Məsdəlveŋge 26:14 - Bible en Guidar

¹⁴ «An kəɓe'eŋ suwən ɓa, kəzbanən əpel na ənziya ɓa,

Məsdəlveŋge 26:14 ပူးပေါင်းရင်းမြစ်များ

2Milyeŋge 22:13

«Məddoŋ məkkaman Yawe ammbawa, ammba ɗəf titir dəwənnani gəm ammba Yuda pak aka wən na əpel naddəv ɗerewel mərahnəŋka; ədagədəv na Yawe metiŋgini akamə, Yawe adək gədəva, vi efiŋgiɗim dəprəmnən wən məverin naddəv ɗerewel mərəhnəŋ pak ɓa.»

2Alabaraɗe Də Mabərkiziti 34:24

Əpel na Yawe yaŋka: Wanəki tatwãh aka təkiyəŋ dit ɗiy nakani dit mefɗekeɗ en məverit addəv ɗerewel məs məŋɗan aba məlĩ na Yuda nak gərakə.

2Alabaraɗe Də Mabərkiziti 7:19

Ya hara kan na, an kəmilyoŋguk səmmbawa, kəzgetinik mahenziŋɗe nawa gəm an məs nəɗi sukum abokum, yaŋ kəddoŋ kəɗɗaŋ wəza sit meŋgilveɗ meɓɓeti, kəppu'oŋ abeti,

Gəlyaɗe 81:12

Ya ɗiy naw dəprəmnən maw ɓa, Israyel man tay akaw ɓa,

Wənməkkpaŋga 3:33

Mefɗeke na Yawe tahəŋ aka gəla na məsdaraw, ndən əɗɗa əzaɓ aka gəla net ɗiy en təstəsə.

Yeremiya 11:8

Ya dəprəmaŋ ɓa, dəpakən sləmet ɓa, naway pak azbanək əɓɓəlan kiyni. Ndəni nəɗɗa əpel naddəv wənmiynaŋ pak aketi, məs nəɗi sit wən nan dəɗɗanəngəni ya dəɗɗanən ɓa.

Yeremiya 17:27

An kəprəmwən ɓa, kəgagdakanən pay naffet ɓa, kəkiyaŋgək zəga nawsla kəla maddambeɗe na Yerusalem pay naffet na, asna wanəɗi offo sit maddambeɗe nani. Wazle gəleɗe lelewɗe na Yerusalem, amtə na ɓa.

Yeremiya 26:4

Kənah sitgin na: An Yawe anah yaŋka: An kəprəmwən də ədaw va mahenziŋ naw məs nəɗi abokum ɓa,

Yeremiya 28:8

Məskəleŋɗe məs dəssoŋ far daabəŋ kiwa gəm daabəŋ kiko, ya aɗɗaŋgək kəleŋ aket dəlveŋge diyɗa gəm aket milyeŋge gugriɗe. Apeleŋ aka wən nawgaya, əraya gəm gəbaymərma.

Yeremiya 32:23

Yas azzoŋ əmõhuni, ya dəprəmən mok ɓa, dədawaŋ aka mahenziŋ nok ɓa, məs kəɗi sit wən nan naɗɗa pak dəɗɗanən ɓa, yas kəki tatwãhəŋ pak aketi.

Yeremiya 40:2

Yaŋ daya net məzugaŋ agəm Yeremiya aɓsən na: Yawe Maŋgəlva noki dəɗi wən nan lahəŋ nawki tatwãh aka təkiyəŋka.

Əɓuhma 1:18

Yawe yi aka təstəsə, vi nəggbakək man aka an aɗi naɗɗa. Ɗiy pakə, kamə məprəma, mula əzəmsahã nawã. Gorɗeŋge naw dit gewleɗ naw addoŋguk aka balam.

Əɓuhma 2:17

Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.

Daniyel 9:13

Tatwãh va məverin addəv mahenziŋ na Moyis pak agəɗək akamə. Ya məffeten makra Yawe Maŋgəlva nam ɓa, məppan mambray nam mərahgən maɗɗula addəv gegesiŋ nok ɓa.

Hose'a 7:12

Pay adaddoŋgu, wanəzlzlar weŋge naw aketi, waniyo' va biŋgeɗ na disiŋ, wanəzga' sit va wən nan aprəm addəv əkkal neti.

Məsdəlveŋge 26:18

An kəprəmənən maw ɓa'e na, wanəzga' sukum day ki lahəŋ təl buhul sən mambray nokum.

Malakiya 2:2

An kaprəmaŋ ɓa, an karmanən wən nagagdakan iya naw təstəs a mokrokum ɓa, wanəki əray akokum gəm əraygən əzaɓ nokum Yawe Məzuɓappak anahə. Gesiŋ, nəraygit na vi ɗəf tay məzərma zəga a makran səmbokum ɓa.

Wəza net Masləŋɗe 3:23

Ɗəf an məs dəprəm ma məskəleŋgəs ɓa pak, kawzani səret ɗiyi.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

Yosuwa 23:15

Ya kan na, va əpel an nenek məs Yawe Maŋgəlva nokum apel sukum agəɗ akokum gesiŋ əŋka, vaska'e Yawe adaknahan əpel an mbərayən akokum gesiŋ hã bay əbaykum, mbo' əzokum səka dələv moggon məs Yawe Maŋgəlva nokum apsukum naka.

Mətawaŋwəna 2:15

Va agulyoŋ ama wəlpa pak, Yawe tay ammbet ɓa' əki sit tatwahã, va Yawe van anah siti gəm va Yawe van asway siti; atoŋgoŋguk addəv wəzəmsahã dərwadərwa.

1Samiyel 12:15

An kəprəmən ma Yawe ɓa, an kəggbakənək ma Yawe, asna Yawe waslan van akokum va aket efiŋgiɗkum.