Məsdəlveŋge 8:35 - Bible en Guidar

³⁵ Wakəssoŋ ama gizlirke nalma də Maŋgəlva dəfəɗ də kapaya addəv pay buhulu. Vasna wakəɗɗaŋ wəza na Yawe məza kəmtaŋ na ɓa. Aski an məɗi su wən nani.»

Məsdəlveŋge 8:35 ပူးပေါင်းရင်းမြစ်များ

1Milyeŋge 2:3

Kərmagən an Yawe Maŋgəlva nok aɗi naɗɗa, adaw aka tive nani, arme mahenziŋɗe nani, wəsəɓɗe nani, ətawwən nani, gəm miziweɗe nani, va məverit addəv mahenziŋ na Moyis. Vasna, wakərəh gabba zəga an kəŋgəl naɗɗa də an kədaɗɗum akan pakə;

Əgilye 29:35

Va nəɗi suk wən nani, vaski kədawgəɗ sit may Aron dit kirtini, wəzləra napsit wəza pay buhul adaɗɗa.

Ezekiyel 43:25

Pay buhul kədassok əzaɓ-Maŋgəlva navvuyon mambray də porsok, va pay agil pakə əɗɗan vas də medgeɗge gəm ndargayã məza heslepe azet ɓa.

Ezekiyel 48:11

Net məsdəlveŋge, en məwelit səret kirtin Sadok, məs dəɗɗaŋ suwən wəza, məs dəssoŋ slorslor va mə leviɗe meɓɓet aka mə Israyelɗe assoŋ slorslor ɓaŋ na,

Məsdəlveŋge 10:1

Nadab də Abihu, kirtin Aron, naway pak dət kasliyək nani, asɗaŋgək offo addivti, aziyən telembe nawzla a matuya aka offo məza salala yi ɓa məs məɗi siti wən nan ɓa, kawvəl sən Yawe.

Məsdəlveŋge 14:8

Ɗəf məbburun nak dəskoɓgin lukutɗe nani, dəfaɗgən deɓeke səzan pakə, dəslslaygən aret iŋkile, vasna wasan salala; siske na dəlgən a dibirgidiki, dəsangən məza ətoŋ a gizlirke nan ɓa pay buhul.

Məsdəlveŋge 8:30

Moyis agəmək mẽl na mahenziŋ gəm mbel dəssoŋ aka təki nawzaɓ-Maŋgəlva, aksu'ik sən Aron gəm azet lukuɗe nani, azet kirtini gəm lukutɗe net sap dəndəni; awelik Aron, lukuɗe nani gəm awelik kirtini gəm lukuɗe neti.

Məsdəlveŋge 8:34

Va məɗɗan dəpaŋka. Vaski Yawe aɗi wən nan kaɗɗani vi kazban matuya navvuy mambray səkokum.

Məsdəlveŋge 8:36

Aron dit kirtin azbanənək əpel an Yawe aɗi wən nan kəlaza Moyis pakə.

Əŋɗa 19:12

Dəslslaygən dit iŋkile vetis aka pay mohoko'ən asna aka pay mabohulon na wasan salala. Ya an dəslslay aka wəsɓəta mohokon ɓa na, asan na salala aka pay mabuhulon ɓa.

Əŋɗa 3:7

Dəɗɗaŋ sənəngən wəza gəm sit ɗiy pak aba gizlirke nalma də Maŋgəlva, vi kawdawgən wəza a təki nassa.

Əŋɗa 9:19

An slaybuwən anziyək diyɗa aka təki nassa na, mə Israyelɗe əganən Yawe, awzaraŋ ɓa.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Əmsak aka Mahenziŋ 11:1

Kəŋglugən Yawe Maŋgəlva noko, pay pak arma əpel na ənziya, mahenziŋɗe nani, tiveɗnanziya nan gem an aɗi naɗɗa.

1Timote 1:18

Timote wətuwa, aŋki wən məɗiyən məs nəppan avoko, məs dəslə də əpel na kəleŋ məs məpel akok lahəŋka. Vi kəmpagən tuluk akani, kəlpəgən əlpa moggoni,

1Timote 5:21

In tat əkkamok aba Maŋgəlva də aba Yesu Kristu dit maslayɗe məs məwelti, arme zəgeɗis məza də əɗɗum mbərəŋ aket ɓa, məza əŋgəl sən ɗəf maɓɓan dayki mbərən ɓa.

1Timote 6:13

Aba Maŋgəlva nəɗi suk wən nani, ndən məzəpsit zeŋgile sit zəgeɗ pakə, də aba Yesu Kristu məs dəpel əpel moggon nawtaf aba Pontiyus Pilat.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

1Timote 6:20

Timote, arma wən an məɗi suko. Azar səza əpel məraygən wən na Maŋgəlva gəm səza əsən na uwa wəna.

2Timote 4:1

In tat əkkomok aba Maŋgəlva də aba Kristu Yesu məs dədatawwən aket ɗiy mederet dit mimtiti gəm də iya na ərba nani gəm əzəm məlĩ nani.

Ibriɗe 7:28

Vi mahenziŋ aɗiyit ɗiy də əddak net dəssoŋgən deyeɗe məsdəlveŋge. Ya əpel na əsway na Maŋgəlva məs dəde dərɓaga mahenziŋ, aɗiyək Wətəni dəsangən məsdələv an gərrak hã faɗə.