Mika 4:2 - Bible en Guidar

² Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Mika 4:2 ပူးပေါင်းရင်းမြစ်များ

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Gəlyaɗe 119:1

Əzaɓ aket məs dəssoŋ təstəs-gərak addəv ədaw neti, gem məzəzbanən mahenziŋ na Yawe.

Gəlyaɗe 119:171

Kəta maw dəgilgən əpel nawɗi kiya, vi is tat əyeget su əsərəkɗe noko.

Gəlyaɗe 122:1

Gəlya nawpeŋ ədda əkkam a Yerusalem, səza Davit. Zu neki an mənah suwi na: «Dam addəv gəla na Yawe!»

Gəlyaɗe 25:12

An ɗəf tay əgeslne' sən Yawe, nan warban sən tive an adawele.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 54:13

Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Yeremiya 31:6

Vi Pay wade məs məgaɗe adanzlaŋ vaŋvəl aket mossorgo metiŋ na Efrayim: Misil məpeŋgən a Siyon aza Yawe Maŋgəlva namə.

Yeremiya 42:3

Yawe Maŋgəlva nok dərban səm tive an mədazba gəm zəga an mədaɗɗa.

Hose'a 6:3

Məsok səm zəm sok əsən Yawe: əgilye nan sesseli va bapummo, wade azam va buwən adazzani, va buwən maŋgalaw na mawala adalɓan dəlvafuŋ.»

Zakarya 14:16

En dəppaŋ mederet səret ɗiy en dəzzoŋ əgay də Yerusalem waddoŋ əppu' va aza əzva agəɗ pak aba məlĩ Yawe Məzuɓappakə, gəm kaɗɗa wəzləra net guɗukɗe.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Zakarya 9:10

Wanəzan mawta nawgay sə Efrayim, pilseŋge sə Yerusalem, kawzani bəle nalpa, wapel wən zazay sit dəlveŋge. Məlĩ nan wasil sə pehe hã gap a pehe maɓɓani, gəm sə məlpa metiŋ gap aka dələv abaymani.

Markus 16:20

Yaŋ agilyoŋ addoŋgu, apelnin Wən Nenek təki pakə. Daya agəɗək wəza dənɗaŋ, arbanək gesiŋ na Əpel van dit sekeneɗi.]

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Yohanna 6:45

Məverni addivit məskəleŋɗe na: Maŋgəlva wayeget pakə. Ɗəf dəprəm məs dəde səza Afu gəm dəyak pak, wade azawa.

Yohanna 7:17

An ɗəf aŋgələk əɗɗa əŋgla na Maŋgəlva na, wasən na əyakəŋ səza Maŋgəlva ade awaniɓa na kiyu nədawpele.

Wəza net Masləŋɗe 1:8

Ya wakərəhaŋ gagdaka, an Zeŋgile Salala adek akokum, wakəssoŋ məpeleŋ wən naw a Yerusalem gəm a Yude baymani, a Samari gəm hã aket meŋge na dəlva.

Wəza net Masləŋɗe 13:42

Səza Pol də Barnabas agilyoŋgu, akkametinik dəmndoŋgən aka əpel vanəska'e Pay naffet dədazzani.

Roma 15:19

Də əɓap net sekeneɗ gəm zəgeɗ naggət aketi, də əɓap na Əmpəs na Maŋgəlva. Təŋ sə Yerusalem kiyən tuwəɗ hã gap a Illuriko nərbanək Alabara Nenek na Kristu.

Əmsak aka Mahenziŋ 6:1

Əpel na ənziya dit mahenziŋɗe gəm tiveɗnanziya məs Yawe Maŋgəlva nokum aɗi nawyogokum kəɗɗaŋgən wəza dənɗaŋ aka dələv məs kədaddoŋ adak əgəmən ka nokuməŋ yəŋki,