Məsdəlveŋge 19:32 - Bible en Guidar

³² Asil aba ɗəf ki babara, aɓe' sən mazza; vaski kədawgeslne' sən Maŋgəlva noko intə Yawe.

Məsdəlveŋge 19:32 ပူးပေါင်းရင်းမြစ်များ

Va'Atəŋ 31:35

Yaŋ tənah sən afət na: «Kamə, kədawda gədəv akaw an nəsil abok ɓa ɓa daya nawa, vi in tat əzələha.» Aŋgbanyanəka, dərih meŋgilveɗ Terafim nek ɓa.

Va'Atəŋ 48:12

Yosef agilgit sə walaŋ təl afəni, appu'u afuŋgu.

1Milyeŋge 2:19

Batseba, toŋ aza məlĩ Salomoŋ, kawnah sən wən na Adoniya. Məlĩ le' ələm səta, ndən guduk a bata; ndən həmsak ɗew aka mazaŋga a gəlani, aɗi mazaŋga maɓɓan dəka dəzəŋ nan sət mani; ndət ɗew akani.

2Milyeŋge 17:36

Sən Yawe məs dəgilgukum səka dələv na Eziptə də wəɓap metiŋgin, gəm də van le'gəni, anan kədawgeslne'eŋ sənən kaka'ə, aban kədappu'oŋgu; anan kədawzaɓaŋ sənən Maŋgəlva.

Ɗerewel na Yob 32:4

Elihu armak man dawpel sən Yob, vi net adayaŋgək kiyən də əzva.

Ɗerewel na Yob 32:6

Elihu wətən Barake'el mə Buzi agəmək əpele amna: Naw gawla nani ya nokum məsɓokum kənanaŋgə. Vini nəkkeri, nəgeslne darban sukum əsən nawa.

Wənməkkpaŋga 16:31

Muhur babar na, mətərkiya na sləmayi, kawrəhni də əɗɗa təstəsə.

Wənməkkpaŋga 20:29

Gbogboŋ net gewleɗi, ndəni gagdak neti; magalagala, ndəni zəga na gawla net mezzeɗi.

Wənməkkpaŋga 23:22

Aprəm ma afuko, ndəni dəwuko; kədawzelet mok vi təgal ɓa.

Isaya 3:5

Ɗiy wazəmgənən sãhã na ziti, ɗəf wazəmgən sahã na məlməni gawla wazəmgən sahã na mazza, ɗəf an va ziwir wazəmgən sahã na ɗəf an tekteki.

Əɓuhma 5:12

Alewinik ɗiy gugriɗ dəveti, awgegdeketin ɗiy məsɓet ɓa.

Məsdəlveŋge 19:14

kədawran goryom ɓa, kədawɗi zəga aba daŋgar ɓa; vaski kədawgeslne sən Maŋgəlva nok in Yawe.

Roma 13:7

Sən ɗəf pak məfaɗ sən an dəslə səni, nzalaka sən məkkal nzalaka, an mətawən nawfaɗ sən məs dətawa, geslne sən an nawgeslne səni, əɗikiya sən an nawɗi kiyən.

1Timote 5:1

Kədawhayãn mazza dəhay ɓa, apel sən va sən afuko, sit gewleɗ tamə, va sit milmiŋgiɗko,

1Piyer 2:17

Məgagdeket ɗiy pakə, məŋliw milmiŋgiɗkum naddəv ətafa, məgeslne' sən Maŋgəlva, məgagdakan məlyã.