Məsdəlveŋge 26:40 - Bible en Guidar

⁴⁰ Ya waɗiyaŋ marava aka mambray net də an net migilti, də wənah na aɗɗaŋgək vurum azawa, argaŋgək makra də ina.

Məsdəlveŋge 26:40 ပူးပေါင်းရင်းမြစ်များ

1Milyeŋge 8:47

an aɗɗumonənək a mekreti aka dələv adassoŋ belemɗe adaka, an aɗiyaŋgək marava, amndoŋguk appu'oŋ sukunək aka dələv net ɗiy dəndenən aka balam, də ənəh na: Məgəɗək mambraya, məgəɗək heslepe, məraygənka na.

1Milyeŋge 8:48

An səka dələv net məzuzelɗe net en dəkenin adaka akkomokunək də mekret taka gəm də megenegenet pak heret sek aka dələv net an kəpsit efiŋgiɗti, heret sek aka walaŋgəla-metiŋ an kəweli, gəm aka Gəla an nərkə aka iya noko,

Ezra 10:11

Kakaŋ na, mərban mambray nokum aba Yawe, Maŋgəlva net efiŋgiɗkum, məɗɗa əŋgla nani: məgoh səzet ɗiy naka dəlvəŋ dit gil molhõyẽɗi.»

Ezra 9:15

Yawe, Maŋgəlva na Israyel, təstəs kənani: dəpaŋkəŋka, mənam tat va madembirgit ɗiy məkõhti. Mənam yakəŋ abok dit mbərayənɗe namə, yaŋ na, kəta ɗəf tay nawziw abok də tive vaskəs ɓa.»

Ezra 9:6

nəpsən na: «Maŋgəlva nawa nəttapka, wil tay ədəwən dawzlan haraw kəlazoko Maŋgəlva nawa, vi mambrayɗe nam awanənək zit akamə, mbərayən nam aɓayək ŋgbusl a disiŋ.

Gəlyaɗe 32:5

Nərban sukuk mambray nawa, nəsərət ki heslepe naw ɓa. Nəmna: «Wanərban an nəraygən sən Yawe», yaŋ nok kəzgan heslepe naw də mambray naw səkawa. Əziwe

Wənməkkpaŋga 28:13

Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

Yeremiya 14:20

Yawe məsənək wəza mambray namə, heslepe net efiŋgiɗmə. Məraygənək aboko.

Əɓuhma 1:20

Awla, Yawe, va nəsaw addəv əzəmsahã, makraw tay hoɗhoɗ aka wən nani. Makraw arayka! Vi nəkgbakək ma! Sə kəlappaka, masalam azetik kirni. Eŋgili, va ana əmtada.

Ezekiyel 14:23

Waffetenən mokrokum, vi wakulanən ədaw net də wəza neti, wakəsənnən na ɗari nəɗɗa zəgas pak akanəŋ ɓa, Daya Yawe aɗiymani.»

Ezekiyel 36:31

Wakəɗɗumonən ədaw nokum mbərayən də zəga naɗɗa nokum tay moggon ɓaŋka. Kənanən na nek ɓa vi heslepe nokum gəm zəga daryaw nokum.

Hose'a 5:15

Wanəmbatə, wanəmndaw agəlawa, hã gap dəsənəngən na araygənənka, addəv əzəmsahã net na dəkayawəngəni dəkkpaŋgaŋgən azawa.

Məsdəlveŋge 26:21

An mənokum tat ərganən mokrokum də ina, kaprəmən maw ɓa, wanərgukum day ki lahəŋ təl buhul, gala mambray nokum.

Məsdəlveŋge 26:24

naw pak wanəsil akokum, naw pak wanərgukum day ki lahəŋ təl buhul sən mambray nokum.

Məsdəlveŋge 5:5

An ɗəf akkpaŋgək məs mambray vi agəɗək taka səmmbet zəgeɗ məŋɗetiski, dərbangən mambray vani,

Əŋɗa 5:7

Ɗəf van dərban mambray an agəɗə; dəmndagangən zəga van sən afən nani gəm taka səddəv sle'na əlbah nan azan sapə.

Yosuwa 22:15

Agapaŋ ezet may kirtin Ruben, kirtin Gad gəm wəɗak na mahəlfa na Manase aka dələv na Galad, apeleŋ sitini, aɓɗaŋ na:

Yosuwa 7:19

Yosuwa aɓsən Akan na: «Kamə, wiyən nawa, aɗɗumon gagdak na Yawe Maŋgəlva na Israyel, aɗi kini; arban su an kəgəɗə, kəɗaman su taka səran ɓa.»