Məsmaɗula 9:12 - Bible en Guidar

¹² Vi ɗəf dəsən pay nan ɓa va asan mbərayən sit kilif mərmet addəv zəva gəm va biŋgeɗ mərmet də mazzaɗə, vaskəŋ kirtin Adam an pay tatwãh adek aket midigurzike.

Məsmaɗula 9:12 ပူးပေါင်းရင်းမြစ်များ

Gəlyaɗe 11:6

Dəki əhay na buwən aket məsdarawɗe! Offo, busuk gəm əzəmsahã, haran net yas adawgaŋgə!

Wənməkkpaŋga 24:22

Vi tatwãh girzik adazzan aketi. Ya nawã dəsən əza net sulegitis di?

Wənməkkpaŋga 29:6

Bizwil tay addəv mambray na ɗəf mbərayən, ɗəf an təstəs nan wapeɓɗeki, wanneken zəni.

Wənməkkpaŋga 6:15

Vini yi kan, ba' taka ləŋ tatwãh nan adazzan səni, gurzik na tay ɓa, mihã nan tay ɓa.

Məsmaɗula 3:19

Vi an dədaɗɗa aket kirtin Adam gəm an dədaɗɗa aka zəga mamayã pakə zəga takay. Va ɗəf adamta, vas zəga mamayã adamta vi tahəŋ də əmpəs pakə. Əday na ɗəf ki zəga mamayã tay ɓa, pakgən zəga ɗari yi.

Məsmaɗula 8:11

Vi ətawwən tay gu' aka wəza mbərayən ɓa yi mekret kirtin Adam aknah də əɗɗa mambraya.

Məsmaɗula 8:8

Ɗəf tay də gagdak aka əmpəs ka kawziwgin ɓa; ɗəf tay də gagdak aka pay na əmta ɓa; ɗəf tay nawbew məza al na əlpa ɓa ɓa, daraw tamə akõhgən na ɗəf məzəɗɗan ɓa.

Məsmaɗula 9:13

An nəwəl yaŋ əmpa, maɗɗula ammba paya zəga metiŋgini azawa.

Isaya 24:18

Ɗəf məzənzan səba vaŋvəl məɓoh makra ɗəfa waskot addəv vovu. An məzugilyen sə vovu, warəm aka mazzaɗə. Vi met iŋkile na disiŋ akolko, gabba dəlvafuŋ aɓəlka.

Isaya 30:13

Vini kana, mambray vanəs wasan sukum va əpɗak na zlava məɓayən asna ndən ədakɗaya gurzik na ndən əɓzla aka ma taka wow.

Ezekiyel 32:3

Vaŋ Daya Yawe anahə: Wanəzzaɗ zəva naw akok pay əkkal net ɗiy diyɗa, wakdəhkun də zəva vani.

Hose'a 7:12

Pay adaddoŋgu, wanəzlzlar weŋge naw aketi, waniyo' va biŋgeɗ na disiŋ, wanəzga' sit va wən nan aprəm addəv əkkal neti.

Hose'a 9:8

Məzuga na Efrayim na də Maŋgəlva nawi, məskəleŋgi yi, mazzaɗɗe mənslənit aket tiveɗ nan pakə, məwak səni hã səddəv gəla na Maŋgəlva nani.

Luka 12:20

Ya Maŋgəlva aɓsən na: Məza maɗulan ɓa, dəfɗəŋka kattokoki zeŋgiloko, zəgeɗ məs kəkkal pakəŋ ka na nawa adassoŋ di?

Luka 12:39

Məsən na: An afən gəla asənək pay məhala adazzan na, appan na dətilikgin gəla nan ɓa.

2Korintus 6:2

Vi anahək na: Pay an dəslə, nəzlan sukko. Pay nawkõho, nərmak voko. Ya kakaŋki pay an dəslə kpakə, kakaŋki pay nawkohõ.

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.

2Timote 2:26

maɗɗulet dədegini, dəgilyoŋgən səddəv mazzaɗ na Diyabəl məs dərme ka dəɗɗanəngən əŋgla nani.

1Piyer 2:12

Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

2Piyer 2:12

Ya ɗiyiski tahəŋ va zəgeɗ memeyẽɗi, kiyit tay ɓa, muwet vi karmet kawbeyti, tahəŋ wəranən an məs dəsənən ɓa, wazaŋ va zəgeɗ memeyẽɗ adawzaŋgə.