Məsmaɗula 9:11 - Bible en Guidar

¹¹ Nulak ammba pay na, məs kakara azet dedawgapaŋ daabəŋ addəv ənza kaka ɓa, məs mekret dədaskaŋ wəla kaka addəv wəgay ɓa, məsmaɗɗulet dədawrahaŋ way kaka ɓa, məs əsən aket dədawrahaŋ arya kaka ɓa, məs kokonet dədawrahaŋ mbəlembəle kaka ɓa, vi pay moggoni də an mbərayən azzan sit pakə.

Məsmaɗula 9:11 ပူးပေါင်းရင်းမြစ်များ

2Samiyel 17:14

Absalom dit mə Israyelɗe pak aɓɗaŋ na: «Pepet na Husay əŋ mə Arki moggoni day ki an na Ahitofel!» Yawe dəɗi wən nan ka pepet na Ahitofel moggonəŋ dəraygəni, vi Yawe dəkigən əray aka Absalom.

2Samiyel 17:23

Adan Ahitofel awla pepet nan an atawan mulani va wən ɓa, aynan mazaŋga na koro nani, amndan ananda, a walaŋgəla-metiŋ; yaŋ aman man sit ɗiy neŋgil ananda, ndən zən lawə, zamə. Məndəkni addəv magamas na afəni.

2Alabaraɗe Də Mabərkiziti 20:15

Yaŋ amna: «Məpak sləmokum, mənokum ɗiy na Yuda baymokum gəm ɗiy dəssoŋ a Yerusalem may məlĩ Yosafat! Məs Yawe adawnah sukum yaŋka: Kəgeslne'eŋ ɓa, kəkkereŋ sən dula metiŋginəŋ ɓa, vi əgayəŋ nokumi ɓa, na Maŋgəlva yi.

Ɗerewel na Yob 34:29

An asanək ɓatɓat na, nawa nawɗi man na araygənəka di? An aɗamək na, nawa dədawlan di? Ya wazək sləma aket ɗiy pakə.

Gəlyaɗe 76:5

Is tat iwiɗe, gədak kənan, daykiyit mossorgoɗe gugriɗ hã sete!

Wənməkkpaŋga 1:5

Məs maɗɗulan dəprəma, wanzlərgən əsən nani, məs əsən akan tam tive nanziya temtemi.

Məsmaɗula 2:12

Nəkkpaŋganək haraw kawla maɗɗula, wəteme gəm dərwa. Ɗəf an dədawsan məlĩ sədərɓagaw na mbar adawsan di? An aɗɗaŋ far adaɗɗa!

Məsmaɗula 3:14

Nəsənka an Maŋgəlva adaɗɗa pak na, nan wasan faɗə; zəga tay nasləraɓ akan ɓa, zəga tay nagdah səzan ɓa, Maŋgəlva aɗɗak ka ɗiy dəgeslne'eŋ sənəngəni.

Məsmaɗula 3:17

Nənahək də makraw na: Maŋgəlva watawwən aka ɗəf təstəs gəm məsdaraw, vi pay tay vi zəga pakə gəm wəza naɗɗa pakə.

Məsmaɗula 4:1

Nəkkpaŋgək nula əzəmsahã temtem məzəɗɗa əgge. Əhəm net ɗiy məzuzəmaŋ sahã, ɗəf tay nabbah sit ɓa; gbogboŋ avet ɗiy məzəmgitin sahãyi ɓa na, net ɗəf tay nabbah sit ɓa.

Məsmaɗula 4:4

Naw nulak əzəmsahã na ɗəfa, ədaw na wəza moggon nan pak kotoroki a walaŋgən də meggeni. As pak zəga ɗari, əzban səmyãyi.

Məsmaɗula 7:13

Awla wəza na Maŋgəlva. Naway nappiɗiw an adoɗ di?

Məsmaɗula 9:2

An dədawtoŋ aket ɗiy na zəga takay pakə, an dədawrah ɗəf təstəsə tawrah məsdaraw, tay əɗar aka ɗəf moggoni gəm ɗəf məza heslepe ɓa va aka məs mambraya, aka məzaɓ-Maŋgəlva va aka ɗəf məs awzaɓ-Maŋgəlva ɓa. Aka ɗəf mədaw təstəs va aka məs mambraya, aka ɗəf məswayə va aka ɗəf məgeslne sən əswaya.

Məsmaɗula 9:3

An dəray səddəv an dədaɗɗa ammba pay pak yaŋka: Zəga taka dədawrah ɗiy pakə. Mekret kirtin Adam aknahək də mambraya, pay assoŋ medereti wətem aknahək a mekreti, səɓɓan na ndəɗaŋ kamta.

Yeremiya 46:6

Məs tələn nek akõh na ɓa, gurom nalpa akõh na ɓa, də tapaslay pay na kəla disiŋ ama Efrat, wataŋgbayaŋ, waskotoŋgu.

Yeremiya 48:14

Mbar kədawɓap ənahaŋ na: Məs makram mənani gəm məzəlpaŋ mənani di?

Yeremiya 9:23

An ɗəf man aka əkaɓ na, dəkaɓ dərəŋ vi tay də əsən naprəm gabba wəna gəm asənwəka, Vi in Yawe tə nədaɗɗa an moggoni, an sarara gəm an təstəs aka dəlva. Vi addivit zəgeɗ vas nədawnan neki Yawe aɗiymani.

Zakarya 4:6

Yas azlani, aɓsu dawnəh na: Aŋ əpel na Yawe sən Zorobabeli, amna: Də gbogboŋgi ɓa, də wəɓapi ɓa'a, də əmpəs nawi dərəŋ Yawe Məzuɓappak anahə.

Malakiya 3:18

As na wakulanən uɗak awalaŋ ɗəf an təstəsə də məsdaraw, awalaŋ ɗəf məgeɗ sən wəza sən Maŋgəlva gəm ɗəf an awgəɗ sən ɓa.

Efesus 1:11

Addəvni yi'e məweləm ka məzəmgəngəla, məwelmi dafsən va aza əŋgla na məzəɗɗa wəza də zəga pak va aza aŋgla nani.

Əmsak aka Mahenziŋ 8:17

Kədawnəh a mokrok na: «Də wəɓap naw gəm gbogboŋ na vawi nəsaw məs aryaŋka ɓa.»

Əmsak aka Mahenziŋ 8:18

Ya kəɗɗumongən Yawe Maŋgəlva noko, vi ndəni yi dəpsuk ɓəɓəl nalma aza aryaska, vi kawziwgin wənmiyna nan asway sit efiŋgiɗuk va adaɗɗaŋ dəpaŋka.

1Samiyel 17:50

Davit askak wəla mə Filisti də mabəŋbəŋga gəm gərma. Davit abayək mə Filisti məza də masalam avan ɓa.

1Samiyel 6:9

Kulanəngəni, an agəmək tive nawmbat aka dələv nan kəla Betsemes, asna ndəni dəki gəbay metiŋgin akamə; an vaski ɓa na waməsən kana ndən dərgəm ɓa mandaray dəde akamə.»