Məsmaɗula 5:6 - Bible en Guidar

⁶ An əssineɗ tahəŋ diyɗa, zəgeɗ ɗarəŋ gəm əpel diyɗa, nok ageslne sən Maŋgəlva.

Məsmaɗula 5:6 ပူးပေါင်းရင်းမြစ်များ

Va'Atəŋ 48:16

Maslay məs dəbitu səza mambray pakə, dəzeɓet kirniŋki, viyti, kawyani iya nawa də an net afiŋgiɗu, Abraham də Isak, duwanən kiyit kuɗiskuɗis addəv dələvəŋka.»

Wənməkkpaŋga 23:17

Kədawsok də kotorok net ɗiy mbəreyit a mokrok ɓa, asɓət pay pak dərəŋ də geslne na Yawe.

Məsmaɗula 10:12

Əpel na məsmaɗɗula annek zə ɗəfa, ya əpel na dərwa wazani.

Məsmaɗula 3:14

Nəsənka an Maŋgəlva adaɗɗa pak na, nan wasan faɗə; zəga tay nasləraɓ akan ɓa, zəga tay nagdah səzan ɓa, Maŋgəlva aɗɗak ka ɗiy dəgeslne'eŋ sənəngəni.

Məsdəlveŋge 4:2

Apelsit mə Israyelɗe vaŋka: An ɗəf agəɗək mambray məza wa' ɓa aka taka na əpel na ənziya an Yawe aɗi kaɗɗani ɓa, yaŋ agəɗ taka nereti:

Məsdəlveŋge 4:22

An məlĩ yi dəgəɗ mbərayən, məza wa' ɓa azlahək ki taka na əpel na ənziya an Yawe Maŋgəlva nan aɗi kaɗɗani ɓa, asna araygənəka,

Malakiya 2:7

Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

1Korintus 11:10

Sən aski guluk tədawsərət kiyita ərban gagdak na zilta, sən wən net maslayɗe.

1Timote 5:21

In tat əkkamok aba Maŋgəlva də aba Yesu Kristu dit maslayɗe məs məwelti, arme zəgeɗis məza də əɗɗum mbərəŋ aket ɓa, məza əŋgəl sən ɗəf maɓɓan dayki mbərən ɓa.

Ibriɗe 1:14

Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Yakob 1:26

An ɗəf aɗiyək zən va ɗəf na Maŋgəlva, an awzi zən aza wəpel na man ɓa, zən adawɗiyəs ɗar mekeleŋgi, tepelke adawa aka zəni.

Yakob 3:2

Mənam pak mənam tat əraygən wən pay pak də tive temtem diyɗa. Ɗəf məs awraygən wən də wəpel nan ɓa, nan ɗəf moggoni sawɓa, asənək ərma zən səza mambray pakə.

2Yohanna 1:8

Məzi zukum vi kədawzanən ətərwəray na wəza nam vikum ɓa, kərəhaŋgən əfaɗ na iya nokum gərakə.