Məsmaɗula 5:13 - Bible en Guidar

¹³ Arya vanəs tay əza addəv əgəggrəŋ də wən ɗarə; ndən bok wəyən na, zəga tay a van ɓa.

Məsmaɗula 5:13 ပူးပေါင်းရင်းမြစ်များ

Va'Atəŋ 14:16

Amõhik aryeɗ pakə, amõhuk Lot məlmən nak də arya nan pakə, dit gili gəm ɗiy meɓɓeti.

Va'Atəŋ 19:14

Lot agilik ənah sit dəhiŋgiɗin dədawkeynin kirtini, aɓsit na: «Misili! Migil sə walaŋgəlaŋka, vi Yawe wazani.» A maheret dəhiŋgiɗin nek na, va əsmay yi ɗarə.

Va'Atəŋ 19:26

Ga Lot təwələk dərɓe, ndət kpaŋ va totoŋloŋ.

Ɗerewel na Yob 20:20

Adan dərah ənnek aza zən ɓa, addəv an asimi, tay an azaɓ ɓa.

Wənməkkpaŋga 1:19

Tive na ɗəf məŋgəl zəga nawrəh də vurum vas adawsani. Awzan ənziya egge na ɗəf məzəzbani.

Wənməkkpaŋga 1:32

Vi kiyɓəɓəl net mətiɓiɓ-tiɓiɓɗe wabeye, əssa fiwwe net dərweŋge wazeti.

Wənməkkpaŋga 11:4

Arya awtər wəray pay nawdagədəv ɓa, təstəs awkõgən ɗəf səma əmta.

Wənməkkpaŋga 23:4

Kədawyan zuk əkkal arya ɓa, appan əɗɗum akani.

Wənməkkpaŋga 27:24

Vi arya tay ammba faɗ ɓa, mətərkiya tay nawsan təŋ səza sayit ɗiy hã gap sayit mbirit sa?

Məsmaɗula 4:8

Ɗəf yaŋ takərgəni, məza masulan ɓa, wətən ɓa, məlmən ɓa, ɗəf nan tay ɓa. Wəza nan man awsla ɓa, haran dayday awba də ula arya ɓa. Ya naw nədaɗɗa wəza əbay zu na sən nawã di? As pak ɗari, wəza mbərayni.

Məsmaɗula 5:14

Va agil səddəvət man zən mekeleŋ, wamndan va ade: zəga tay adawka avan səddəv ərah na wəza nan ɓa.

Məsmaɗula 8:9

As pakə, nula na də əkoson an ɗiy adaɗɗaŋ ammba pay paki yi. Pay tay ɗəf adawsan də gagdak aka ɗəfa vi kawgəɗ sən mbərayən.

Isaya 2:20

Pay nani, ɗiy wazgetin meŋgilveɗ ɗar məs azaɓan na təbəz babara gəm na meleŋge vi kappu abet nak sit maŋɗaŋɗe gəm sit dabargeɗi.

Sefanya 1:18

Təbəz babar də meleŋge net aɓap na əkõhgit ɓa, pay net herɗe na Yawe gəm pay na sələh nani dəlvafuŋ bayman wazlə; vi wazan zəga pakə, sesel zəga naw geslne' səni, wagəɗ aket ɗiy nammba dələv pakə.

Luka 16:19

Ɗəf maɓɓan tay məsarya, məzugul lukutɗe pepreŋɗe na gabaga na ngərayã kukulfuto. Pay pak ndən əɗɗa əzləra gədakə.

Luka 19:8

Yaŋ Zakayus aziw aba Məman Daya, amna: Daya wanəpsit wəɗak na arya naw sit məssehẽŋɗe. An ɗəf tay məs nəgəm zəga nan də vurum wanəmndagan sən təl poɗo.