Məsdəlveŋge 26:33 - Bible en Guidar

³³ Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.

Məsdəlveŋge 26:33 ပူးပေါင်းရင်းမြစ်များ

1Milyeŋge 8:46

An aɗɗaŋgək mambray azoko, vi ɗəf tay məza aɗɗa mambray ɓa ɓa, ya an kədək gədəv aketi gap kədeppet avet məzuzelɗe neti, gəm ɗiy dəskanən wəlet aketin aka balam aka dələv net məzuzelɗe net faraɗa awaniɓa go'o pakə,

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 7:19

Ya hara kan na, an kəmilyoŋguk səmmbawa, kəzgetinik mahenziŋɗe nawa gəm an məs nəɗi sukum abokum, yaŋ kəddoŋ kəɗɗaŋ wəza sit meŋgilveɗ meɓɓeti, kəppu'oŋ abeti,

Nehemi 1:3

Aɓsuwən na: «En dəppaŋ dəssoŋ akkiva adak vet tahəŋ addəv tatwãhã gəm ərba wil diyɗa. Zlava na Yerusalem foŋfoŋgi, offo azimik maddambeɗe nani.»

Nehemi 1:8

Kamə aɗɗumon əpel məs kəɗi wən nan sən gawla nok Moyis də ənəh na: Nokum an mənokum tat əɗɗa moggon ɓa na, wanətraygukum aret ɗiyi,

Ester 3:8

Haman aɓsən məlĩ Ahasuwerus na: «ɗiy tahəŋ net temmeŋ səzet ɗiyi, dətrayaŋ aret ɗiy aka kivadələv nokuŋ pakə. Mahenziŋ net temme səzan net ɗiy pakə. Azbanən mahenziŋ na Məlĩ ɓa. Dədah aza məlĩ dəppetigin effet ɓa!

Gəlyaɗe 106:27

kawtərayet aket dilveŋge, kawbay zeŋvit a waleŋgit ɗiy-ɗarə.

Gəlyaɗe 44:11

Kədderemək dərɓe səbet məzuseɓɗe namə, məzuzelemən tahəŋ əppohetin zəgeɗ namə.

Gəlyaɗe 44:12

Is tat əkkpaŋgam va gilew nampəra; kətəraygəmək aret ɗiy-ɗarə.

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 13:24

Wanətreyet va eslesle ammba səmyã na kapta-muyã.

Yeremiya 15:4

Wanəkkpeŋget mbəreyit a maheret milyeŋge na dələv pakə. Vi Manase wətən Hizkiya məlĩ na Yuda sən an agəɗ a Yerusalem.

Yeremiya 31:10

Ɗiyi, məprəm əpel na Yawe, məprəman aket mətuwəraɗe en faraɗa. Mənah na: Ndən məs dətreygit mə Israyelɗe, dədakkelet gəm dədawget va məzutaɗa də gazlaŋ nani.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 7:34

Wanəɓətgən gəlya nanneke gəm nawbabyakan zə ɗəf sə waleŋgit gəleɗe gugriɗ na Yuda gəm səket tiveɗ na Yerusalem gəm gəlya net kirin dəgəmən ziti, vi dələv wasan kiməskiya.

Yeremiya 8:3

Ɗiy en dəppaŋ səmmbet ɗiy mbəreytiŋki, a təki məs nətreyet pak wanahaŋ na, dəɗah sit əmta ki əssa egge, Yawe Məzuɓappak aɗiymani.

Yeremiya 9:16

An Yawe Məzuɓappak anah yaŋka. Məɗɗumu, məye gil məsənaŋ əhəma dəzzoŋgu! Məye en məs kokoneɗ na gəlya na gəlabay dəzzoŋgu,

Əɓuhma 1:1

Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.

Əɓuhma 1:3

Duɓ əduɓ kiyən addəv ərba wili, məkani Yuda aka wəza na balamə. Aweleŋgit dilveŋge asani, ya awrəh təki naffet ɓa. Məzuzelɗe nan pak arufunək addəv əɓuhmani.

Əɓuhma 4:15

Mərɓehit dawnah na: Məmndoŋgu, ɗiy mbəreyti! Məmndoŋgu, kəgapaŋ aŋ ɓa! Vi na ənzo adanzoŋgu məza dəsənnən təki adaddoŋ ɓa. Ɗiy ɗar tahəŋ ənahaŋ na: adassoŋ faɗ anamda ɓa.

Əɓuhma 4:16

Yawe sən kiyən dətrəyeti man tay aka ulet ɓa. Məgegdeketi məsdələveŋge ɓa, mulay sasãhit ɗiy məsɓet ɓa.

Ezekiyel 12:20

Walaŋgəleɗe gugriɗ məs ɗiy addəvit wassoŋ kiyməskiya, kawraygəni dəlva. Wakəsənnən na intə Yawe.»

Ezekiyel 20:23

In naktə əmpa nəslan vawa, nəsway sitik a kapta-muyã: vi kawtəreygit aret ɗiy-ɗar kawzləɗet aket dəlveŋge.

Ezekiyel 22:15

Wanətərayguk aket dəlveŋge na guwa, wanəzləɗok aket dəlveŋge; wanəzan aramba nokəŋ faraɗɗa səzoko.

Ezekiyel 5:2

Taka səddəv hoku əzla kədawzlan addak walaŋgəla-metiŋ, an əvoŋ na əsərŋgəslən agraka; kəgəmgən taka səddəv hoku maɓɓan kəbəlangən də masalam ki walaŋgəla-metiŋ suləkə, taka səddəv hoku an dəmbərə, kəndolongən ammba səmyã, nəptugən masalam ammbeti.

Hose'a 9:6

Yeŋ anzoŋguk sən əraya, Eziptə wakkeleti, Memfis wandike. Ŋzewɗe wataknən arya na sləma neti, tintif watak gizlirkeɗe neti.

Amos 9:4

An addoŋguk anet meseŋgiɗit da ka belemɗe na mawgaya, wanəɗi wən nan sən masalam dəbeygin sədaka. Wanəzi haraw aketi nawgəɗ sit mbərayən, məza moggoni ɓa.

Zakarya 7:14

Nətəraygitik aket dəlveŋge məs dəsinin ɗah ɓa temtemi. Dələv arayək dərɓegeti, əgilye tay ɓa, ətoŋ tay ɓa. Akkpaŋganənək dələv moggon ka muyã ɗarə.»

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 4:27

Yawe, watəraygukum a waleŋgit ɗiy, wakəssoŋ ŋgbəra a weleŋgit ɗiy-ɗarə, a təki Yawe nokum adawkukum.

Yakob 1:1

Ɗereweləŋka, in Yakob nəvere, intə məgəɗ wəza na Maŋgəlva də na Daya Yesu Kristu. Nəsɗetik mahəlfaɗe kəlaw kiyit sula məs dətrayaŋ ammba dələv pakə.