Məsdəlveŋge 24:7 - Bible en Guidar

⁷ Aka gəlan kpewwe taka pak kəɗigən zəga məffok neneke; dəsangən ka zəga naɗɗum akan a gəla peŋ; wasan ka way məhhətən sən Yawe;

Məsdəlveŋge 24:7 ပူးပေါင်းရင်းမြစ်များ

Va'Atəŋ 9:16

Məzzəɗa wasan addəv slaybuwna, wanula vi kaɗɗumon wənmiyna naw an faɗə, məs dəssan awalaŋ Maŋgəlva dit zəgeɗ mederet naka dəlvafuŋ pakə.»

Əgilye 12:14

Pay nan wasan sukum naɗɗum akani. Wakəɗinən ka na wəzləra sən Yawe vi sayit ɗiy nokumu. As an məɗiyən naɗɗa məza addəɗ ɓa pay paki yi.

Əgilye 13:9

Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Əgilye 17:14

Yawe anah sən Moyis na: «Aver addəv ɗerewel naɗɗumoni, agapgən sən Yosuwa asləman na. Vi əvvuy nədavvuyon sləma Amalek, səka dəlva!»

Əgilye 28:12

Kətipgin gərmeŋɗe nek azet helegeɗ na lukut na daya net məsdəlveŋge vani, gərmeŋɗe vetis wassoŋ ka zəga naɗɗumet mə Israyelɗe, Aron dəkagən iya net aba Yawe, aket helegeɗ suleŋ vi nəɗɗumokumgəni.

Isaya 43:23

Kəkisu time nawzaɓ-Maŋgəlva nok na əvəl nawzla kurmbuɗuk ɓa, kəgagdakaw də əzaɓ-Maŋgəlva mədan nok ɓa. Nəska wəlok nawkisu əvəl ɓa, ya nəyok də əttok tursan ɓa.

Məsdəlveŋge 2:1

An ɗəf tay əki əvəl na zəga na mabardaw sən Yawe, əvəl van dəsangən gəpa kukuɗ məman mẽl akan gəm telembe nawzla a matuya;

Məsdəlveŋge 2:2

Dəkisitigin sit məsdilveŋge, kirtin Aron, dəndəgən gəpa kukuɗ van zloŋgu gəm mẽl nani gəm telembe nawzla na matuya pakə, asna məsdələv dəzlagən zəga naɗɗumonəs aka təki nawzaɓ-Maŋgəlva. As way məzlan məs məŋgənən nek aka Yawe yi.

Məsdəlveŋge 2:9

Səza əvələska məsdələv dəndəgən haran na zəga naɗɗumoni, məs adawzla aka təki nawzaɓ Maŋgəlva. As əvəl nawzla kurmbuɗuk məs məŋgənən nek aka Yawe yi.

Yohanna 6:35

Yesu aɓsit na: Intə mepteke na zeŋgile. Ɗəf dəde azaw pak mãy adana ɗah ɓa. Ɗəf dətafu pak meme adanən na ɗah ɓa.

Yohanna 6:51

Naw intə mepteke madarani, məs dəprik sə disiŋ. An ɗəf azəmək mepteke nani, wasan madaran faɗə. Mepteke məs nədapsən ɗəfa, gəɓa zuwi. Nəpsən na vi dələv dəsangən madaran.

Wəza net Masləŋɗe 10:31

Awɗi man na: Korneliyus, əkkam nok aprəmka, Maŋgəlva aɗɗumonək əvəl nok sit məssehẽŋɗe.

Wəza net Masləŋɗe 10:4

Korneliyus haran akan seki, geslne armaka. Yaŋ amna: Mi di Daya? Yaŋ anah sən na: Əkkam noko gəm wəzeɗe na ula sahã nok apeŋgeŋgik aba Maŋgəlva ka zəgeɗ naɗɗumeti.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Ibriɗe 7:25

Vi vaski waɓap əkõhgit ɗiy məs dəzaraŋ dəndən aza Maŋgəlva ha faɗə, adan madarani hã faɗə nakkam ammbeti.