Məsdəlveŋge 18:5 - Bible en Guidar

⁵ Məɓesən mahenziŋ nawa gəm wəyak naw pakə: də əɗɗa wəza dənɗaŋgi yi ɗəf adawsan madarani. Intə Yawe.

Məsdəlveŋge 18:5 ပူးပေါင်းရင်းမြစ်များ

Nehemi 9:29

Kəsəɓ sitike, vi dəmulyoŋgən aka mahenziŋ noko, yaŋ net adaɗɗaŋ zəga nawkaɓa, dəɓe'eŋ sitin mahenziŋɗe nok ɓa, may dəzbetin tiveɗnanziya nok məs ɗəf adazba ka dəsangən madaran viyit ɓa. Aɓəlanənək kiyti, aktuhunək gəɓeti, dəprəmaŋ ɓa.

Əgilye 6:2

Maŋgəlva anah sən Moyis na: Intə Yawe.

Əgilye 6:29

Yawe apel sən Moyis dawnəh na: «Intə Yawe, anah sən Farawən məlĩ na Eziptə an nənah sukuŋ pakə.»

Əgilye 6:6

Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Ezekiyel 18:9

Tay ədaw va mahenziŋ nawa; tay əzbet tiveɗnanziya nawa; də gegesiŋ adaɗɗa zəga: ɗəf təstəsi, wasan madarani. Daya Yawe aɗiymani.

Ezekiyel 20:11

Nəpsitik mahenziŋɗe nawa, nərban sitik tiveɗnanziya naw məs ɗəf adaɗɗa dəsangən madaran dənɗaŋ.

Ezekiyel 20:13

Yaŋ ɗiy na Israyel aɓoŋgoŋ akaw a kapta-muyã; dədawaŋ va mahenziŋɗe naw aŋglaŋ ɓa, azeletinik tiveɗnanziya naw məs ɗəf adaɗɗa dəsangən madaran dənɗaŋ. Araygənənək pay naffet naw diyɗa. Yaŋ nəmna: Wanəka herɗe naw aket a kapta-muyã kawzeti.

Ezekiyel 20:21

Yaŋ kirin nek aɓoŋgoŋ akawa; dədawaŋ va mahenziŋɗe naw ɓa, dərmenin tiveɗnanziya naw naɗɗa wəza dənɗaŋ ɓa; də wəɗɗa wəza dənɗaŋ ɗəf adawsan madarani. Araygənək pay naffet nawa. Yaŋ nənah na: Wanəke herɗe naw aketi, wanəgapgən ədagədəv naw ŋgbu' aket a kapta-muyã.

Məsdəlveŋge 18:6

Ɗəfa, ɗəf səmmbokum adawvoŋgət həlfən ɓa. Intə Yawe.

Malakiya 3:6

Vi in Yawe, nəddəɗ ɓa. Ya nokum, mənokum kirtin Yakob məgrakumi ɓa.

Matiye 19:17

Yaŋ Yesu azlan səna: Vimi kəssohow aka zəga moggon di? Takay moggon kaka'ə. An mok aka ətoŋ addəv zeŋgile na, arme mahenziŋɗe.

Luka 10:28

Yesu aɓsən na: Kəzlanək moggoni, aɗɗa vaska, wakəsok modoroko.

Roma 10:5

Vi an Moyis averik aka təstəs məs dəde səza mahenziŋ yaŋka: Ɗəf dəzban mahenziŋ na, wasan madaran dəndən.

Roma 7:10

Ya naw nəmtəka. Vasna, mahenziŋɗe məs nawkaŋ ɗəf addəv zeŋgile naka, akisuwək əmta.

Galatiyen 3:12

Mahenziŋ səza ətaf ade ɓa, ya ɗəf dədazbet zəgeɗ na mahenziŋ, wasan madaran dənɗaŋ.

Əmsak aka Mahenziŋ 30:20

də wəŋglu Yawe Maŋgəlva nokum, də wəprəm mani, də əssa zləmba' azani. Vaski kədassoŋ madorokum, kədazzekenən pay nokum aka dələv məs Yawe asway napsit efiŋgiɗkum, Abraham, Isak, gəm Yakob əŋka.

Əmsak aka Mahenziŋ 30:6

Yawe Maŋgəlva nokum wakkpaŋgan mokrok gəm an net kirtuko, vi kəŋgluwnəngən Yawe Maŋgəlva nokum də mokrokum taka, də megenegenekum, ka kəssoŋgən madarokum;

Əmsak aka Mahenziŋ 4:1

Ya kakaŋ na Israyel, aprəm mahenziŋɗe, dit tiveɗnanziya məs nədawyeget sukum nazba: vaski kədassoŋ modorokum, kətoŋgoŋgən ətaf dələv məs Yawe Maŋgəlva net efiŋgiɗkum adapsukum.