5 Dəɗah əprəm əzga na məsmaɗɗula ki ɗəf məprəm gəlya net dərweŋge.
Moggoni an ɗəf təstəs arguka, azga' suka! Tay va mẽl məppayən aka kiywa, nəɓoŋ sən na ɓa, ya əkkam naw wasan aka wəza mbərayən net məsdarawɗe əmpa!
In kulo' zəga na gəlabaya, yaŋ nəkkpaŋ va zəga na mamba azeti.
Məs dəzelen əsəɓ na, wafaɗ akani; məs dəzban mahenziŋ na, warah zəga na vani.
Sahã dit wil aka dəf an dəzelen əyaka; məs dərma əsəɓ na, warah gagdaka.
Əsəɓ təl taka dədawmbat sən ɗəf məzəprəm day ki ərga dərwa təl səkatə.
Va ndamak na meleŋge gəm mipa'a na meleŋge saksakə, vaski əzga' na məsmaɗɗula a sləma ɗəf məzəprəma.
Vaŋvi na ɗəf an dəŋgəluk awsan də wən ɓa, əsɗa na məzuzel na, akan akani adawsan day.
Vi əsəɓ na, ndəni lalam; mahenziŋ na, ndəni əkeɗeɗe'e; əzga naddəv əyak na, ndəni tive na zeŋgile,
Kəsəɓsən məzəguzlo ɓa, vi adawzelko; asəɓsən məsmaɗɗula waŋgluko.
Əpel net məsmaɗɗulet tay va təbəz ma popyoŋ, ɗiyen dəvernin tahəŋ va təbəzɗe məkkpe'ti; as pak məzutaɗa taka dəɗɗa.
A təki əmta asani mekret məsmaɗɗulet adaki; a təki ənnek asani, mekret dərweŋge adaki.
Əpel net məsmaɗɗuleti, an məziyi zə ɗəf əpremni, adayək ki vaŋvəl na məlĩ dəsan aket dərweŋge.
Naw ɗiy məs nəŋgəl pak in tat əhẽyeti, in tat əzga' siti. Asok də əŋgla nan a amkrok kan va offo, aɗimarava.