Məsmaɗula 7:14 - Bible en Guidar

¹⁴ Pay na ənneke, anneki. Ya pay na tatwãha, aɗɗumu. Maŋgəlva dəɗɗe məstaka vi ɗəf adawsən gabba zəga sə gəlan ɓa.

Məsmaɗula 7:14 ပူးပေါင်းရင်းမြစ်များ

1Milyeŋge 8:47

an aɗɗumonənək a mekreti aka dələv adassoŋ belemɗe adaka, an aɗiyaŋgək marava, amndoŋguk appu'oŋ sukunək aka dələv net ɗiy dəndenən aka balam, də ənəh na: Məgəɗək mambraya, məgəɗək heslepe, məraygənka na.

Ɗerewel na Yob 2:10

Azlan sət na: «Is tat əpel va ɗak mətemta. Mənam tat ətaf zazay səva Maŋgəlva ya tatwãh na, vimi nan mawtafən ɓa di?» Addəv as pak Yob dəzlzlaɓ də əpel na man ɓa.

Gəlyaɗe 119:71

Moggoni azaw məzəmgu sãhã, vi kaŋɗet əsərəkɗe noko.

Gəlyaɗe 40:3

Akdəhwək sə vov daryaw, səra ndərɓa kpukpumo. Aziwguwək aka milɓe; asɓanək təlwa.

Məsmaɗula 10:14

Dərwa anzlərgən əpele; ɗəf dəsən an dədaɗɗa abe ɓa. Nawa dədawnasən an dədaɗɗa dərɓagan di?

Məsmaɗula 11:9

Gawla, annek aka pay na gawla noko, mokrok dənan nek pay kədawman zuko, adaw va mokrok aŋgələ va an kədawla. Ya asən na, aket zəgeɗis pak na Maŋgəlva wakuk aba wətawwəna.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Məsmaɗula 12:8

Zəga ɗari yi, zəga ɗari yi məsmaɗula anahə, zəga pak zəga ɗari yi.

Məsmaɗula 3:22

Nulak na moggon tay nawday ki an ɗəf dənnek addəv wəza nani ɓa ɓa, vi aski haran nani. Naway nawmilgin kawla an dədaɗɗa dərɓagan di?

Məsmaɗula 3:4

pay nawhəma gəm pay nawmasa, pay nanɗəsa gəm pay nawpepɗeke,

Məsmaɗula 5:17

Aŋki moggon an nəwəl azawa, an dəslə na: wəzəma də əsa gəm ənan nek addəv wəza an ɗəf adaɗɗa ammba pay addəv əvoŋ an Maŋgəlva apsən pakə, vi aski haran nani.

Məsmaɗula 8:7

Dəsən an dədazzan abe ɓa, naway nawnah sən va zəga van adawsan di?

Məsmaɗula 9:7

Doko, azəm way nok də ənneken zuko, asa mbazla nok də mokrok taka, vi Maŋgəlva atafək wəza nok səkay.

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 42:25

Ndəni aggbo' ədagədəv nan gəm gəgay nawgay aketi. Aɗisənək offo kiyit suləkə, ya dəsənən ɓa; azleke, ya dəɗinən aket ɓa.

Yeremiya 23:20

Ədagədəv na Yawe aɓət na ɓa gap ndən gərak əkgrak əɗɗa an na makrani. Addəvit əvoŋɗe en nabe na wakəɗɗumon akan də maɗɗula.

Əɓuhma 3:38

Səma Məsəɗəɗə tatwãh də nenek adawgilyen ɓa sa?

Mika 6:9

Yawe tay iya walaŋgəla-metiŋ, wakohgit məzugeslne'eŋ sənən iya nani: Məprəm əzga na ɗəf an dəpele!

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

Wəza net Masləŋɗe 14:22

Aɓɓəletinik məzutafaŋgə gəm asɓetinik dəssoŋgən pay pak addəv ətafa. Aɓɗaŋ na: Də əzəm sahã diyɗa mədawtoŋ məlĩ na Maŋgəlva.

Əmsak aka Mahenziŋ 26:11

Asna kənnekengən zuk də mə levi, molhõyõ en na nokda vi zəga moggon an Yawe Maŋgəlva nok apsuk də gəla nokuŋ pakə.

Əmsak aka Mahenziŋ 28:47

Vi pay zəgeɗ assoŋ avok diyɗa, kəgəɗ wəza sən Yawe Maŋgəlva nok də zuk nek gəm mokrok kotak ɓa,

Əmsak aka Mahenziŋ 8:3

Atoŋgukuk addəv sahã, aki sukuk mayã, azəmgukuk manhu, məs kəsən ɓa, efiŋgiɗuk dəsənən ɓa, vi karban suk na, ɗəf asan na madaran vi way kaka ɓa, də an dəgil səma Yawe pakə'e ɗəf adawsan madarani.

Əmsak aka Mahenziŋ 8:5

Wakəsən addəv əɗɗum nok na, Yawe Maŋgəlva nok man aka əyogok va ɗəf adawyagan wətəni.

Yakob 5:13

Ɗəf tay dədawzəmsãhã awalaŋkum sa? Dəkkaman Maŋgəlva. Ɗəf tay a walaŋkum də zən nek sa? Dəyə gəlya nawgakdakan Maŋgəlva.