Mika 1:13 - Bible en Guidar

¹³ Ɗiy na Lakis, mətok mawteɗ ammbet pilseŋge nokum. Vi siskey suwer mambray na Yerusalem, vi anokda mərəh əɓoŋ na Israyel.

Mika 1:13 ပူးပေါင်းရင်းမြစ်များ

Va'Atəŋ 19:17

Pay adawketin a mapoho, anahaŋ sənənək Lot na: «Anzok kəkõhgəngən kiyko. Kədawla dərɓogok ɓa, kədawziw aka dələv maɓɓan aŋ dayday ɓa! Anzok kəlaka gərma vi kədawza ɓa.»

1Milyeŋge 14:16

Wappet mə Israyelɗe, vi Yerobo'am agəɗək mambray gəm atoŋgitik ɗiy na Israyel addəv mambraya.

1Milyeŋge 16:31

Wəzban təl Yerobo'am wətən Nebat addəv mambray nanəŋ pak gəsi azani, yaŋ ambat agəmət Izabel, wətən Etba'al, məlĩ net mə Sidonɗe ka goni, ndən mbat agəɗ sən wəza sən Ba'al, appu' abani.

2Milyeŋge 14:19

Mətuvuri yi wən akan a Yerusalem, ndən ɓak a Lakisi. Ndəɗaŋ slən ɗiy ammban a Lakis, abaynən adaka.

2Milyeŋge 18:17

Sə Lakis, məlĩ na Asiri aslən daya net məzəlpaŋgə, daya na dibirgidik də daya net məpsənən zəga nawsa aza məlĩ Hizkiya dit məzəlpaŋ diyɗa a Yerusalem. Apeŋgeŋ azzoŋ a Yerusalem. Apeŋgeŋ agapaŋ a mahara gəla, yaŋ aziweŋ ama tive na maha net iŋkile na disiŋ, aka tive nawmbat a guli na mənɗer gabaga.

2Milyeŋge 8:18

Azbanək təlit milyeŋge na Israyel, va gəla na Akab agəɗə, vi wətən Akab tə guluk nani. Agəɗək zəga mbərayən a mahara Yawe.

2Alabaraɗe Də Mabərkiziti 11:9

Adorayim, Lakis, Azeka,

2Alabaraɗe Də Mabərkiziti 32:9

Sə dərɓaga aska, Senakerib məlĩ na Asiri aka asan də dula nan a Lakis na, ndən slən gewleɗ nan a Yerusalem aza Hizkiya məlĩ na Yuda gəm azet ɗiy na Yuda məs dəssoŋ a Yerusalem pak kawnah sit na:

Ɗerewel na Yob 39:10

Wakəɓap əkyak təgənə də helege dəbot sukgən ma sa? Awaniɓa, waziyan təki kitikke dərɓogok də zonso sa?

Əgilye 32:21

Moyis anah sən Aron na: «Miy ɗiyiŋ aɗɗaŋ sukun ka kəkiygən mambray metiŋgin vaŋ aket di?»

Isaya 10:31

Madmena atərayka, ɗiy na Gebim tay əkayaŋ təki nawɗama.

Isaya 36:2

Məlĩ na Asiri aslənək daya net məzəlpaŋ də dula nalpa ammban diyɗa a Yerusalem aza məlĩ Hizkiya daga sə Lakis. Aziwik amabuzgum na məŋkpara məs dədaggbo' a məlpa metiŋ aka tive na guli na məskoɓ lukutɗe.

Isaya 37:8

Daya net məzəlpaŋ na məlĩ nak mili, arəh məlĩ na Asiri alək sə Lakis kaɗɗa əgay də Libna azban adaka.

Yeremiya 3:8

Nulak va nəzgan Israyel məppan Maŋgəlva, va nuɗak dəndən dapsən ɗerewel nawɗaka vi agəɗ polkoyo. Də as pak na Yuda məgəɗ mbərayən məlmən dəgeslne ɓa. Ambatək əɗɗa polkoyo tamə.

Yeremiya 34:7

gala məzəlpaŋ na məlĩ na Babilon awaksənən Yerusalem də əlpa gəm dit walaŋgəleɗe gugriɗ na Yuda en dəppaŋ əgay dənɗaŋ pakə: Lakis gəm Azeka, vi ndəɗaŋgə dəppaŋ səret walaŋgəleɗe gugriɗ na Yuda en na korgu.

Yeremiya 4:29

Sən ɓaɓəlmet mawteŋɗe net pəlsəŋge gəm ɓaɓəlmet məhõnən bəle! Ɗiy na walaŋgəla-metiŋ pak anzoŋko. Ɗiy ətoŋgoŋ addivit geslembeɗi, əpeŋgeŋ aggərma. Walaŋgəla-metiŋ seŋseŋ, ɗəf tay dəpəl təttaka addəvən ɓa.

Ezekiyel 23:11

«Oholiba, məlmət tulaka, təraygənək zəta, may nat adayək ki an nata; əku nat adayək ki əku nat məlməta.

Mika 1:5

As pak vi əɓoŋ net kirtin Yakob, gəm mambray net mə Israyelɗe yi Əɓoŋ na Yakob van mi di? Samari yi ɓa sa? Naway dəkdah Yuda addəvit gəleɗe-nettuyeŋge di? Yerusalem yi ɓa sa?

Yosuwa 10:3

Ndəni kan, Adoni-Sedek məlĩ na Yerusalem aslən ənah sit may Hoham məlĩ na Hebron, Piram məlĩ na Yarmut, Yafiya məlĩ na Lakis gəm Debir məlĩ na Eglon na:

Yosuwa 15:39

Lakis, Boskat, Eglon,

Hənhən 2:14

Ya in tat də an nədawzelen azok siɗikke, is tat dit ɗiy anokda məs dədazbanən wən məs Balam adawsəɓ sən Balak dəŋsləngən bizwil sit mə Israyelɗe vi kawreɗit dəzəmaŋgən slu nawzaɓ-Maŋgəlva sit zəgeɗkamaŋgəlva gəm dəɗɗaŋgən polkoyo də zə ɗəfa.

Hənhən 2:20

Ya an nəzel azok na, is tat əzi horok sət Zezabel, ndət guluk məzuɗi zət ka məskəleŋkə gəm məzuzet məɗɗaŋ wəza naw də ərban sit zəga dəɗɗaŋgən polkoyo gəm dəzəmaŋgən slu nawzaɓ-Maŋgəlva sit zəgeɗkamaŋgəlva.