Məsmaɗula 2:3 - Bible en Guidar

³ Ninanək a makraw nappan ki zu addəv mbazla, hara na, də ədaw addəv maɗɗula gəm nəppanək zu addəv zəga na dərwa, kawla an dəsan moggon vihit kirtin Adam addəv an adaɗɗaŋ ammba disiŋ pay nanziya egge neti.

Məsmaɗula 2:3 ပူးပေါင်းရင်းမြစ်များ

Va'Atəŋ 47:9

Yakob azlan sən Farawən na: «Wəzva naw nəsaw balbal molhõyõ na, səkat də kaklaw hoku yi! Wəzva naw duɗukkoy də tatwãh diyɗa, dəgap va net afiŋgiɗu anziyaŋ addəv molhõyõ net ɓa.»

Ɗerewel na Yob 14:14

an ɗəf amtək na, wasan madaran əmpa sa? Addəv wəza tatwãh naw pak wanəga hã gap pay ɗəf nawgəm gəlaw payə.

Gəlyaɗe 104:15

gəm mbazla məzənneken mekret ɗiyi, də mẽl məwiɗgən heret ɗiyi, gəm zəga nawzəm məpsit gbogboŋ sit ɗiyi.

Wənməkkpaŋga 20:1

Mbazla akkpaŋgan ɗəf məmas aka ɗəfa, mbazla tatrah tam məklopo; dəppan zən sit pak asan na məsmaɗɗula ɓa.

Məsmaɗula 1:17

Nəziwginik a makraw kawsən maɗɗula gəm kawsən wəteme gəm zəga na dərwa; nəsənək as pak na, əmbat ammba səmyãy.

Məsmaɗula 10:19

Awdaŋ waya vi kasmaya, mbazla vi kanneken zə ɗəfa ya dala awzlan agəla as pakə.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Məsmaɗula 2:24

An moggon aza ɗəf na, əzəma gəm əsay ənan ərah na wəza nani, naw nulak na as van səva Maŋgəlva ade.

Məsmaɗula 5:18

Ɗəf an Maŋgəlva apsən arya də ərah negge, apsənək gagdak nawzəmni, dəgəmgən haran nani, dənnekgin də wəza nani, aski əvəl na Maŋgəlva.

Məsmaɗula 6:12

Naway dəsən an dədawtər wəray sən ɗəf addəv ənziya nan duɗukko adawtoŋ va zeŋgile ɗarəŋ di? Ya naway nawnah sən an dədaɗɗa ammba pay dərɓagan di?

Məsmaɗula 7:18

Lawi kərmagən əpeləska, ya kədappan əpel aŋ ɓa'a vi məzəgeslne sən Maŋgəlva warah gabban sulagən pakə.

Məsmaɗula 7:25

Nəppanək makrawa, vi nəsəngəni, nəkosongəni, nəkayangən maɗɗula gəm əsəna gəm kawsənən na daraw ətemi, dərwa ətemi.

Məsmaɗula 8:15

Naw wanəgagdakan ənneke; vi ərah na ɗəf ammba pay na ndəni: əzəma, əsa gəm neneke. Aski dədarman addəv wəza nan pay ənziya nan məs Maŋgəlva apsən ammba paya.

Matiye 6:24

Ɗəf tay naɗɗa wəza viyit ɗiy gugriɗ sula ɓa. An wazel ɗəf aŋka waŋglu andaka yi, awaniɓa wabay zən aza ɗəf aŋka wazelen andaka. Kəɓapaŋ na əgəɗ sən wəza sən Maŋgəlva gəm sən arya ɓa.

Efesus 5:18

Mbazla adawbaykum ɓa vi ndəni məzlaɓan maɗɗula ɗəfa. Ya məssoŋ məknahkum də Əmpəs na Maŋgəlva.

Mətawaŋwəna 9:13

Megezlembirke aɓsit na: Nəppangən əɗɗa zəga nawsa məs dəda ənnek zə Maŋgəlva dit ɗiy pakəŋ ndawgən vi kaɓla aket wəleŋɗe sa?

1Samiyel 25:36

Abigayel poh aza Nabal. Waynabaya tay ananda va waynabaya na məlyã. Makra Nabal apparka, mbazla abayək diyɗa, tay təpel sən ɓa hara, gap təki dadaŋgə.