Məsdəlveŋge 25:18 - Bible en Guidar

¹⁸ Məgəɗ wəza dit mahenziŋɗe nawa; mərme tiveɗnanziya nawa, məgəɗ wəza dənɗaŋ: vasna wakəssoŋ fendeŋ aka dələv vani.

Məsdəlveŋge 25:18 ပူးပေါင်းရင်းမြစ်များ

1Milyeŋge 5:5

Ɗiy na Yuda dit en na Israyel pak assoŋguk addəv zazay pay ənziya na Salomoŋ egge təŋ sə Dan hã gap a Ber-seba, naway pak tay də maɗɗulan ammba megezlembirke nani gəm ammba sokoyo nani.

Gəlyaɗe 103:18

sit məs dərmanən wənmiyna nani, məzəɗɗumoŋ əɗɗa an aɗi naɗɗa.

Gəlyaɗe 4:8

Kəvayək ənnek a makraw dayki aka pay haykəmari də mbazla na meketepe net asan diyɗa.

Wənməkkpaŋga 1:33

Ya ɗəf an dəprəm əpel nawa, wasan kiyən foŋgo, nzeŋge, faraɗa səza geslne na tatwahã.»

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Yeremiya 25:5

Anahaŋ sukumənək na, kamə ɗəf pak dəmil səka tive mbərayən nani gəm səka wəza nokum mbərayən, kəssoŋgən faɗ aka dələv məs Yawe apsukum gəm sit efiŋgiɗkum farfar hã faɗə.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Ezekiyel 33:29

Pay nədakkpaŋgan dələv va kapta-muyã məraygən aka zəga daryaw an aɗɗaŋgə, wasənnən na, intə Yawe.

Məsdəlveŋge 19:19

Məɓesən mahenziŋɗe nawa: kədarka'git zəgeɗ memeyẽɗ zeŋvit temtem ɓa; kədaslga zeŋve temtem sula addəv guli taka ɓa; kədawgul lukut na gabaga məslahan məhon də gaɗmay temtem ɓa.

Məsdəlveŋge 19:37

Məzbet mahenziŋɗe naw dit tiveɗnanziya naw temtem pakə, Məgəɗ wəza dənɗaŋ. Məgəɗ wəza dənɗaŋ. Intə Yawe.

Məsdəlveŋge 25:19

Dələv wagəɗ zəga, wakəzəmaŋ kpe'i, wakəssoŋ akan fendeŋgi.

Əmsak aka Mahenziŋ 12:10

Wakəggaraŋ ki Yurden, wakəssoŋ aka dələv məs Yawe Maŋgəlva nokum adapsukum ka nokum: wapsukum əffet də əmõhkum səvet məzuzelɗe nokum en dətərwəsl kumən pakə, wakəssoŋ adak kiykum foŋgo.

Əmsak aka Mahenziŋ 33:12

Aket mə Benyaminɗe, amna: «Mahəlfa na makra Yawe, tay əffet zeŋgleŋge pay pak addəv va məzuzeŋ nani, tay ŋgbiŋge a weleŋti.»

Əmsak aka Mahenziŋ 33:28

Mə Israyelɗe tahəŋ əffet fendeŋge; kirtin Yakob, assoŋguk akki nawɗama, aka dələv na, haykəmari də mbazla na megezlembirke, disiŋ tay əppet minɗe əziyaŋ akani.