Məsmaɗula 2:24 - Bible en Guidar

²⁴ An moggon aza ɗəf na, əzəma gəm əsay ənan ərah na wəza nani, naw nulak na as van səva Maŋgəlva ade.

Məsmaɗula 2:24 ပူးပေါင်းရင်းမြစ်များ

1Milyeŋge 4:20

Yuda də Israyel diyɗaŋ va hoyoŋko a məlpa. Əzəm tay də əsa pak va mekret aŋgələ, zit neki.

Nehemi 8:10

Aɓsit na: «Məddoŋgu, məzəm teɓ moggeti, məsə zəga nawsa neneke, məslən sən haran na ɗəf məs dəzaɓan zən nawda ɓa; vi wəsɓətaŋ ammba Yawe nam arbə. Vasna kədassoŋ zukum so'or so'or ɓa; vi ənnek na Yawe, ndəni gbəgboŋ nokum.»

Məsmaɗula 2:10

An haraw aŋgəl pak nətak ɓa; nətak makraw səddəv ənnek temtem ɓa, vi makraw annekik də wəza naw pakə: aski haran naw səddəv wəza naw pakə.

Məsmaɗula 2:25

«Ya naway də zəga nawzəm gəm nawrah ənnek an intə ɓa di?»

Məsmaɗula 2:3

Ninanək a makraw nappan ki zu addəv mbazla, hara na, də ədaw addəv maɗɗula gəm nəppanək zu addəv zəga na dərwa, kawla an dəsan moggon vihit kirtin Adam addəv an adaɗɗaŋ ammba disiŋ pay nanziya egge neti.

Məsmaɗula 3:22

Nulak na moggon tay nawday ki an ɗəf dənnek addəv wəza nani ɓa ɓa, vi aski haran nani. Naway nawmilgin kawla an dədaɗɗa dərɓagan di?

Məsmaɗula 5:17

Aŋki moggon an nəwəl azawa, an dəslə na: wəzəma də əsa gəm ənan nek addəv wəza an ɗəf adaɗɗa ammba pay addəv əvoŋ an Maŋgəlva apsən pakə, vi aski haran nani.

Məsmaɗula 6:12

Naway dəsən an dədawtər wəray sən ɗəf addəv ənziya nan duɗukko adawtoŋ va zeŋgile ɗarəŋ di? Ya naway nawnah sən an dədaɗɗa ammba pay dərɓagan di?

Məsmaɗula 6:2

Va ɗəf məs Maŋgəlva apsən arya, əraha gəm gagdaka, ɗəf məza zəga tay dəmbər sən səddəv an aŋgəl ɓa, yaŋ Maŋgəlva dəpsən maɗɗula ka kəzəmgən ɓa, vi ɗəf malaka dədawzəmən: as vani zəga ɗari tatwãh nawhəmgəni yi.

Məsmaɗula 8:15

Naw wanəgagdakan ənneke; vi ərah na ɗəf ammba pay na ndəni: əzəma, əsa gəm neneke. Aski dədarman addəv wəza nan pay ənziya nan məs Maŋgəlva apsən ammba paya.

Isaya 56:12

Ənahaŋ na: Məgapə, məsəgən mbazla na megezlembirke. Məsəgən mbazla tatrãhã! Vaska'a adawsan pummo! An dəpəl diyɗay yi!

Malakiya 2:2

An kaprəmaŋ ɓa, an karmanən wən nagagdakan iya naw təstəs a mokrokum ɓa, wanəki əray akokum gəm əraygən əzaɓ nokum Yawe Məzuɓappak anahə. Gesiŋ, nəraygit na vi ɗəf tay məzərma zəga a makran səmbokum ɓa.

Wəza net Masləŋɗe 14:17

Də as pak na, məza miziwe nan ɓa appet ɓa, tay əɗɗa moggon də əpsukum buwən sə disiŋ gəm mawala də pay nani, tay əbokum də əzəma gəm də ənneken mokrokum.

1Korintus 15:32

An nəgəɗək əgay metiŋgin va ɗəf titir dit zəgeɗ darawit a Efesus, mi adawtər su di? An ɗiy mimtit awsilyoŋ ɓa, məzəm səmə, məsə səmə, vi mazayən waməmtə.

Əmsak aka Mahenziŋ 12:12

Wakənnekenən zukum aba Yawe Maŋgəlva nokum, munokum, kirtukum mezeŋgleket dit muguluŋgiti, belemɗe nokum mezeŋgleket dit muguluŋgiti, gəm mə levi naddəvit walaŋgəleɗe gugriɗ nokum, vi haran nan tay ɓa, dələv nan tay də munokum ɓa.

Əmsak aka Mahenziŋ 12:18

Nan aba Yawe Maŋgəlva noko, a təki an awel kədawzəmən kaka'ə, isi, kirtuk mezeŋgleketi, muguluŋgiti, belemɗe nok mezeŋgleket dit muguluŋgiti, gəm mə leviɗe na walaŋgəleɗe gugriɗ noko; kənnekengən zuk aba Yawe də an vok agəɗ pakə.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.