Məsdəlveŋge 19:10 - Bible en Guidar

¹⁰ kədaɓɓut mokkoy na megezlembirke nok gərak ɓa, uwa nan an diyo' afuŋ na, kədakman ɓa; kətoŋgən kiyən kəppangən sən məssahã gəm sən molhõyõ. Intə Yawe, Maŋgəlva nokum.

Məsdəlveŋge 19:10 ပူးပေါင်းရင်းမြစ်များ

Isaya 17:6

Əffek dəpəl ananda va pay naslba uwa net heremeɗ də əzləmbirit də zleŋge: uwa sula awaniɓa hoku səka wəlaŋga gəm poɗo awaniɓa sle' səka kivani. Aski an Daya Maŋgəlva net mə Israyelɗe aɗiymani.

Isaya 24:13

Vas adawsan aweleŋgit ɗiy naka dəlva, zəga tay nawsan tektek ɓa, va hereme məzlbani, va megezlembirkeɗ mətaw mokkoy nani pay məhorun gərakə.

Yeremiya 49:9

An məhoroŋ uwa net wəleŋɗe azzoŋguk anokum da, mokkoy tay adappaŋ ɓa. Dəfəɗ an məhelɗeŋge atoŋgoŋko, waraygənən zəga va aŋglaŋgə.

Məsdəlveŋge 11:44

Vi intə Yawe Maŋgəlva nokum; kəpesleŋgən vi kəssoŋgən salala məza heslepe ɓa, vi ina salala nani; kədawraygənən zukum də əriŋgit zəgeɗ memeɗeŋɗe məzəbbalaŋ aka dəlvafuŋ ɓa.

Məsdəlveŋge 19:11

Kədawhalaŋ ɓa, kədawaŋ wən ɓa, ɗəf adawbəɗan meggen ɓa.

Məsdəlveŋge 19:25

əzva masle'eni, kəzəməngəni; vaski zəga nawrəh na mabardaw nokum adawmbat abe abe. Intə Yawe Maŋgəlva nokum.

Məsdəlveŋge 19:9

An mənokum tat əpet aka dələv nokumə, kədawpet guli nok hã gərak ɓa, an naffek agəla əpet na kədaffekin ɓa;

Məsdəlveŋge 23:22

Pay kədakkalanən zəga sə guli nokum na, kədakkalanən fefek fefek ɓa, kədaffeken gəlan ɓa, kəppangən sən məssahã gəm molhõyõ. Intə Yawe Maŋgəlva nokum.»

Məsdəlveŋge 25:6

Kəzəmaŋgən an məs dəlvafuŋ agilgin addəv wəzva vanəska, isi, balam noko, balamək noko, məgəɗ wəza nawrəh koɓeɗi, awaniɓa məsgəlok neŋgil anokda gəm ɗiy en dəssoŋ anokda.

Obadya 1:5

An məhelɗeŋge gəm məmohoŋ zəga atoŋgoŋguk akokum də dəfɗa, wagəmən an na mekreti ya nok wakəsok kumtu'u An məhoroŋ uwa net wəleŋɗe atoŋgoŋguk addəv megezlembirke noko, wappaŋ day ki mokkoy dəŋɗedəŋɗe sa?

Mika 7:1

Aw haya! Vi in tat va ɗəf məkkal zəga na mabardaw də mawala va məhor uwa net wəleŋɗe ya mokkoy tay nawɓuh nawzəm ɓa, muduvurziyo na sokoyo məs maw asan akan zlaŋ tay ɓa.

Əmsak aka Mahenziŋ 24:19

An is tat əpet hay noko, yaŋ kəzgətan ki maŋgaŋva, kədamndok əndan ɓa. Ka na molhõyõ, mitiwe gəm nat gagəbay adawsani, vi Yawe Maŋgəlva nok dəɗɗagən wəzaɓ nan aka an kədaɗɗa pakə.

Əmsak aka Mahenziŋ 24:20

An is tat əzlba hereme noko, kədamndok əffeken gəlan ɓa; na gəlanəŋ na, ka na molhõyõ, mitiwe gəm nat gagəbay adawsani.

Əmsak aka Mahenziŋ 24:21

An is tat əhor kirtin megezlembirkeɗ noko, kədamndok əkoson dərɓe ɓa; mokkoy dədappaŋ na, ka na molhõyõ, mitiwe gəm nat gagəbay adawsani.

Mətawaŋwəna 8:2

Gedeyon aɓsit na: «Mi nəgəɗ yaŋkəŋ gala nawsla də an kəɗɗaŋ di? An kəɗɗaŋ siɗikke mənokum ɗiy na Efrayim, adayək ki əska wəla na zev Abiyezer də sləma.

Ɗerewel nat Rut 2:2

Rut mə Mo'ab təɓsət Nawmi na: «Maw aka əddaw əffek ki hay a gulyeŋge kəta dərɓaga ɗəf nawla sahã akawa.» Nawmi təzlanka: «Doko wətuwa»