Məsmaɗula 12:1 - Bible en Guidar

¹ Aɗɗumon an dəzəməɗuk pay kədawman zuk na gawla, tak əzza na pay daryaw gəm əzva məs kədawnah na: Nattəman moggon nassa addəv ənziya egge ɓa.

Məsmaɗula 12:1 ပူးပေါင်းရင်းမြစ်များ

Va'Atəŋ 39:2

Yawe asanək də Yosef, an adaɗɗa pak tay əhhar ammbani. Asanək ana mə Eziptə da ɗəf daya nan naka.

Va'Atəŋ 39:23

Daya net məgaŋ məfərsəneɗ zəga tay adawla ɓa zəga pak ammba vani, vi Yawe tay dəndəni; an adaɗɗa pak Yawe tay ədawgən də tiveni.

2Samiyel 19:35

Barzillay aɓsən məlĩ na: «Wəzva naw gbamgbar dəpəl əmpa hara nəmbatgən də məlĩ a Yerusalem di?

2Samiyel 19:36

Wezva naw dəpaŋ kaklaw dodopoɗo yi, kakaŋ wanəsən əgohon moggon də mbərayən sa? Wanəsən nenek na zəga an nədawzəm də an nədawsa sa? Wanəɓap uɗakan wəlet zel dit gil miyaŋ gəlya əmpa sa? Vimi balam nok adaddan zlineh aka daya naw məlĩ ɗar di?

1Milyeŋge 14:13

Ɗiy na Israyel pak waɗɗanən gəlabayən, wandəkəni, vi ndəni kaka' naddəv gəla na Yerobo'am takərgən nawvoŋgən addəv magamasə. Səddəv gəla na Yerobo'am na, ndəni məs Yawe Maŋgəlva na Israyel arah zəga moggon azan kaka'ə.

1Milyeŋge 18:12

Ya in əzar səzok aŋ na, Əmpəs na Yawe wagəmuk kawkuk a təki məs nəsən ɓa; in kan kadawnah sən Akab, ya aruhuk na ɓa, asna wabaywa. Gawla nok na, tay əgeslne' sən Yawe far səka gawlani.

Nehemi 4:14

A təki kəssoŋ pak, an kəprəmən gozloro na, məde məkkalan zukum azam adaka. Maŋgəlva wagay vimə!»

Ɗerewel na Yob 30:2

Gbogboŋ net azəka, miy gagdak na vet adawtəru di?

Gəlyaɗe 119:55

In tat əɗɗumon iya nok də dəfɗa Yawe, vi kazban mahenziŋ noko.

Gəlyaɗe 34:11

May warme kirtit ɓooliɗi, wassoŋ də wəray na zəga nawzəma net məkayanən Yawe hara na, zəga tay nakkpap aket ɓa.

Gəlyaɗe 63:6

Magenegenew wabə va də səlhã gəm də afunufunu. Metteɓ maw wanneki, maw wayə gəlya də wəlvoko.

Gəlyaɗe 90:10

Əzva nam wagəɗ kaklaw buhul, adayək sawɓa na, əzva kaklaw dodopoɗo, ya fərka nan pak ɗari də wəzəmsahã; də kakara adawtoŋgo, mənam kəkəɗə.

Wənməkkpaŋga 22:6

Akol sən maɗɗula gawla va an dəslə aka tive nani; vasna, an agalək zlaŋ amzlah na səkan ɓa.

Wənməkkpaŋga 8:17

Naw ɗiy en dəŋgluwən nədaŋgla, en məzukayawən pak warəhwənən.

Məsmaɗula 11:10

Azargən zəga nawraygən mokrok səzoko, akso' mbərayən səzoko, vi gawla gəm wirwir na zə ɗəf zəgeɗ ɗarəŋ.

Məsmaɗula 11:2

Azaɓet deleɗ nok gap gəlet buhul də dədopoɗo, vi kəsən mə tatwãh miy dədazzan pumo aka dəlvafuŋ di ɓa.

Məsmaɗula 11:8

An ɗəf azəvək diyɗa, dənnek addivit əzvaɗe an məpsən pakə, ya dəɗɗumon na ənziya nan addəv magamas wadayə, an dədazzan pak na zəga ɗari yi.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Əɓuhma 3:27

Moggoni aza ɗəf dəɓə' sən vavyak təŋ səka gawla nani.

Daniyel 1:17

Ya sit gewleɗ poɗes na, Maŋgəlva apsitik əsəna, əprəm an dəsan məverin pakə gəm maɗɗula. An dəday əmpa na Daniyel aprəm gabba ula gəm gabba əssine pakə.

Hose'a 7:9

Molhõyẽɗ azəmənək gbogboŋ nani, nan awsənən ɓa; əgal adek akani, ya awsənən ɓa.

Luka 1:15

Vi wasan metiŋ aba Daya. Asə na mbazla net megezlembirkeɗ ɓa, mbazla məhə̃sən ɓa. Waknah də zeŋgile salala səddəvət mani.

Luka 18:16

Yesu ayeke, amna: Məppet kirin dəzzoŋ azawa, kədawteknin ɓa, vi məlĩ na Maŋgəlva tay viyit ɗiy en dəgilyoŋ va ndəɗaŋ.

Efesus 6:4

Migilit kirni, kədawdanən gidivit kirtukum ɓa, məzgil də əsərikgiti gəm əzga sit də əpel na Daya.

Əmsak aka Mahenziŋ 8:18

Ya kəɗɗumongən Yawe Maŋgəlva noko, vi ndəni yi dəpsuk ɓəɓəl nalma aza aryaska, vi kawziwgin wənmiyna nan asway sit efiŋgiɗuk va adaɗɗaŋ dəpaŋka.

2Timote 3:15

Təŋ səka muzliya nok ləŋgə, kəsinik Əverɗe en Salala en nakkpaŋgok məsmaɗɗula nawkuk aka əkõh də ətafa məs dəsan addəv Kristu Yesu.

1Samiyel 1:28

Naw tam wanəpsən sən Yawe pay nasso nan egge pakə, wasan sən Yawe.» Yas appu' aba Yawe.

1Samiyel 16:7

Yawe aɓsən Samiyel na: «Nok kədawla gəɓa zən də əɓay nan ɓa, nəzganəka. Vi naw nawla aza an ɗiy adawlaŋ ɓa: Ɗiyi, an na ma heret adawlaŋgə ya Yawe nan makra ɗəf adawla.»

1Samiyel 2:18

Samiyel nan tay əɗɗa wəza aba Yawe. Lukut na məsdələv na helege na ngərayã agulu.

1Samiyel 2:26

Wiyən Samiyel na, tay əɓaya gəm tay ərəh kinenek aba Yawe gəm amaheret ɗiye'e.