Məsmaɗula 4:8 - Bible en Guidar

⁸ Ɗəf yaŋ takərgəni, məza masulan ɓa, wətən ɓa, məlmən ɓa, ɗəf nan tay ɓa. Wəza nan man awsla ɓa, haran dayday awba də ula arya ɓa. Ya naw nədaɗɗa wəza əbay zu na sən nawã di? As pak ɗari, wəza mbərayni.

Məsmaɗula 4:8 ပူးပေါင်းရင်းမြစ်များ

Va'Atəŋ 2:18

Yawe Maŋgəlva anahə: «Lewi yi ka ɗəf titir dəsangən takərgən ɓa. Wanəgəɗ sən məbbahaŋgək təsatgən mədaha nani.»

Gəlyaɗe 39:6

Va slosloprok na va ɗəfi, kəpsu əvoŋ nawa. Ənziya na zeŋgilew dəgap zəga abok ɓa. Ɗəf titir pak va hinzili ɗarə. Əziwe

Gəlyaɗe 39:7

Ɗəf tay va zeŋgile ɗarə; əgay nan pak səmyãy kaka'ə. Ndən əkkal zəga, dəsən ɗəf nawndan ɓa.

Wənməkkpaŋga 27:20

Təki nassa net ɗiy mimtiti gəm delŋgeɗek awbaŋ ɓa, vaski hara ɗəf pak awba ɓa.

Məsmaɗula 1:13

Ninanək a makraw kawkayani gəm kawkoson an dətoŋ ammba disiŋ pak də maɗɗula. Wəza tatwãh Maŋgəlva apsən ɗəf titire.

Məsmaɗula 1:8

Zəgeɗ pak məyanən ɗəfəŋ, tay va nawnahən ɓa, hara ɗəf awba də ula ɓa, sləma ɗəf aknah də əprəm ɓa.

Məsmaɗula 2:21

Ta' nan na, ɗəf aɗɗak wəza nani də əɗɗa maɗɗula, də əsəna gəm ərah əmbat abe abe: ya sən ɗəf məs dəgəɗ wəza ɓa adappan haran nani. As vani, zəga ɗari, tatwãh metiŋgini.

Məsmaɗula 2:23

Ənziya nan pak na, tatwãhi, gəggrəŋgi, əzəmsahãy yi, addəv dəfəɗ zlaŋgə makran awvoŋ ɓa: as van zlaŋ zəga ɗari.

Məsmaɗula 4:7

Yaŋ nəwəl zəga ɗar əmpa ammba paya.

Məsmaɗula 5:10

An ərah awanək zəni məzəzəmnən wawaŋgə, ya mə ərah miy na afən an ulan də harani ɓa di?

Məsmaɗula 5:9

Ɗəf məŋgəl deleɗi wabə dit deleɗ ɓa, məŋgəl arya tay an adawrəh ɓa. As van zlaŋ zəga ɗari yi.

Isaya 5:8

Əray azet ɗiy en məzəzlzletenin gəla aza mbərən məsapanən guli aza gulyo! Hã gap təki tay ɓa, ndəɗaŋgə kaka dəssoŋ addəv dəlva.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Matiye 11:28

Mide azawa munokum pak məyokum də zəga gədak akokuməŋka, ya naw wanəpsukum effete.

Luka 12:20

Ya Maŋgəlva aɓsən na: Məza maɗulan ɓa, dəfɗəŋka kattokoki zeŋgiloko, zəgeɗ məs kəkkal pakəŋ ka na nawa adassoŋ di?

1Yohanna 2:16

Vi an dəsan egge pak va əsim na gəɓa zə ɗəfa mãy əsim na hara ɗəfa gəm əkaɓ də arya, dəde səza Afən ɓa, səgge ade.