Məsdəlveŋge 26:31 - Bible en Guidar

³¹ Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Məsdəlveŋge 26:31 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

2Milyeŋge 22:19

adan arəŋgən mokroko, kəvoŋgən kiyuk aba Yawe, aka kəprəm an nəpel aka təkiyəŋ dit ɗiy nakan pakə, təkiyəŋ wasan ki məski də mefɗeke akani, yaŋ kəŋgeret lukutɗe noko, kəhəm abawa; lewi yi, nəprəməka Yawe aɗiymani;

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

Nehemi 1:3

Aɓsuwən na: «En dəppaŋ dəssoŋ akkiva adak vet tahəŋ addəv tatwãhã gəm ərba wil diyɗa. Zlava na Yerusalem foŋfoŋgi, offo azimik maddambeɗe nani.»

Nehemi 2:17

Yaŋ nəɓsit na: «horokum tay ula əzəmsahã an məsam addəvənəŋ kan ɓa sa: Yerusalem akkpaŋgək kiməskiya, məɗi siti offo sit maddambeɗe nani! Məde mərkagən zlava na Yerusalem, mədawsam ka zəga net wil əmpa ɓa.»

Nehemi 2:3

Yaŋ nəɓsən məlĩ na: «Kəta məlyoffo dəsan egge hã faɗə! Nəsawna so'or so'or ɓa mbar əmpa di? Walaŋgəla-metiŋ məs magamasɗe net efiŋgiɗu assoŋ adak tay əkkpaŋ kiməskiya, may maddembeɗe na man pak offo azimike!»

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Isaya 63:18

Ɗiy na salala nok dənziyaŋ səza atafən dələv ɓa; ya məzuzelmən andapanənək gəla salala noko.

Isaya 64:9

Walaŋgəleɗe gugriɗ na salala tahəŋ hoŋgu Siyon akkpaŋgək kapta-muyã Yerusalem arayka.

Isaya 66:3

Mətaw wəla wasliya, tay əbay ɗəfa; məzaɓ-Maŋgəlva də wət time, aŋzləwək wəla kəra; məgəɗ su əvəla, avəl suwək də mbel na vedem; məs dəzlə su tursan, tay əki əzaɓ aka mbərayən. Net aweleŋgik tiveɗ neti tahəŋ ənnekeŋ də wəza net daryawɗeski,

Yeremiya 22:5

Ya an kəprəmən əpeləŋ ɓa, suwayə Yawe aɗiymani, gəla na məlyəŋ wakkpaŋ kiməskiya.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 26:9

Vimi kəgəɗ kəleŋ də iya na Yawe dawnəh na, gəlaŋ wasan va təki nakkaman Maŋgəlva na Silo gəm walaŋgəla-metiŋgin warayə ɗəf tay nassan addəvən ɓaŋ di? Ndəni ɗiy pak akkalaŋ aka Yeremiya addəv gəla na Yawe.

Yeremiya 4:26

Nula dələv məs dəsan va guli net wəleŋɗe nak na, kapta-muyã yi, walaŋgəleɗe gugriɗ nan pak abzlaŋka. Sən wən na Yawe, sən offo na ədagədəv nani.

Yeremiya 4:27

Vi vaŋki Yawe anahə: Dələv dəwən nan pak wakkpaŋ va kapta ya nəzan na kakãh ɓa.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 44:2

Vaŋ Yawe Məzuɓappak Maŋgəlva na Israyel anahə: Nokum kulanənək tatwãh nəki aka Yerusalem gəm aket walaŋgəleɗe na Yuda pakə, yeŋ pay dəpaŋ kiməskiya, ɗəf tay addivit ɓa.

Yeremiya 44:6

Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 1:1

Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.

Əɓuhma 1:10

Məzuzel nan atələk van aket zəgeɗ nan en na sləma pakə. Gesiŋ, awlek ɗiy-ɗar ətoŋgoŋ addəv gəlamatuya, məs kəɗi sit wən nan na adaddoŋ addəv əkkal na mahenziŋ nok ɓa naka.

Əɓuhma 2:6

Va mambara na guli net wəleŋɗe ator zlava nani, abzluwək təki nalma nan də mənamə. Araygənək təki nakkal nani. Yawe aɗɗak ka ɗiy dəzgətaŋgən ki pay na wəzləra gəm pay naffet a Siyon. Addəv ədagədəv nan na, arbəsənək wil sən məlĩ də məsdələv pakə.

Əɓuhma 2:7

Daya azganək gəlamatuya nani. Azelenək təki salala nani. Appanək gəla moggon nan ava məzuzele. Aɗɗaŋgək gugoyo diyɗa addəv gəla na Yawe hã va pay na wəzləra.

Ezekiyel 12:20

Walaŋgəleɗe gugriɗ məs ɗiy addəvit wassoŋ kiyməskiya, kawraygəni dəlva. Wakəsənnən na intə Yawe.»

Ezekiyel 21:15

Vi Kaŋgroɓ ɗiy yi mətakaɗani, məkkãhən dəwiɗgəni. Wamənnek də zeŋgle na məlĩ na wətu sa? Masalam tay əzelen mogundur pakə.

Ezekiyel 21:7

«Wətən ɗəfa, azi horok kəla Yerusalem ahãyẽt gəlet-matuyeɗe, agəɗ kəleŋ aka dələv na Israyel.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 6:6

Təki kəssoŋ də gəla pak walaŋgəlaɗe gugriɗ nadak wassoŋ ka kiməskiya, kawzeti gəleɗe-nettuyeŋge wassoŋ məɓzluti. Kawzeti təkiɗe nawzaɓ-Maŋgəlva nokum atəraŋ na wəray ɓa, kaŋgrofti zəgeɗmeŋgilveɗ nokum wazaŋgə, kakrepti matuyaɗe nawzla tursan nokum, kawzani wəza nokum temtem pakə.

Ezekiyel 9:6

Ɗəf məsɓani, gawla, gorku, muzliya dit gil pak məbey gərakə; ɗəf məs əver a mirbizin pak kədawzaraŋ azan ɓa, də gəla naw kədawtəŋgəni.» Atəŋnən aket zeli, ɗiy məsɓet naba Gəla na Maŋgəlva neki.

Daniyel 2:46

Ndəni məlĩ Nabukodonozor appu' aba Daniyel. Yaŋ aɗi wən nan ka kawki sən əvəl gəm tursan.

Amos 7:9

Wanəɓzlu gəla net tuyeŋge net kirtin Isak. Gəm gəleɗe salalaɗe na Israyeləŋki wassoŋ ka kiməskiya, Ya wanəsil əwak sən gəla na Yerobo'am də masalam.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Sefanya 3:6

Nəzetik dəlveŋge, nəɓzluwik zlavaɗe net məɓeyti; nəreygitik tiveɗ neti: məzutoŋgoŋ tahəŋ ɓa; məreygiti walaŋgəleɗe gugriɗ neti: ɗəf taka tay ɓa, ɗiy tahəŋ də gəla addəvən ɓa.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Wəza net Masləŋɗe 6:14

Vi məprəmək ənəh na: Yesu mə Nazaret əŋka waɓzlu təkiyəŋka gəm waddəɗan əsərək an Moyis apsəmə.

Ibriɗe 10:26

Vi an mənam tat əɗɗa mambray wa'wa' dərɓaga məsən gegesiŋ lewlewi, əzaɓ-Maŋgəlva tay navvuyon mambray van əmpa ɓa,