Məsmaɗula 10:19 - Bible en Guidar

¹⁹ Awdaŋ waya vi kasmaya, mbazla vi kanneken zə ɗəfa ya dala awzlan agəla as pakə.

Məsmaɗula 10:19 ပူးပေါင်းရင်းမြစ်များ

Va'Atəŋ 43:34

Agəm səza haran nan naban apsiti, na Benyamin na, ɗaɗak ɗaɗak day ki an net gap təl sle'i. Asaŋgək sap dəndən hã kiyit viwwe.

2Samiyel 13:28

Absalom aɗi wən nan sit gewleɗ nani, amna: «Kamə mula an mbazla abayək Amnon, wanənah sukum na: “Məbay Amnon!” Kəbaynəngəni kədawgeslne'eŋ ɓa. Intə nəɗi sukum wən nan ɓa sa? Məsok zukum, məssoŋ guromɗe!»

1Alabaraɗe Də Mabərkiziti 21:24

Yaŋ məlĩ Davit anah sən Ornan na: «Owwo! Dəlbəh va koɓeɗ nan təstəs nədalbəhni. Nəɓapna kawgəm zəga nok sən Yawe gəm kawda əvəl nawzla kurmbuɗuk na mepeleŋ ɓa!»

Ezra 1:6

Meggeŋgiɗit pak, armannək vet də təbəz babara, meleŋge, aryeɗ meɓɓeti, zəgeɗ memeyẽɗi, zəgeɗ na sləma, mbəksa əvəl də makra papar vi Gəla na Maŋgəlva.

Nehemi 5:8

Nəɓsit na: «Nam na, də kuket an dəsan nawalaŋmə, məbit milmiŋgiɗəm mə Yudeɗ en məvilit sit ɗiy-ɗarə; yaŋ nokum tamə, kədawvilnin milmiŋgiɗkum; səm kəvilsəməni!» Ndəɗaŋ ɓata' ɓata'ə, dərəhaŋ nawpel ɓa.

Ester 1:10

Aka pay mabuhulon na, zə məlĩ annekik də mbazla. Yaŋ anah sit may Mehuman, Bizta, Harbona, Bigta, Abagta, Zetar gəm Karkas mətawaŋkoyom buhul məɗɗaŋ wəza aba məlĩ Ahasuwerus van na,

Gəlyaɗe 104:15

gəm mbazla məzənneken mekret ɗiyi, də mẽl məwiɗgən heret ɗiyi, gəm zəga nawzəm məpsit gbogboŋ sit ɗiyi.

Gəlyaɗe 112:9

Apsitik məssehẽŋɗe də van viŋŋge: təstəs nan tay hã faɗə, wadaŋ kiyən də gagdaka.

Məsmaɗula 2:3

Ninanək a makraw nappan ki zu addəv mbazla, hara na, də ədaw addəv maɗɗula gəm nəppanək zu addəv zəga na dərwa, kawla an dəsan moggon vihit kirtin Adam addəv an adaɗɗaŋ ammba disiŋ pay nanziya egge neti.

Məsmaɗula 9:7

Doko, azəm way nok də ənneken zuko, asa mbazla nok də mokrok taka, vi Maŋgəlva atafək wəza nok səkay.

Isaya 23:18

An arah gəm an məfaɗ səni, kepsini sən Daya. Kakkeleti ɓa, kawzeɓeti zaɓ ɓa, ərəh nan wasan ka nawzəm kpe' gəm əgul na sləma sit ɗiy məɗɗaŋ wəza aba Daya.

Isaya 24:11

Aket tiveɗi, ɗiy tahəŋ əɓuh met ammba mbazla tay ɓa. Ənnek pak tay ɓa, ənnek alək səka dəlva.

Matiye 17:27

Ya vi mədawdan sit gidivit ɓa, doko a pehe, azgan teklem, agəm kilif an dədarma daabəŋ pak aha' mani wakərah deleɗ na təbəz amani, an kəgimike, apsit an naw gəm an noko.

Matiye 19:21

Yesu aɓsən na: An kəŋgələk əsok salala, dok əvəl arya nok pakə, apsit məssehẽŋɗe, vasna wakərah arya məzaɓan a disiŋ. Asna kədegən əzbaw kana.

Luka 12:19

Asna wanənah sən megenegenew na: Megenegenewa, is tat dit zəgeɗ mogget diyɗa məzeɓet viyuk vi wəzva diyɗa. Affeti, azəmə, asə, azlərə.

Luka 16:9

Ya naw in tat ənah sukum: Məkay bayneŋgiɗkum də Arya mbərayən naka dəlva. Pay agrak səvokum na, dətafkuməngən a təki nassa an faɗə.

Luka 8:3

Yohanne, guluk na Huza gawla na məlĩ Herodə gəm Suzana dit gil meɓɓeti, məzəbbahaŋ sənən də arya neti.

Wəza net Masləŋɗe 11:29

Məzutafaŋ aziwgininik a mekret nawslən əbbah neti, naway di pak va an arahə, sit ɗiy na Maŋgəlva a Yude.

Wəza net Masləŋɗe 2:45

Ndəɗaŋ əvəlin zəgeɗ net dit aryeɗ neti, ndəɗaŋ uɗaknən naway pak aza wəray nani.

1Piyer 4:3

Vi, pay məs kəzanən lahəŋ də əɗɗa an nannek zit ɗiy məs dəsənən Maŋgəlva ɓaŋ məkki. Kəssoŋguk addəv əɗɗa ɗarɗarə, wəsim mbərayən, əbay na mbazla, əsmay mbərayən, wəsa mbazla diyɗa də wəzaɓ zəgeɗkamaŋgəlva.

Mətawaŋwəna 14:10

Afən Samson mbat azat waŋ nakə, Samson tam adə waynabaya adaka, vi gewleɗ vas adaɗɗaŋgə.

Mətawaŋwəna 9:13

Megezlembirke aɓsit na: Nəppangən əɗɗa zəga nawsa məs dəda ənnek zə Maŋgəlva dit ɗiy pakəŋ ndawgən vi kaɓla aket wəleŋɗe sa?

1Samiyel 25:36

Abigayel poh aza Nabal. Waynabaya tay ananda va waynabaya na məlyã. Makra Nabal apparka, mbazla abayək diyɗa, tay təpel sən ɓa hara, gap təki dadaŋgə.