Məsdəlveŋge 4:35 - Bible en Guidar

³⁵ Dətorgən səlhã nazan pak va adawtor an na time na əzaɓ-Maŋgəlva nawslere, məsdələv dəzlagən aka təki nawzaɓ-Maŋgəlva, sap aza peŋ məhhətən sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 4:35 ပူးပေါင်းရင်းမြစ်များ

Məsdəlveŋge 12:8

«An təɓap na kawrah wət time ɓa, təgəmgən mukuɗuŋguleɗ sula awaniɓa biŋgeɗ na maha sula, taka ka naɗɗa əvəl nawzla kurmbuɗuku, an mbərən ka nawzaɓ-Maŋgəlva navvuyon mambraya; an məsdələv aɗɗak matuya navvuyon mambray akata, watəsat salala.»

Məsdəlveŋge 14:18

Mẽl an dəpəl aka vani, məsdələv dəppaygən aka ki ɗəf naslslaya; məsdələv dəɗɗagən matuya navvuyon mambray aba Yawe.

Məsdəlveŋge 14:53

Dəppangən bəŋga madaran dəveŋgin digilgən sə walaŋgəla-metiŋgini dəlgən kəlawra; dəzəməɗgən Maŋgəlva navvuyon mambray aka gəla. Asna gəla van wasan salala.»

Məsdəlveŋge 15:15

Məsdələv dəɗɗagən matuya vi mambraya də taka, an dəmbər tamə, əvəl nawzla kurmbuɗuku; məsdələv dəzaɓgən-Maŋgəlva navvuyon mambray na gbəgba nan aba Yawe.

Məsdəlveŋge 19:22

an məsdələv aɗɗak mahenziŋ navvuyon mambray məs ɗəf van agəɗ aba Yawe aka time nawzaɓan mambraya, asna mambray nan wavvuyu.

Məsdəlveŋge 4:20

Dəgəɗgən də medgeɗges va agəɗ də medgeɗge na əzaɓ-Maŋgəlva navvuyon mambraya, vas adaɗɗani. An məsdələv azbanək mahenziŋ navvuyon mambray aket ɗiyi, mambray nan wavvuyu.

Məsdəlveŋge 4:26

Səlhã pak na, dəzlagən aka təki nawzaɓ-Maŋgəlva va adawzla əzaɓ-Maŋgəlva nawslere. An məsdələv azbanək mahenziŋ nawrah əvvuyon mambraya aka wətən məlyã vi mambray an agəɗə, mambray nan wavvuyu.

Məsdəlveŋge 5:10

Də an masula'ən, dəɗɗagən əvəl nawzla kurmbuɗuk də əzban mahenziŋ nani. An məsdələv azbanək mahenziŋ navvuyon mambray məs agəɗə akani mambray nan wavvuyu.

Məsdəlveŋge 5:13

An məsdələv aɗɗak mahenziŋ navvuyon mambray akan vi mambray taka an agəɗ səmmbet zəgeɗiski, mambray nan wavviyə. Məsdələv dəzban mahenziŋ va na mahenziŋ na əvəla.

Məsdəlveŋge 5:6

asna dəkigən hãw muguluŋgun taka sən Yawe vi mambray an agəɗə, time awaniɓa hãwã, va matuya vi mambraya; asna məsdələv dəzbangən mahenziŋ navvuyon mambray akani.

Məsdəlveŋge 6:7

Aŋki mahenziŋ naɗɗa aka əvəla: kirtin Aron dərbanəngən aba Yawe, aba təki nawzaɓ-Maŋgəlva.

Məsdəlveŋge 9:7

Ndəni Moyis anah sən Aron na: Addər aza təki nawzaɓ Maŋgəlva, azaɓ-Maŋgəlva navvuyon mambray gəm əvəl nawzla kurmbuɗuk noko, vi kaɗɗa mahenziŋ navvuyon mambray noko gəm net ɗiyi, Asna kərbangən əvəl net ɗiy vi kaɗɗa mahenziŋ navvuyon mambray net va Yawe aɗi wən nani.

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

Əŋɗa 15:28

Məsdələv dəɗɗagən mahenziŋ navvuyon heslepe məs wa'i ɓa van ammba ɗəf nan məs dəɗɗa də mandaraŋ aba Yawe; dəɗɗagən mahenziŋ navvuyon mambraya asna warah əvvuy na mambraya.

Roma 10:4

Vi Kristu iyi əgrak na mahenziŋ vi təstəs dəsangən sən məs dətaf pakə.

Roma 4:25

ndən məs məppan əmta viyit heslepeɗe namə, gəm dəsil səka əmta, vi mərahgən əssa təstəsə.

Roma 8:1

Vas kan na, kakaŋ na ətawwən tay narme ɗiy dəsapaŋ də Yesu Kristu ɓa.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Kolosi 1:14

Dəndəni mərah əbit kimə, də əvvuy net mambrayɗe namə.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

1Piyer 2:22

Ndən məs dəgəɗ ɗah mambray ɓa. Ndən məs uwa wən dəgil ɗah sə man ɓa.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.

1Yohanna 2:2

Vi ndəni dəmtə kavviyan mambray namə; ya an nami kaka' ɓa, vi an net ɗiy nammba dələv paki ye'e.