Məsdəlveŋge 3:17 - Bible en Guidar

¹⁷ Mahenziŋ aska, aŋga kəssoŋ pak na wasan faɗə: səlhã pak dit mbel pak na, kədawzəmaŋ ɓa.»

Məsdəlveŋge 3:17 ပူးပေါင်းရင်းမြစ်များ

Va'Atəŋ 9:4

Hara kan na, kədawzəmaŋ slu də zeŋgilen ɓa, va wənəh na mbel nani.

2Alabaraɗe Də Mabərkiziti 29:35

Mbəksa aska, səlhã na əzaɓ-Maŋgəlva nawrəh zəzay tay diyɗa na əvəl nawzla kurmbuɗuk gəm mbazla nawpesl ammba əvəl nawzla kurmbuɗuk pakə. Vaski məziwgin əzəməɗ matuya addəv gəla na Yawe.

Nehemi 8:10

Aɓsit na: «Məddoŋgu, məzəm teɓ moggeti, məsə zəga nawsa neneke, məslən sən haran na ɗəf məs dəzaɓan zən nawda ɓa; vi wəsɓətaŋ ammba Yawe nam arbə. Vasna kədassoŋ zukum so'or so'or ɓa; vi ənnek na Yawe, ndəni gbəgboŋ nokum.»

Əgilye 27:21

Addəv gizlirke nalma də Maŋgəlva, aba gabaga məzlzlarən dəɗaman akoti na wənmiyna, may Aron dit kirtin waɗiynən dəzləgən də moskoy hã təki dadaŋ aba Yawe: Mahenziŋ məs addəɗ na ɓay ammba sayit mə Israyelɗe faɗə.

Əgilye 28:43

May Aron dit kirtin dəndetingin pay adawtoŋgoŋ addəv gizlirke nalma də Maŋgəlva awaniɓa an tahəŋ əzaraŋ aza təki nawzaɓ-Maŋgəlva naɗɗa wəza addəv Gəla na Maŋgəlva, vi adawslanən mambray himbit kamtaŋ ɗar ɓa. Mahenziŋ məs akkpaŋ na ɓa yi, akan dit kirtin dərɓagani.»

Ezekiyel 33:25

Vini, anah sit na: An Daya Yawe anah yaŋka: Mənokum tat əzəmaŋ aket mbeli, mənokum tat əzi horokum aket zəgeɗmeŋgilveɗ nokum, mənokum tat əbayaŋ gəbaya, yaŋ kəŋglaŋ dələv dəsan sukumgəni!

Ezekiyel 44:15

Məsdəlveŋge mə leviɗe, kirtin Sadok, məs dəɗɗanən wəza naddəv gəla naw gala mə Israyelɗe azaŋ səzawa, ndəɗaŋ dədawzaraŋ azaw kawgəɗ su wəza. Waziweŋ abaw kawvay səlhã dit mbeli. Daya Yawe aɗiymani.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Məsdəlveŋge 10:15

Mettile nawgəma gəm makran nawzokon səddəv way na səlhã nahhəta, wakinən kawzokon aba Yawe; sədərɓagan na wakkpaŋgan ka zəga məpsuk faɗə gəm sit kirtuko va Yawe aɗi wən nani.»

Məsdəlveŋge 10:9

«An munokum tat əddoŋ a gizlirke nalma də Maŋgəlva, isi dit kirtuko, kədawsaŋ biya genegene may məhəsən ɓa; vasna kəmtaŋ na ɓa. Mahenziŋ məs addəɗ ɓa vikumi yi faɗə.

Məsdəlveŋge 16:29

As mahenziŋ məs addəɗ na ɓa vikum yi: aka əvoŋ kəlaw na təla mabuhuloni, kəɗɗaŋgən meme, wəza tay kədaɗɗaŋ kof ɓa, vas adawsan sən wətdəlva də molhõyõ nawalaŋkum pakə.

Məsdəlveŋge 16:34

Wəkkal təl taka ama wəzva nazban matuya navvuyon mambray net mə Israyelɗe pak na, mahenziŋ məza addəɗ ɓa yi. Məɗɗani an Yawe anah sən Moyis.

Məsdəlveŋge 17:7

vasna azaɓaŋ-Maŋgəlva sit zeŋvit porsokɗes məs adawgakdaketin də əɗɗa matuya na polkoyoŋ ɓa. Mahenziŋ aska, wasan faɗ viti addəɗ na ɓa.»

Məsdəlveŋge 19:26

Kədawzəmaŋ a təki məzi mbel ɓa; kədaɗɗaŋ tetele ɓa, kədaskaŋ helig ɓa;

Məsdəlveŋge 23:14

Kədawzəmaŋ peŋ ɓa, hay məpsan ɓa, awaniɓa hay meleketen tak pay məɗiyən nawki əvəl də maŋgav də hay akan sən Maŋgəlva nokum ɓaɓa. Aski mahenziŋ məs akkpaŋ na azokum ɓa va saykum adawsan pakə, a təki kədassoŋ də gəla pakə.

Məsdəlveŋge 23:21

Pay an dəpas na, kəyengin ɗiyi, kəɗɗaŋgən əkkal na mahenziŋ; wəza tatwãh tay kədaɗɗaŋ dəpas ɓa. Va saykum adawsan pak dəsangən mahenziŋ məs addəɗ ɓa a təki kəssoŋ də gəla pakə.

Məsdəlveŋge 24:3

aba məzlzlara dəɗaman akoti na wənmiyna naddəv gizlirke nalma də Maŋgəlva. Aron dəɗigən gala ndən nawsan guɗɗo də moskoy hã təki dadaŋ aba Yawe pay pakə. Mahenziŋ məs addəɗ na ɓay ammba saykum pakə.

Məsdəlveŋge 24:9

Dəssoŋ sənəngən Aron dit kirtini; dəzəmnəngən peŋ vanəs a matuya, zəgeɗ salalaŋ ezeti, məgimit səka way mehhətən na Yawe ŋgə; Haran neti yi ka faɗə.»

Məsdəlveŋge 3:16

As na məsdələv dəzlegin zəgeɗis aka təki nawzaɓ-Maŋgəlva; aski peŋ məhhətən məs məŋgənən nek. Səlhã pak na Yawe yi.

Məsdəlveŋge 4:1

Yawe apel sənək Moyis də wənah na:

Məsdəlveŋge 6:15

An məɗiyi wətən Aron a gəlan ka məsdələv mesiya, dəɗɗagən məstaka: aska əvəl nahhət naɗɗa pay paki; kawzlan bayman pak sən Yawe.

Məsdəlveŋge 6:18

Apel sən Aron dit kirtini, anah sən na: Aŋki mahenziŋ na matuya vi mambraya: zəga mamayã na matuya vi mambray na a təki na ətaw wəla zəga naɗɗa əvəl nawzla kurmbuɗuki ətaw nan aba Yawe; zəga məs dəsan salalay.

Məsdəlveŋge 6:22

Zəv məsdələv mizilin pak waɓap əzəma: vi zəga an salalay.

Məsdəlveŋge 7:23

Apel sit mə Israyelɗe anah sit na: «Səlhã pakə, na wasliya, na time awaniɓa na hãwã, kədawzəmnən ɓa;

Məsdəlveŋge 7:34

Arbək na makran nawzokoni gəm mettile nawgəma, nəgimik sivet mə Israyelɗe, səka əzaɓ-Maŋgəlva nawsler neti, yas nipsin sən məsdələv Aron dəndit kirtini, va a gəla zəga an avayaŋ pay pakə, səra an net Israyelɗe.

Məsdəlveŋge 7:36

an Yawe aɗi wən nan napsiti yi, təŋ səza əɗi net aka wəza də əppay sit mẽl aweleŋgit mə Israyelɗe; as mahenziŋ məs adder ɓa vikumi, wasan faɗə.

Əŋɗa 19:21

Wasan sukum mahenziŋ an faɗə. Dəwəl sən ɗəf məksu' iŋkile naskoɓ mambray na, dəskoɓgin lukutɗe nani. Ɗəf məs dərəŋgit iŋkiles naskoɓ mambray pak wasan məs heslepe hã moskoyo.

Matiye 16:24

Yaŋ Yesu anah sit gewleɗ nan na: An ɗəf aŋgələk wəzbawa, dəppan əɗɗum aka zəni, dəgəmgən wəlaŋga məzliwrihe dəzbawgəni.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Wəza net Masləŋɗe 15:29

Kədawzəmaŋ slu mədan sən tuya ɓa, kədawzəmaŋ mbel ɓa, kədawzəmaŋ zəga mərrəsl wəlan dərrəsl ɓa, kədakuwaŋ a gizbe ɓa. An kəganənək zukum səza zəgas pak na, kəɗɗaŋgək moggoni. Məsoŋ zayə.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 5:26

Vi kakkpeŋget salala də əzlzleyit aret iŋkile na əpel nani.

Əmsak aka Mahenziŋ 12:16

Mbeliŋ Kəzəmaŋ na ɓa kaka'ə: kəggbo'ningin afuŋ va iŋkile.

Əmsak aka Mahenziŋ 12:23

Hara na, ampa tuluk kədawzəm mbel ɓa, vi mbeli, zeŋgileŋgə, vasna kədawzəm zeŋgile də slu sap ɓa;

Əmsak aka Mahenziŋ 12:24

kədawzimit ɓa, kəggbo' gin afuŋ va iŋkile.

Əmsak aka Mahenziŋ 15:23

Kədawzəm mbel nan ɓa hara: kəggbo'igin aka dəlvafuŋ va iŋkile ɗarə.

Əmsak aka Mahenziŋ 32:14

Mẽl naka moŋvo net wasliɗe, moŋvo net gilewi, səlhã net timeŋgiɗi, net ndargeyẽɗ zeŋvit na Basan gəm net murgoŋɗe, də haykəmari adawzəmaŋgə; mbazla na megezlembirke adawsaŋgə.

1Timote 4:4

Vi zəga məs Maŋgəlva azəməɗ pak moggoni, tay an nazga, an mətafək də əfət ɓa.