Məsmaɗula 5:8 - Bible en Guidar

⁸ Zəga nawrəh naka dələv na, net ɗiy paki yi, məlĩ dayday səza inse adawraha.

Məsmaɗula 5:8 ပူးပေါင်းရင်းမြစ်များ

2Alabaraɗe Də Mabərkiziti 26:10

Siske əmpa arke gəleɗe məɓeyit a kapta-muyã gəm aso' met iŋkile diyɗa, vi tay dit gibekɗe diyɗa a Bagərma gəm a təki məpəlayya. Tay dit məzənseŋ sənən gəm məzəmpaŋ sənən megezlembirkeɗ aket mossorgoɗe gugriɗe gəm aka Karmel, vi aŋgələk wən na inse.

Ɗerewel na Yob 24:23

Də appet kiyit foŋgo pak na, haran tay ula ədaw neti.

Gəlyaɗe 12:5

en dənahaŋ na: «Də hərzluməm mədaska wəla; metteɓ mam tay də mənamə; naway nawsan daya nam di?»

Gəlyaɗe 55:9

Wanəmbat də kakara a təki nawɗam sən səmyã na barkataŋ.»

Gəlyaɗe 82:1

Gəlyanalva na Asaf. Maŋgəlva aziwik addəv əkkal net ɗiy nan na disiŋ, tay ətawwən addekit meŋgilveɗ ənəh na:

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Gəlyaɗe 95:3

Vi Yawe Maŋgəlva metiŋgini, məlĩ metiŋgin aket meŋgilveɗ pakə.

Wənməkkpaŋga 22:16

Məzəmgən sahã na ɗəf məddakən na, wakkpaŋgan məsarya; məvəl sən məsarya na, wakkpaŋ məssãhã.

Wənməkkpaŋga 24:12

Wakənah yas na: «Ha'aw sa, nəsən akaw ɓa'ə!» Ya məkoson mekret ɗiy tay ɓa sa? Nan asənək gabbani; ndən dədawluko, nan asənka, wapsən nawãy pak va aza wəza nani!

Wənməkkpaŋga 8:17

Naw ɗiy en dəŋgluwən nədaŋgla, en məzukayawən pak warəhwənən.

Məsmaɗula 3:16

Nulak egge əmpa na, a təki na ətawwəna adaki daraw asani, a gəla ədaw təstəsə daraw dəsani.

Məsmaɗula 4:1

Nəkkpaŋgək nula əzəmsahã temtem məzəɗɗa əgge. Əhəm net ɗiy məzuzəmaŋ sahã, ɗəf tay nabbah sit ɓa; gbogboŋ avet ɗiy məzəmgitin sahãyi ɓa na, net ɗəf tay nabbah sit ɓa.

Məsmaɗula 5:9

Ɗəf məŋgəl deleɗi wabə dit deleɗ ɓa, məŋgəl arya tay an adawrəh ɓa. As van zlaŋ zəga ɗari yi.

Məsmaɗula 7:7

Əzəmgən sãhã awtemgin ɗəf məsmaɗɗula, zəga na makaryam tamə awraygən makra ɗəfa.

Məsmaɗula 8:9

As pakə, nula na də əkoson an ɗiy adaɗɗaŋ ammba pay paki yi. Pay tay ɗəf adawsan də gagdak aka ɗəfa vi kawgəɗ sən mbərayən.

Isaya 10:12

An Daya agrakək wəza nan pak aka mossorgo na Siyon gəm a Yerusalem, wakkpaŋ aka məlĩ na Asiri, aka va adattəman a makran nawslan kizəni gəm aka ula neŋgres nani.

Isaya 3:15

Vimi kədawndepin ɗiy naw gəm kədawbayaŋ gəgay sit məssehẽŋɗe di? Daya Yawe Məzuɓappak aɗiymani.

Isaya 37:36

Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə, ɗiy asilyoŋ na, təki pak kigəbayit ɗiy mimtiti.

Isaya 5:7

Vi guli net megezlembirkeɗ na Yawe Məzuɓappak na, ɗiy na Israyel əŋgə. Megezlembirke dədanneken zən vani, ndəni Yuda. Aɗiyək əɗɗum nan na wadawaŋ sarara, awla na əggbo mbeli yi, wadawaŋ təstəsə, awla na əhəm də əɓuhma yi.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Ezekiyel 18:18

Vi na afən amõhuk zəga dəmõh, ahãlək məlməni, dəgəɗ moggon aret ɗiy nan ɓa, ya wamtə vi heslepe nani.

Amos 5:12

Ya nəsənka, əɓoŋ nokum diyɗa yi mambrayɗe nokum aŋɗaŋ ɓa: məzusərnən ma ɗəf an təstəs kənanaŋgə, mətafaŋ zəga aka əbit ɗəf kənanaŋgə. Mənokum əɗɗa ka wən dərmegin məzurayɗe aka ətawwəna.»

Amos 6:12

Pilseŋge aŋkoroŋ aka milɓe sa? Enseŋ adak dit wasliɗe sa? Mi dəgəɗ kəkkpaŋganən zəga an də tiven ka muwəna gəm ənziya an təstəs kpaŋ ka ndərəzl di?

Mika 2:9

Kəɓɓihinik gil net ɗiy naw səddəv gəla an aŋglaŋgə kəgəmənək gagdak an nəpsit kirtit faɗə.

Zakarya 8:6

Vaŋ Yawe Məzuɓappak anahə: An madembirgit ɗiy awlanənək va gərəŋ aka pay nan na, ama haraw tam wagəɗ gərəŋ sa? Yawe Məzuɓappak aɗiymani.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Luka 1:32

Wasan metiŋgini, kawyani na Wətən Məsəɗəɗə. Daya Maŋgəlva wapsən mazaŋga na məlĩ Davit afəni.

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Luka 1:76

Noko, wətuwa, kawyuki na məskəleŋ na Məsəɗəɗə; vi wakədaw aba Daya vi kawzeɓet tiveɗ nani,

Wəza net Masləŋɗe 12:23

Yaŋ maslay na Daya arga ləŋgə, vi dəpsən gagdak sən Maŋgəlva ɓa, tentiwilgeɗ azəmənka, amtəka.

Roma 11:33

Arya, maɗɗula gəm əsən na Maŋgəlva kpumi. Ətawwən nan gabban akkos ɓa. Gabbet tiveɗ nan awsən ɓa.

Yakob 2:13

Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.

1Piyer 4:12

Bayneŋgiɗəw na makrawa, kədassoŋ gərəŋ an mənokum tat addəv offo na əzəmsahã naslukum, va kəmna zəga məs də tiveni ɓa ɓa.

1Yohanna 3:13

Kədaggətaŋ ɓa milmiŋgiɗwa, an ɗiy negge azelkumənək ɓa.