13 Dəgəmgən waŋ ŋgbuɓo ka goni.
Adawɗiyaŋ gagəbay ɓa may guluk məs zələt arɓah ɓa, abbər gorɗeŋge ŋgbuɓɓo ŋgbuɓɓo gebbet mə Israyelɗe ɓa; an gagəbay na məsdələv tə hara na, waɗiytəni.
Adawgilyen səddəv gəla na Maŋgəlva ɓa, vi adawraygən gəla na Maŋgəlva nan ɓa, vi məwelni də əpeslin də mẽl na Maŋgəlva nani. Intə Yawe.
Adawgəm gagəbay ɓa, guluk məs tuɗak də zələt ɓa, gulut məs təraygən zət də əku a gisbe ɓa; dərəŋ na dəgəmgən waŋ goruk səddəv mahəlfa nani.
Adawgəmaŋ ɗak məku a gisbe may məraygət səŋgil ɓa; adawgəmaŋ ɗak məs tuɗak də zələt appat ɓa; vi sən Maŋgəlva məwel məsdəlva.
Nəknahək də kotorok nokum a makraw va Maŋgəlva asan də kotoroku. Vi nədahkumuk sən ɗəf təttaka, ana Kristu, kawkukum sən va waŋ ŋgbuɓɓo salala.
Net dərnokonən zit dit gil ɓa, vi tahəŋ gbuɓɓo. Tahəŋ əzbat ndargayãk a təki təmbat pakə. Net məkõhgiti səret ɗiyi vi kepsin Maŋgəlva gəm sət ndargayãk va zəga dəsəɓ maddaabəŋ.
