Məsmaɗula 2:17 - Bible en Guidar

¹⁷ Nəzelik ənziya egge, vi nərahək an dədaɗɗa ammba pay tay nek azaw ɓa. Pakgən zəga ɗari, əmbat ammba səmyãy.

Məsmaɗula 2:17 ပူးပေါင်းရင်းမြစ်များ

1Milyeŋge 19:4

Ndən mbat a kapta-muyã hurruɓ aka wədawa. Səza agapə, ndən tek ɗew ammba mewrewre tuɓollo. Assõh əmta, amna: «Mək Kakaŋka Yawe, agəm zeŋgilewa, moggow nan daykiyit efiŋgiɗu ɓa.»

Ɗerewel na Yob 14:13

An kəɗamawək addəv təki net mimtiti, an kəɗamawək hã ədagədəv nok dəgrakgəni, an kəɗisuwək əŋɗava naɗɗum akawa,

Gəlyaɗe 89:47

Hã ka dewe kədappan əɗam pay pak di Yawe? Mokrok adappan əzluk va offo di?

Məsmaɗula 1:14

Nulak wəzeɗe en dədaɗɗa ammba pay pakə; nərahək na zəga ɗari, əmbat ammba səmyãy.

Məsmaɗula 1:17

Nəziwginik a makraw kawsən maɗɗula gəm kawsən wəteme gəm zəga na dərwa; nəsənək as pak na, əmbat ammba səmyãy.

Məsmaɗula 2:11

Nəɗɗumuk aka wəza nəgəɗə, aka tatwãh nəzəm də wəɗɗani, aka wəza an nəzəm tatwãh dayə. As pak na! Zəga ɗari gəm əmbat ammba səmyãy, ərəh tay aka an nəgəɗ ammba dələv ɓa.

Məsmaɗula 2:22

Vasna, mə dəpəl sən ɗəf səddəv əzəmsahã na wəza nan gəm səddəv an makran adawkayan məs azəm sahã ammba pay di?

Məsmaɗula 3:16

Nulak egge əmpa na, a təki na ətawwəna adaki daraw asani, a gəla ədaw təstəsə daraw dəsani.

Məsmaɗula 4:2

Ya naw ɗəɗah su ɗiy en dəmtaŋgə, ki en mederet əmpa.

Məsmaɗula 4:3

Səmmbet sules na, Dəɗah ɗəf an muwani tagay ɓa, vi nan dula wəza mbərayən məs məɗɗan ammba pay ɓa.

Məsmaɗula 6:9

An hara ɗəf awələ adayək ki an makra ɗəf adawsime. As van pak zəga ɗari, əzban səmyãy.

Ezekiyel 3:14

Yaŋ Əmpəs asilguwa, mah əkuwa; makraw səkəkə, gədəvu mədani. Ya va Yawe armuwək ɓəlɓələ.

Yonas 4:3

Yaŋ na Yawe kamə agəm zeŋgilewa; ɗəɗah su əmta ki əsaw madarawa.»

Yonas 4:8

Adan pay agili, Maŋgəlva aslənək səmyã kəkãh səmmba pay nampum. Pay azlak ki Yonas, aŋgəl əɓirzliwe. Yonas attokək ka dəmtəgəni, amna: «Ɗəɗah su əmta ki əsaw madarawa.»

Habakuk 1:3

Vimi kədarban su zəga mbərayən də əzəmsahã nam di? Wəray də gagay yi abawa; ərmama də wəŋgrãh dədaɗɗa.

Əŋɗa 11:15

An vas kədaɗɗa də in na kamə ɗəɗah abaywa! An kəɗɗak moggon nok viyu na, nədawla əray naw ɓa.»