Məsdəlveŋge 27:30 - Bible en Guidar

³⁰ Taka səddəv kəlaw məgəmən səka zəga nawzəm naka dəlva awaniɓa səka uwa net wəleŋɗe sən Yawe; zəga məwelin sən Yawe yi.

Məsdəlveŋge 27:30 ပူးပေါင်းရင်းမြစ်များ

Va'Atəŋ 14:20

Soko sən Maŋgəlva Məsəɗəɗə məs dipsuk məzuzelɗe nok ammba voko!» Abram apsənək makəlaw na zəga məs arah pakə.

Va'Atəŋ 28:22

gərməŋ nəmpə ka serek əŋka, wasan Gəla na Maŋgəlva, səddəv an kədawvay pak, wanəpsuk makəlawani.»

Va'Atəŋ 47:24

Zəga na mabardaw an kədakkalanənən, kəgəmaŋgən məsle'en sən Farawən, haran poɗo dədappaŋ na, dəsan sukumgən ka zeŋve net gulyeŋɗe gəm nawzəmgən kikum dit ɗiy neŋgil anokum da gəm kirtukum.»

Va'Atəŋ 47:26

Yosef aɗiyək wənəs ka zəga məziwgin hã dəpaŋka, wətaf məsle'en na guli aka dələv na Eziptə sən Farawən. Adəbər ki guli net məsdəlveŋge yi kaka na Farawəni ɓa.

2Alabaraɗe Də Mabərkiziti 31:12

Akinən əvəla, makəlaw net zəgeɗi gəm zəgeɗ muwel sən Maŋgəlva məza vurum aran ɓa. Konaniya mə levi məpsən wən net zəgeɗ vet avani, Simey məlmən dəsan masula'ən.

Nehemi 12:44

Pay dəpas na, məɗiyi zel nawga gəleɗe məs məzi zəgeɗ addəvit va: əvəl an məgəm na zəga an dəsɓaŋ daabəŋ pakə, may makəlawan na zəga na mabardaw. Adaki ɗiyis adakkalanən hara zəga na mabardaw məs mahenziŋ aŋgəɗ napsit məsdəlveŋge dit mə leviɗe. Zəgeɗ vetis en mərəh səddəvit gulyeŋge məs dəterwəslnin walaŋgəleɗe gugriɗiŋgə. Ɗiy na Yuda beymet annekeŋgək də wəza net məsdəlveŋge dit mə leviɗe,

Nehemi 13:12

Mə Yudeɗ kan atəŋgən əki makəlawan na haykəmari, mbazla na meketepe gəm mẽl addivit gəleɗe nawzaɓ zəgeɗi.

Nehemi 13:5

yaŋ appansən gədəv gəla taka metiŋgin məs adakkalan zəga lahəŋ addəvən va: əvəl də zəga na mabardaw, tursan, may hiŋgiɗ naɗɗa wəza addəv gəla na Maŋgəlva, makəlawan na haykəmari, mbazla na meketepe, gəm mẽlẽ, məs məɗiywən nan napsit mə leviɗe, may sit məyaŋ gəlya dit məgaŋ metiveɗi gəm an məsdəlveŋge adawgəmaŋgə.

Məsdəlveŋge 27:29

ɗəf məpsən Maŋgəlva pak na kawbitni ɓa, kawbayni.

Məsdəlveŋge 27:31

An ɗəf aɗɗumuk nawbit zəga məs aki taka səddəv kəlaw nani, dəzleɓgin taka səddəv əlbah nan muɗakan sle' akani.

Matiye 23:23

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əpsənən kəlaw na zəga nokum sən Maŋgəlva səzet teɓ net zeŋgeli, teɓ na anisa, teɓ na algaru, ya munokum tat əzgətaŋ kiy wən an metiŋgin naddəv mahenziŋ əɗɗa an dəslə, də ulasahã, də ətafa. Eskiŋ zəgeɗ nazba pay pakə. Ya kədawgəsetin meɓɓet ɓa.

Luka 11:42

Ya əray akokum munokum mə Farisaɗe, vi munokum tat əɗi makəlaw net teɓ na minti dit teɓ na ru də an net teɓ na guli nokum pakə, munokum mbagən təstəsə gəm əŋgla na Maŋgəlva ndəni an dəslə narma, ya kəlzeletin meɓɓet ɓa.

Luka 18:12

In tat əɗɗa meme addəv pay buhul pak təl sula, in tat əgəm makəlaw na ərəh naw pakə.

Əmsak aka Mahenziŋ 18:8

An adawrəh nawzəmgən kiyən wasan dakadaka də an neti, mbəksa an adawrəh səka əvəl na arya net efiŋgiɗni.

Əmsak aka Mahenziŋ 26:12

Wəzva mohokoni, wəzva nawgəm makəlaw zəga yi, an kəgrakək əgəm makəlaw na zəga na mabardaw nok pakə, kipsitgin may mə levi, molhõyõ, mitiwe gəm sət gagəbaya, wazəmaŋ kpe' addəvit walaŋgəleɗe gugriɗ noko,