Mika 3:11 - Bible en Guidar

¹¹ Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:11 ပူးပေါင်းရင်းမြစ်များ

Wənməkkpaŋga 17:23

Ɗəf mbərayən dədawtaf zəga na makaryam mahaɗama, vi kamzlahgən wən səka təstəsə.

Isaya 1:23

Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Isaya 48:2

Mənokum tat əya kizukum də iya na walaŋgəla-metiŋ salala, mənokum məzugeseŋ aka Maŋgəlva an Israyel, məs adawyaŋ na Yawe Məzuɓappakə.

Isaya 5:23

Tay əkaŋ wən ammba məsdaraw vi adawrəhaŋ zəga na mapalay səvani, tay əgayaŋ ka təstəs net ɗiy en dəɗɗaŋ zəga ta'sa ɓa adawla ɓa.

Isaya 56:11

Kirɗe məs memeyẽɗiŋgə awbaŋ ɓa. Məzuteɗeŋgeŋgə, ya zəga tay asənaŋ ɓa, naway pak əzban tive nani. Naway pak tay əkayan ərəh nan kaka'ə.

Yeremiya 23:17

Ndəɗaŋ məzupeleŋ dawnah sit məzumasaŋ na: Yawe amna: zazay wasan akokum. Sit məzəzbanən əɓɓəlan mekret na tahəŋ ənahaŋ na tatwãh ade na akokum ɓa.

Yeremiya 26:7

Məsdəlveŋge, məskəleŋɗe dit ɗiy pak aprəmənək va Yeremiya apel əpeləs addəv gəla na Yawe.

Yeremiya 5:12

Dəsənən Yawe ɓa, anahaŋ na: Tay ɓa, tatwãh arəhəm na ɓa, məwəl na masalam ɓa, may ɓa.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 7:4

Nokum kədawmbəɗanən zukum də əpel na uwawən də wənəh na: Aŋ gəla na Yawe yi, aŋ gəla na Yawe yi, aŋ gəla na Yawe yi ɓa.

Yeremiya 8:10

Vini nədapsit gil net sit ɗiy mbirti guli net sit ɗiy en nawmõhini Vi təŋ səka muzliya hã gap ɗəf metiŋgini, naway pak tay əkayan ərəh kaka; təŋ səza məskəleŋ gap aza məsdəlva, naway pak tay uwawəna.

Ezekiyel 22:12

Ɗiy tay itipeŋ hara ɗəf də arya anokda vi kawbay ɗəfa, kawrəha; is tat ətaf ərəh toŋ ki va aka dəmən; is tat əppit meggeŋgiɗuk də əsərmeti; ya naw na is kiyu zəgət! Daya Yawe aɗiymani.

Ezekiyel 22:27

Ɗiy gugriɗ naddəvən tahəŋ va kirɗemuyã məzupuwenin sluwa, əggbo'oŋ mbel kawzet ɗiyi vi kawnda arya neti.

Ezekiyel 34:2

«Wətən ɗəfa, agəɗ kəleŋ aket məzutəɗeŋɗe na Israyel, agəɗ kəleŋ anah sit məzuteɗeŋɗe na: An Daya Yawe anah yaŋka: Əray aket məzuteɗeŋɗe na Israyel məzutaɗnən kiziti! Gilew məzutaɗa adawtaɗ ɓa sa?

Hose'a 4:18

An abaynənək ma əsa mbazla net na, aza polkoyo adawtoŋgoŋgu. Deyeɗe net ərba wil aŋglaŋgə.

Hose'a 4:8

Ammba mambray net ɗiy naw adawzəmaŋgə, heret sekke ammba heslepe neti.

Amos 5:14

Məkayan zəga an moggoni məza an mbərayən ɓa. Vasna wakəssoŋ madarokum, Yawe, Maŋgəlva Məzuɓappak, wasaŋ də mənokum, va kədawnahaŋgə.

Amos 9:10

Də masalam nədawzet məs mambrayɗe naret ɗiy nawa, ndəɗaŋ mənahaŋ na: kəki na ɓa, kəgapgən na tatwãh akam ɓa!»

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Mika 7:3

Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.

Sefanya 3:3

Deyeɗe naddəvən tahəŋ va ɓooliɗ məzuhəmaŋgə; mətawaŋwən nan tahəŋ va kirɗemuyã də moskoyo, məs tahəŋ də zəga narras dəmpummo ɓa.

Sefanya 3:4

Məskəleŋɗe nan məɗiyaŋ kizitiŋ, məs vurumɗeŋgə; məsdəlveŋge nan araygənənək zəga na matuya, aggaraŋgək ki mahenziŋ.

Malakiya 1:10

Naway sə walaŋkum namsan maddamba vi kədasɗaŋ offo aka matuya naw ɗar mekeleŋ ɓa di? Zu tay nek də mənokum kpak ɓa Yawe Məzuɓappak anahə. Ya nətaf na əvəl səvokum ɓa.

Malakiya 2:9

Naw tamə wanəkkpaŋgokum ka nawzel ɗar a maheret ɗiyi, vi kazbanən tive naw ɓa gəm mənokum tat ərban uɗak awalaŋkum.

Əŋɗa 16:15

Gədəv Moyis adək sawɓa. Aɓsən Yawe na: «kəzlgə sləma aka əvəl net ɓa. Nətaf koro net dayday ɓa, mbərayən tay nəgəɗ sən ɗəf taka səmmbet ɓa.»

Əŋɗa 22:7

Ɗiy məsɓet na Mo'ab dit en na Madiyan, mbataŋ kan də zəga evet nawfaɗ sən məwəl helig vani. Səza agapaŋ ana Balam da na, aman sənənək əpel na Balak.

Matiye 3:9

Kədaɗɗumoŋ a mokrokum na: Dəhiŋgiɗin Abraham mənani ɓa. Naw in tat ənah sukum, Maŋgəlva tay də gbogboŋ nakkpeŋget kuneŋgeŋ ka kirtin Abraham.

1Timote 3:3

Adawsan ɗəf məs dəppan ki zən sən mbazla ɓa, adawsan məŋgəl əgay ɓa, dəsan makran zayə, adawsan məkaymama ɓa, awaniɓa məŋgəl deleɗ diyɗa diyɗa ɓa.

Titus 1:11

Amsan meti, tahəŋ əraygitin ɗiy də gəla net pakə, də əɗɗa əyak məs dəslə ɓa vi kawrəh ərəh net wili.

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

Zuda 1:11

Əray aketi, vi azbanənək tive na Kaynu, addoŋguk addəv əza na Balam ammba zəga nawrəha. Aɓoŋgoŋguk va Kore, azaŋka.

1Samiyel 8:3

Kirtin dəgəmnən tələn ɓa. Heret ɗəhərra ammba wərəha, wətafaŋ zəga na makaryam, wədoɗonən wən nawtaw sarra.