Məsdəlveŋge 26:17 - Bible en Guidar

¹⁷ Wanəsil də mənokum məzuzelɗe nokum dəbaykuməngəni; məzuzelkumən wazəmaŋ məlĩ akokum, wakənzoŋ məza mərɓohokumi dayday ɓa.

Məsdəlveŋge 26:17 ပူးပေါင်းရင်းမြစ်များ

Va'Atəŋ 4:12

Pay kinsi aka dəlvafuŋgu, azban na əgəɗ suk zəga əmpa ɓa. Slorslor kədassok məza əffet ɓa aka dəlvafuŋ.»

1Milyeŋge 8:33

Pay məzuzel na Israyel askanən wəlet vi aɗɗaŋ mambray akoko, an amndoŋguk azoko, aɗiynənək kiyko, akkamokunək də uppu' suk addəv Gəlaŋka,

2Milyeŋge 13:3

Gədəv Yawe adək aka Israyel diyɗa, appanək ammba va Hazayel məlĩ na Aram gəm ammba va Ben-Hadad, wətən Hazayel pay pakə.

2Milyeŋge 13:7

Məzəlpaŋ tahəŋ dəppaŋ sənən Yohakaz, abbər kiyit məpeŋgeŋ pilseŋge kaklaw sle'i, mawteɗ nawgay kəlawə, gəm məzəlpaŋ mədawaŋ də tilit gabal kəlaw ɓa, vi meɓɓet pak məlĩ na Aram azetike: akkpeŋgetik va burɗuk nawndapani.

Gəlyaɗe 44:10

Ya mbara na kəzgaməka, kətoŋgəmək addəvit wili, kazbet məzəlpaŋ nam əmpa ɓa.

Gəlyaɗe 53:5

Məɗɗaŋ mbəraynəŋ pak dəsənən ɓa sa? Məzuzimnin ɗiy naw va adawzəmaŋ waya, akkamanən Maŋgəlva ɓa.

Gəlyaɗe 53:6

Tay əgeslne'eŋ a təki məs geslne' tay ɓa, vi Maŋgəlva tay ətəreygit sleŋslenɗe net məzusərŋgəslkuni. Wakərbə sit wili vi Maŋgəlva andolike.

Wənməkkpaŋga 28:1

Məsdaraw na, ɗəf tay məzərɓahan ɓa dayday na, ndən ənzani; ya ɗəf an təstəs na, nan tay va wət ɓoolu, kiyən foŋgo.

Isaya 30:17

Masokum taka waɓɓah ɗiy gabal abani; abet meseŋgiɗkum sle' wakənzoŋ pakə. En dəppaŋ mederet kawbitgiti va wəlaŋga məmpan aka mossorgo metiŋ, va zəga narba azan aka mossorgo.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Yeremiya 19:7

A təkiyəski nədawraygən an Yuda də Yerusalem aynaŋgə. Wanəzlbe də masalam abet məzuzelɗe neti gəm də vet en məzukayanən zeŋgileti. Wanəpsit kiygəbeyit ka əzəm net biŋgeɗi gəm zəgeɗ nawra.

Yeremiya 44:11

Ya vaŋ Yawe Məzuɓappak Maŋgəlva na Israyel anahə: In yakəŋ əzi haraw akokum ka na əraya, gəm kawzan Yuda də wən nani.

Əɓuhma 1:5

Meseŋgiɗin askanən wəlani, məzuzelɗe nan tahəŋ zit neki. Vi Yawe tay əzəmgən sahã, sən kiɓəɓəl nan dayəŋka. Masan almetik kirtin mezeŋgleket aban ake aka balamə.

Əɓuhma 2:4

Anslənək bəle nan va məzuzel adawziw van dəzəŋ ta' aka uhõ. Va masa, abey zəgeɗ məs hara ɗəf adawla lew pak sə gizlirke na Siyon. Akgbo'uk ədagədəv nan va offo.

Ezekiyel 15:7

Wanəkkpaŋgan haraw aketi; agilyoŋguk səkoffo, ya offo wazle; vasna wakəsənnən na, intə Yawe pay nədawɗi haraw aketi.

Məsdəlveŋge 17:10

Ɗəfa, ɗəf səmmbet Israyelɗe awaniɓa molhõyẽɗ dəsson aweleŋti, an azəmək mbeli, ədagədəv naw wasan aka afən nan dəzəm mbeli, kawgilgin səra mahəlfa nani;

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Yosuwa 7:4

Ndəni zel gap gabal hoku kan apeŋgeŋgi, yaŋ anzoŋ sit zel na Ay neki.

Mətawaŋwəna 2:14

Gədəv Yawe adək aket mə Israyelɗe sawɓa, yaŋ appet ammba vet məsukoŋ met ɗiyi, amohẽtini, apsit avet meseŋgiɗit en kiyit tərwəslə. Awɓapən əziw abet meseŋgiɗit ta' tələn ɓa.

Mətawaŋwəna 3:14

Mə Israyelɗe aɗɗaŋgək wəza sən Eglon məlĩ na Mo'ab wəzva kəlaw kiyən dədopoɗo.

Mətawaŋwəna 3:8

Gədəv Yawe adək aket mə Israyelɗe, avilik sən Kusan-Risatayim, məlĩ na Weleŋgit-Məlpeŋge; mə Israyelɗe aɗɗaŋgək wəza sən Kusan-Risatayim wəzva dədopoɗo.

Mətawaŋwəna 6:2

Mə Madiyanɗe adanənək met mə Israyelɗe sawɓa. Aka wən net mə Madiyanɗe yi mə Israyelɗe akayaŋ walaŋ gərma, popor gərma may təki məs sərohho nawɗam neti.

1Samiyel 12:15

An kəprəmən ma Yawe ɓa, an kəggbakənək ma Yawe, asna Yawe waslan van akokum va aket efiŋgiɗkum.

1Samiyel 31:1

Mə Filistiɗe alpaŋgək dit mə Israyelɗe yas mə Israyelɗe anzoŋ səbet mə Filistiɗe. Məbayə səmmbet diyɗa aka gərəm na Gilbo'a.

1Samiyel 4:10

Mə Filistiɗe agəmənək əlpa, akaŋ sitinik mə Israyelɗe, naway pak anzanək a gizlirke ananda. Wəddak nan mbərayni diyɗa: məzəlpaŋ mədawaŋ də tilit na Israyel gabal hoku məbeyti.