Məsdəlveŋge 4:20 - Bible en Guidar

²⁰ Dəgəɗgən də medgeɗges va agəɗ də medgeɗge na əzaɓ-Maŋgəlva navvuyon mambraya, vas adaɗɗani. An məsdələv azbanək mahenziŋ navvuyon mambray aket ɗiyi, mambray nan wavvuyu.

Məsdəlveŋge 4:20 ပူးပေါင်းရင်းမြစ်များ

Əgilye 32:30

Mazayən nan Moyis anah sitik ɗiy na: «Kəɗɗaŋgək mambray metiŋgini, ya kakaŋ wanəpeŋ aza Yawe kuzuŋ wanəvvuyon mambray nokum soko.»

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Məsdəlveŋge 1:4

Ɗəɗigən van aka ki zəga mamayã an məwelin na əvəl nawzla kurmbuɗuk məs Yawe ataf səvani, dərahgən əvvuy na mambray nani;

Məsdəlveŋge 12:8

«An təɓap na kawrah wət time ɓa, təgəmgən mukuɗuŋguleɗ sula awaniɓa biŋgeɗ na maha sula, taka ka naɗɗa əvəl nawzla kurmbuɗuku, an mbərən ka nawzaɓ-Maŋgəlva navvuyon mambraya; an məsdələv aɗɗak matuya navvuyon mambray akata, watəsat salala.»

Məsdəlveŋge 14:18

Mẽl an dəpəl aka vani, məsdələv dəppaygən aka ki ɗəf naslslaya; məsdələv dəɗɗagən matuya navvuyon mambray aba Yawe.

Məsdəlveŋge 15:15

Məsdələv dəɗɗagən matuya vi mambraya də taka, an dəmbər tamə, əvəl nawzla kurmbuɗuku; məsdələv dəzaɓgən-Maŋgəlva navvuyon mambray na gbəgba nan aba Yawe.

Məsdəlveŋge 19:22

an məsdələv aɗɗak mahenziŋ navvuyon mambray məs ɗəf van agəɗ aba Yawe aka time nawzaɓan mambraya, asna mambray nan wavvuyu.

Məsdəlveŋge 4:21

Dəgilgingən medgeɗge sə dibirgidik, dəzlagən va azla medgeɗge maddaabəŋ. Aski matuya vi mambray na əsap net ɗiyi.

Məsdəlveŋge 4:26

Səlhã pak na, dəzlagən aka təki nawzaɓ-Maŋgəlva va adawzla əzaɓ-Maŋgəlva nawslere. An məsdələv azbanək mahenziŋ nawrah əvvuyon mambraya aka wətən məlyã vi mambray an agəɗə, mambray nan wavvuyu.

Məsdəlveŋge 4:35

Dətorgən səlhã nazan pak va adawtor an na time na əzaɓ-Maŋgəlva nawslere, məsdələv dəzlagən aka təki nawzaɓ-Maŋgəlva, sap aza peŋ məhhətən sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 4:8

Səlhã naza medgeɗge na əzaɓ-Maŋgəlva navvuyon mambray pak dətoruguni: səlhã naka zəga naddəvən də səlhã naddəvən pakə

Məsdəlveŋge 5:10

Də an masula'ən, dəɗɗagən əvəl nawzla kurmbuɗuk də əzban mahenziŋ nani. An məsdələv azbanək mahenziŋ navvuyon mambray məs agəɗə akani mambray nan wavvuyu.

Məsdəlveŋge 5:13

An məsdələv aɗɗak mahenziŋ navvuyon mambray akan vi mambray taka an agəɗ səmmbet zəgeɗiski, mambray nan wavviyə. Məsdələv dəzban mahenziŋ va na mahenziŋ na əvəla.

Məsdəlveŋge 5:16

Ɗəf dəgəɗ an naɗɗay ɓa aka təki salala, dəzaɓangən an agəɗ də əfaɗən gəm əɗi taka səddəv sle na əlbah na ndargayã nak sən məsdəlva. An məsdələv aɗɗak mahenziŋ navvuyon mambray akan də ndargayã nawzaɓ-Maŋgəlva nawzaɓan wən nani, warah əvvuy mambray nani.

Məsdəlveŋge 5:18

dəkigən ndargayã məza heslepe azan ɓa səret gilew dit timeŋgiɗi, nawki dala va mətawən ammba əzaɓ-Maŋgəlva nawzaɓan mambraya sən məsdəlva. An məsdələv aɗɗak mahenziŋ navvuyon mambray məs məɗɗan wa'i ɓa akani, mambray nan wavvuyu.

Məsdəlveŋge 5:6

asna dəkigən hãw muguluŋgun taka sən Yawe vi mambray an agəɗə, time awaniɓa hãwã, va matuya vi mambraya; asna məsdələv dəzbangən mahenziŋ navvuyon mambray akani.

Məsdəlveŋge 6:7

Aŋki mahenziŋ naɗɗa aka əvəla: kirtin Aron dərbanəngən aba Yawe, aba təki nawzaɓ-Maŋgəlva.

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

Əŋɗa 15:28

Məsdələv dəɗɗagən mahenziŋ navvuyon heslepe məs wa'i ɓa van ammba ɗəf nan məs dəɗɗa də mandaraŋ aba Yawe; dəɗɗagən mahenziŋ navvuyon mambraya asna warah əvvuy na mambraya.

Roma 5:11

Mbəksa aska, mənam tat əɗi ənneke nam əmpa aka Maŋgəlva də əsap nam də Daya Yesu Kristu, məs mərah əsler dəzan gəgaŋka.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 2:17

Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.

1Yohanna 2:2

Vi ndəni dəmtə kavviyan mambray namə; ya an nami kaka' ɓa, vi an net ɗiy nammba dələv paki ye'e.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.