Mika 4:13 - Bible en Guidar

¹³ Asil arga haya, Yerusalem! Vi wanəkkpaŋgan mohok va təbza gəm eperkeperke nok va təbəz pepreŋge. Wakəsər ɗiy diyɗa. Wanəzan zəga nawrəh na ma wəgay net də iya na Yawe gəm kawɗi arya net sən Yawe na dələv pakə.

Mika 4:13 ပူးပေါင်းရင်းမြစ်များ

Gəlyaɗe 24:1

Gəlyanalva na Davit. Dəlvafuŋ də zəga dəknəhã, Təki egge də an nakan pak na Yawe əŋgə.

Gəlyaɗe 68:29

Maŋgəlva nok aɗiyək wən nan na: arban gbogboŋ noko Maŋgəlva is məs kəgay ambaməŋka.

Gəlyaɗe 72:10

Milyeŋge na Tarsis gəm naket mətəwəraɗe wakiyaŋ əvəla; milyeŋge na Saba gəm na Seva, wakiynən nzalaka neti.

Isaya 18:7

Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.

Isaya 21:10

Mərgetiŋ ɗiy naw va hay a kelle, aski məs nəprəm səza Daya Məzuɓappak Maŋgəlva na Israyel. Ndəni nənah sukum.

Isaya 23:18

An arah gəm an məfaɗ səni, kepsini sən Daya. Kakkeleti ɓa, kawzeɓeti zaɓ ɓa, ərəh nan wasan ka nawzəm kpe' gəm əgul na sləma sit ɗiy məɗɗaŋ wəza aba Daya.

Isaya 5:28

Herɗe nan mətakaɗani meti bəleɗe nan pak tahəŋ minslinti. Eperkeperke tilit pilseŋge net tay ɓəl va gərma, batam mawteɗ na pələs net va kəɓəs na vẽŋvil na buwnəŋgə.

Yeremiya 51:20

Istə gədəma avawa, gulom nawgaya. Nəgəmuk avawa, nətiɓ ɗiy dənduko gəm nəzet milyeŋge.

Yeremiya 51:33

Vi vaŋki Yawe Məzuɓappak Maŋgəlva na Israyel anahə: Babilon tay pəh pəh məndapani. Abe siɗikke na, pay nawbələn wagapə.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Hose'a 10:11

Efrayim, bəlata miyagan lewlewi, aŋgələk ərga haya. Adan nərəh lelew na wəlani, nəklak wəlaŋga nense sən Efrayim awlani, Yuda nense, Yakob əziyani.

Mika 5:7

Ɗiy na Yakob dənduwəɗaŋ a weleŋgit ɗiy-ɗar diyɗa, wassoŋ va ɓoolu a weleŋgit zəgeɗ nawra, va wət ɓoolu a waleŋgit gilewi. Də təki atoŋ pak tay əŋgrofon gəm əbakan zəga ɗəf tay nawmõhun səman ɓa.

Habakuk 3:12

Də ədagədəv noki yi kədabbalan dəlvafuŋ, dit herɗe nok kədawndepet ɗiy naket dəlveŋge.

Zakarya 12:3

Dəpas na, wanəɗi Yerusalem va gərəm beppe məza awsla ɓa abet ɗiyi. Ɗiy en dəŋglaŋ əslanən pak waplote. Ɗiy naka dəlvafuŋ baymet wasapaŋ akani.

Zakarya 12:6

Pay nan dəpas na, wanəkkpeŋget ɗiy na Yuda va kasli noffo məsɗan addəvit wəleŋɗe ŋgərəɓə, vit va offo mətalən addəvit maŋgavɗe. Wazimnin ɗiy dətərwəslaŋ kiyiti, dəka dəzəŋ gəm dəka zlaɓay pakə. Ɗiy wassoŋ a Yerusalem əmpa a gəlet va lahəŋka.

Zakarya 4:14

Yaŋ amna: «Ndəɗaŋgə ɗiy sula məpeslit də mẽl məs ziwziw aba Daya na dələv gboŋgu.»

Zakarya 6:5

Maslay nak azlan anah suwa: «Eŋ səmyẽŋge poɗo na disiŋ dəgilyoŋ səza aziweŋ aba Afən dələv gboŋgu.»

1Korintus 16:2

Pay maddaabəŋ na əvoŋ buhul, ɗəf pak dəɗigən koɓo a maŋgava an məs adawɓap əzaɓani, vi adassan əga əzza naw kawtaf əvəl van ɓa.

Əmsak aka Mahenziŋ 33:25

Zəgeɗ nampan mativeɗ nok dəssoŋ na təbəz titir gəm pepreŋge, gbogboŋ nok dəzzek gba' ənziya nok egge.»

Yosuwa 6:19

Təbəz babar bayman də meleŋge may zəgeɗ na təbəz pepreŋge may na təbəz titire, pak salalaŋgə sən Yawe, nawzi addəv ərəh na Yawe.»