Məsdəlveŋge 19:11 - Bible en Guidar

¹¹ Kədawhalaŋ ɓa, kədawaŋ wən ɓa, ɗəf adawbəɗan meggen ɓa.

Məsdəlveŋge 19:11 ပူးပေါင်းရင်းမြစ်များ

2Samiyel 17:20

Gewleɗ na Absalom atoŋgoŋ azat ɗak nakə, aɓɗaŋ na: «Ngahəŋ may Ahima'as də Yonatan di?» Ɗak nak təɓsit na: «Atoŋgoŋguk dəka batemit iŋkileska.» Akeyetinik sam dərihin ɓa; ndəɗaŋ buryok a Yerusalem.

1Milyeŋge 13:18

Yaŋ anah sən na: «Məskəleŋ nan va isi, maslay dəpel su əpel na Yawe dawnəh na: Amilgən anokda; dəzəmgən waya, gəm dəsəgən iŋkile.» Wən awə səni.

Gəlyaɗe 101:7

Məmbəɗan ɗəf asan na eŋgil anawda ɓa. Muwə wən aziwna abaw ɓa.

Gəlyaɗe 116:11

Gala maɗɗulaw azlzlaɓə, nəmna: «Ɗəf pak muwə wəni.»

Əgilye 20:15

Kədawhãl ɓa.

Əgilye 20:16

Kədawa wən aka meggok ɓa.

Əgilye 20:17

Kədawsim gəla na meggok ɓa. Kədawsimit ga meggok ɓa, may balam nan dət balamək nan ɓa, may wasli nan də koro nan ɓa, zəga awandi na meggok pakə.

Əgilye 22:1

An məgbati aka məhãla daflik gəla, yas məbayən zamə, kampəlni kiyən ɓa,

Əgilye 22:7

An mərəhni məhãla van ɓa, asna afən gəlas dəzargən aba Maŋgəlva an ndəni dərəŋgən zəga na meggen ɓa.

Əgilye 23:1

Kədabbalan tepelke ɓa. Kədawaŋ wən kabbah sən ɗəf mbərayən ɓa.

Wənməkkpaŋga 24:28

Kədassok məziwe na wən ɗar narma meggok ɓa, mok aka əmbəɗeɗ ɗiy də mok sa?

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Məsdəlveŋge 19:10

kədaɓɓut mokkoy na megezlembirke nok gərak ɓa, uwa nan an diyo' afuŋ na, kədakman ɓa; kətoŋgən kiyən kəppangən sən məssahã gəm sən molhõyõ. Intə Yawe, Maŋgəlva nokum.

Roma 3:4

Agəɗ na ɓa! Maŋgəlva wassan də gegesiŋ, ɗəf titir pak məwə wəna, va məverin na: Vi kəsoŋgən təstəs addəv əpel noko, kəskəgən wəla an pay ətawwən akoko.

Efesus 4:25

Vi vaski məppan uwa wəna! Ɗəf pak dəpel gesiŋ aza meggeni, vi gəɓa zəm taka mənani.

Efesus 4:28

An ɗəf məhãlãy yi, adawhãl əmpa ɓa, ya ɗəɗah dərəŋ dəgəɗ wəza devan va an dəslə, vi dərahgən an napsən ɗəf an də wəraya.

Əmsak aka Mahenziŋ 5:19

Kədawhãl ɓa.

Kolosi 3:9

Kədawaŋ wən sən zukum ɓa, vi kəggbukunək ɗəf məzvan də zəga naɗɗa nani.

1Timote 1:10

viyit məkuhwaŋ a gizbe, məvunoŋ dit zel tusso, viyit məvəlaŋ belemɗe, dit məwaŋ tepelke, dit məswayaŋgə, dit məɗɗaŋ zəga maɓɓan nawraygən əyak an salala.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.