Məsdəlveŋge 7:26 - Bible en Guidar

²⁶ Mbel pakə, na bəŋga awaniɓa na zəga mamayã, aŋga kəssoŋ pak na kədawzimin ɓa;

Məsdəlveŋge 7:26 ပူးပေါင်းရင်းမြစ်များ

Va'Atəŋ 9:4

Hara kan na, kədawzəmaŋ slu də zeŋgilen ɓa, va wənəh na mbel nani.

Əgilye 22:30

Məssoŋ ka ɗiy naw salala, kədawzəmaŋ zəga mamayã mogogoy ɓa, kəzgan sənəngən kəra.

Ezekiyel 33:25

Vini, anah sit na: An Daya Yawe anah yaŋka: Mənokum tat əzəmaŋ aket mbeli, mənokum tat əzi horokum aket zəgeɗmeŋgilveɗ nokum, mənokum tat əbayaŋ gəbaya, yaŋ kəŋglaŋ dələv dəsan sukumgəni!

Məsdəlveŋge 19:26

Kədawzəmaŋ a təki məzi mbel ɓa; kədaɗɗaŋ tetele ɓa, kədaskaŋ helig ɓa;

Məsdəlveŋge 3:17

Mahenziŋ aska, aŋga kəssoŋ pak na wasan faɗə: səlhã pak dit mbel pak na, kədawzəmaŋ ɓa.»

Məsdəlveŋge 7:25

Ɗəf an dəzəm səlhã na matuya məs agəɗ ka peŋ məhhətən sən Yawe, ɗəf nan kawgilgini səret ɗiy nani.

Məsdəlveŋge 7:27

ɗəf dəzəm mbel aweddi pakə, asna kawgilgini ɗəf nan səret ɗiy nani.»

Yohanna 6:53

Yesu azlani, aɓsit na: Gesiŋ gesiŋ nədawnah sukum: An kəzəmən gəɓa zə Wətən Ɗəf ɓa, an kəsaŋ mbel nan ɓa, mənokum tat də zeŋgile addəvkum ɓa.

Wəza net Masləŋɗe 15:20

Ɗəɗah məver səm sit na: Adawzəmaŋ slu məzaɓ-maŋgəlva sən zəgakamaŋgəlva ɓa, adakuwaŋ a gizbe ɓa, adawzəmaŋ zəga məs mərrəsl wəlan dərrəsl ɓa, adawzəmaŋ mbel ɓa.

Wəza net Masləŋɗe 15:29

Kədawzəmaŋ slu mədan sən tuya ɓa, kədawzəmaŋ mbel ɓa, kədawzəmaŋ zəga mərrəsl wəlan dərrəsl ɓa, kədakuwaŋ a gizbe ɓa. An kəganənək zukum səza zəgas pak na, kəɗɗaŋgək moggoni. Məsoŋ zayə.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Əmsak aka Mahenziŋ 12:16

Mbeliŋ Kəzəmaŋ na ɓa kaka'ə: kəggbo'ningin afuŋ va iŋkile.

Əmsak aka Mahenziŋ 12:23

Hara na, ampa tuluk kədawzəm mbel ɓa, vi mbeli, zeŋgileŋgə, vasna kədawzəm zeŋgile də slu sap ɓa;

Əmsak aka Mahenziŋ 15:23

Kədawzəm mbel nan ɓa hara: kəggbo'igin aka dəlvafuŋ va iŋkile ɗarə.

1Timote 4:4

Vi zəga məs Maŋgəlva azəməɗ pak moggoni, tay an nazga, an mətafək də əfət ɓa.