Mika 4:1 - Bible en Guidar

¹ Addivit əvoŋɗe nabe na mossorgo metiŋ na gəla na Yawe waday kiyit mossorgoɗe gugriɗe meɓɓeti, gəm waday kiyit təki ɗagarraɗi. Asna ɗiy naka dələv dəwənnet pak wazzoŋ ɗakɗak akani.

Mika 4:1 ပူးပေါင်းရင်းမြစ်များ

Va'Atəŋ 49:1

Yakob ayek kirtini, aɓsit na: Məkkalə, vi nənah sukumgən an dədaɗɗa akokum laha.

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

Gəlyaɗe 110:3

Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Gəlyaɗe 48:1

Gəlya. Gəlyanalva net kirtin Kore.

Gəlyaɗe 86:9

Ɗiy en kəgəɗ pak wazzoŋ əppu' aboko Yawe, wagagdakanən iya noko.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 54:2

Azlzleten təki na gizlirke noko, dəpekin məzlzlaraɗe na təki nassa noko, azlzleten azani. Appar helege nan azani. Ekkpe' wəleŋɗe nakkpa' nok təstəs.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 3:17

Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 31:12

Wamilyoŋ də əŋzla vaŋvəl sən ənnek aket mossorgoɗe na Siyon; wazzoŋ zletete aka zəga na va Yawe: Haykəmari, mbazla na meketepe, mẽl məɗotun kakaŋka, gilewi gəm wasliɗe. Wassoŋ va guli net wəleŋɗe məpsən iŋkile; azəmaŋ na sãhã əmpa ɓa.

Yeremiya 48:47

Wanəzaɓan wən na Mo'ab addəv pay an dədazzani Yawe aɗiymani. Aŋ ətawwən na Mo'ab adawziwwe.

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Ezekiyel 40:2

Addəv ula temtem məs Maŋgəlva arbə suwa, akuwək aka dələv na Israyel; aziwgu aka mossorgo metiŋ məɓayən diyɗa, akan də dohoŋ nan na, tay va gəleɗe mərket na walaŋgəla-metiŋ.

Ezekiyel 43:12

Vaŋki mahenziŋ na gəla na Maŋgəlva: aka dadwar ki gərma, aka va nan tərwəsl salalay diyɗa. Vaski mahenziŋ na gəla na Maŋgəlva asani.

Daniyel 10:14

Nəde na vi kaprəman suk an nazzan aket ɗiy nok abe, vi ula aka an dəwəl sən pay vanəs əmpa.»

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 2:35

Aka ma taka, təbza, membezleŋ, təbəz pepreŋge, təbəz babara gəm meleŋge aŋzlaŋ pakə; akkpaŋgaŋgək va eslesle məzəzzoŋ sə kelleɗe də mawala məs səmyã adawka məza batamən əsən ɓa. Gərəm məs dəbət aka zəgakamaŋgəlva məzaɓən van tamə, nan akkpaŋgək mossorgo metiŋgini ya aknahək dəlvafuŋ pakə.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Daniyel 7:18

Sədirɓegeti, ɗiy en salala na Məsəɗəɗə warəhən məlyã, neti, məlĩ wasan avet hã faɗ ka faɗə.»

Daniyel 7:22

hã gap mazza nak pay kawka wən ammbet ɗiy salala na Məsəɗəɗə. Səza pay nan agapə məpsiti gagdak na məlĩ ammba vet ɗiy na Maŋgəlva.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Zakarya 14:10

Dələv pak wakkpaŋ mukuro, təŋ sə Geba hã gap a Rimmon, a dohoŋ na Yerusalem. Yerusalem wasili, ɗiy wassoŋ də gəla a gəleti, təŋ sə maddamba na Benyamin hã gap a maddamba məzvani, gap aza maddamba na bezler, təŋ səza gəla na zəray na Hananeyel gap aza təki nawɗot megezlembirkeɗ na məlyã.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Wəza net Masləŋɗe 2:17

Maŋgəlva amna əvoŋɗe meddirɓe na: Wanuksu' Əmpəs naw aket ɗiy pakə. Kirtukum mezeŋleket dit muguluŋgit waɗɗaŋ kəleŋ. Gewleɗ nokum warahaŋ ula, mezzeɗ nokum wassineŋgi.

Ibriɗe 1:2

ya aza wəgrak na pay nan kan na, Maŋgəlva apel səmək də ma Wətəni, məs aɗi aka zəga pakə, ndəndəni Maŋgəlva azəməɗ zəgeɗ pakə.

2Piyer 3:3

Məsən tagay na, pay əgrak dəlva, ɗiy məmasaŋ aka ɗəf wazzoŋgu, wadawaŋ addəv əŋgla na gəɓa ziti.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 20:4

Yaŋ nula mezeŋgeɗ na məlyã, ɗiy məs dəssoŋ aket arəhaŋgək gbogboŋ nawtawwəna. Nulak zeŋgilet ɗiy məs məbeyit vi adawpelin wən na Yesu gəm əpel na Maŋgəlva gəm ɗiy məs dəgagdakanən zəga mamayã ɓa mãy zeŋgilen ɓa, dətafən voɗoko nan a mirbizit ɓa, awaniɓa aza vet ɓa. Assoŋguk mederet də Kristu, tahəŋ wəzəmaŋ məlĩ dəndən gap wəzva gabalə.