon, wanəhheɗet kirtuk aket mə Yawanɗe; wanəɓlok va masalam ava məs makrani.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Wəza net Masləŋɗe 11:15

Aka nətəŋ əpele, yaŋ Zeŋgile Salala aprik aket va aprik akam'e də ətəŋ nani.

Wəza net Masləŋɗe 13:46

Ya Pol də Barnabas apeleŋgək məza geslne ɓa, aɓɗaŋ na: Aslək mərban sukumgən əpel na Maŋgəlva daabəŋ. Ya adan kəzganəni, kulanən na kədahaŋ nawrəh zeŋgile nassa faɗ ɓa na, nam waməkkpaŋ azet ɗiy-ɗarə.

Wəza net Masləŋɗe 16:9

Ula adesənək Pol də dəfəɗ nani, awələk ɗəf na Makedoniya tay ziwe adak əkkaman dawnəh na: Atoŋ kəla Makedoniya, ade əbbah səmə.

Wəza net Masləŋɗe 9:15

Daya aɓsən na: Doko, vi zəga an nəwel dərbangən iya naw azet ɗiy-ɗarə, azet milyeŋge gəm azet mə Israyelɗe yi.

Roma 10:20

Isaya dəgeslne' ɓa, amna: Ɗiy məs dəkayawən ɓa dərəhwəni. Nərbanək zu azet ɗiy məs dəssohowən ɓa.

Roma 11:12

Ya an heslepe net akkpaŋgək ka ərəh na dəlva, əddak net ka ərəh net ɗiy-ɗar na, əsilye net ziw waki əzaɓ dayə.

Roma 9:30

Mbar mədawnah kakaŋ kandi? Ɗiy en ɗar məs dəkayanən təstəs ɓa, arəhaŋgək təstəse, təstəs məs dəde səza ətafa.

1Korintus 3:6

Naw nəmpaka, Apollos azi sənək iŋkile, ya Maŋgəlva yi məzuɓaygəni.

Əmsak aka Mahenziŋ 32:2

Iyak naw dəzi va buna; əpel dəgil ta'ta' va minɗe, va buwən maŋgalaw aket geslembeɗi va buwən mazarndaya aka kevile.

Mətawaŋwəna 6:36

Gedeyon aɓsən Maŋgəlva na: «An gesiŋ mok aka əkõhgən Israyel də vaw va kənah na,