Məsmaɗula 2:22 - Bible en Guidar

²² Vasna, mə dəpəl sən ɗəf səddəv əzəmsahã na wəza nan gəm səddəv an makran adawkayan məs azəm sahã ammba pay di?

Məsmaɗula 2:22 ပူးပေါင်းရင်းမြစ်များ

Gəlyaɗe 127:2

Əlvəɗ nokum pumu, əvoŋ hã dəfɗa, əzəm way na sahã, ɗari yi! Wapsən baynan məzuleŋ vaska.

Wənməkkpaŋga 16:26

May dədaɗɗa ka məgəɗ wəza dəgəɗgən wəza, gədəvən dədawslaŋgan adaka.

Məsmaɗula 1:3

Wətərwəray mi ɗəf adawrah səddəv wəza adaɗɗa ara payəŋ di?

Məsmaɗula 2:11

Nəɗɗumuk aka wəza nəgəɗə, aka tatwãh nəzəm də wəɗɗani, aka wəza an nəzəm tatwãh dayə. As pak na! Zəga ɗari gəm əmbat ammba səmyãy, ərəh tay aka an nəgəɗ ammba dələv ɓa.

Məsmaɗula 3:9

Ərah miy məgəɗ wəza adawra səddəv an adaɗɗa di?

Məsmaɗula 4:6

Dəɗah əffet vok zloŋ, kivok sula sula də wəza nawya nadda ammba səmyã ɗarə.

Məsmaɗula 4:8

Ɗəf yaŋ takərgəni, məza masulan ɓa, wətən ɓa, məlmən ɓa, ɗəf nan tay ɓa. Wəza nan man awsla ɓa, haran dayday awba də ula arya ɓa. Ya naw nədaɗɗa wəza əbay zu na sən nawã di? As pak ɗari, wəza mbərayni.

Məsmaɗula 5:17

Aŋki moggon an nəwəl azawa, an dəslə na: wəzəma də əsa gəm ənan nek addəv wəza an ɗəf adaɗɗa ammba pay addəv əvoŋ an Maŋgəlva apsən pakə, vi aski haran nani.

Məsmaɗula 8:15

Naw wanəgagdakan ənneke; vi ərah na ɗəf ammba pay na ndəni: əzəma, əsa gəm neneke. Aski dədarman addəv wəza nan pay ənziya nan məs Maŋgəlva apsən ammba paya.

Matiye 16:26

Mi adawtər sən ɗəf an arəhək mammba dələv gboŋ ka nan an azanək zeŋgilen di? Awaniɓa, mi ɗəf adawɗi agəla zeŋgilen di?

Matiye 6:11

Pay pak apsəm way an nawtərsəm wəraya.

Matiye 6:25

Vi vaski nədawnah sukum: Kədawgəgrəŋgaŋ sən ənziya egge nokum vi an kədawzəmaŋgə awaniɓa an kədawsaŋ ɓa, mãy aka gəɓa zukum na mi kədawguloŋ di ɓa. Vi zeŋgile yi day ki əzəma, gəɓa zə ɗəf tam day ki lukut ɓa sa?

Matiye 6:34

Kədawgəgrəŋgaŋ vi pumpum ɓa: Vi pumpum wagəgrəŋ ammba kiy zəni. Pay digil pak tatwãh nan məksəni.

Luka 12:22

Yesu aɓsit gewleɗ nan na: Vini nədawnah sukum: Kədawgəgrəŋgaŋ sən ənziya egge nokum vi an kədawzəmaŋgə awaniɓa an kədawsaŋ ɓa, mãy aka gəɓa zukum na mi kədawguloŋ di ɓa.

Luka 12:29

Ya nokum, kədawkayanən an kədawzəmaŋ ɓa, an kədawsaŋ ɓa, kədawyanən zukum əɗɗum ɓa.

1Korintus 16:16

Məɓe' sit ɗiy en veski gəm sit en dədaɗɗaŋ wəza gəm dədawzəmaŋ sahã va neti.

Filipi 4:6

Kədattapaŋ ɓa, mərban wəray nokum pak aza Maŋgəlva də əkkama, əppu'o gəm də əffete.

1Timote 6:8

Vini an mənam tat də zəga nawzəma də an nawgulo məki azamə.

1Piyer 5:7

Məpsən əɗɗum nokum pakə, vi tay əzga sləma akokum.