Məsdəlveŋge 18:21 - Bible en Guidar

²¹ Kədapsən wutuk vi kawzlan sən Molek ɓa, kədawraygən iya na Maŋgəlva nok ɓa. Intə Yawe.

Məsdəlveŋge 18:21 ပူးပေါင်းရင်းမြစ်များ

1Milyeŋge 11:33

Adan appawən appu'oŋ abat Astera, maŋgəlvak net mə Sidonɗe, aba Kemos, maŋgəlva na Mo'ab gəm aba Milkom, maŋgəlva net mə Ammonɗe, dədawaŋ aka tive naw ɓa, dəɗɗaŋ zəga təstəs ama haraw va mahenziŋ naw dit wəssərəkɗe naw va na Davit afən Salomoŋ ɓa.

1Milyeŋge 11:7

Yaŋ Salomoŋ arkə gəlamatuya aka mossorgo aba Yerusalem sən Kemos, zəga narba wil na Mo'ab, gəm sən Molek, zəga narba wil net mə Ammonɗe.

2Milyeŋge 16:3

Nan agəmək tilit milyeŋge na Israyel, agəɗək zəga daryawə, ndən wətən dayday ɗukɗuk əzlan akoffo kurmbuɗuku, va net ɗiy ɗaɗarɗe məs Yawe amõh dələv səvet sit ɗiy na Israyeləŋka.

2Milyeŋge 17:31

mə Aviɗe agagdakanənək tuya Nibhaz gəm Tartak; mə Sefarwayɗe tahəŋ əzban əzle kirtit akoffo sən Adrammelek də Anammelek, meŋgilveɗ na Sefarwayim.

2Milyeŋge 21:6

Azlək wətən akoffo; awələk heligi, agəɗək tetele, awələk məsvefɗe gəm abotonək an əmpəsɗe anahaŋgə. Awanək əɗɗa mbərayən a mahara Yawe vi kawdan sən gədəvən.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Alabaraɗe Də Mabərkiziti 28:3

Azlək tursan a walaŋ gərəm na Ben-Hinnom gəm azlə kirtin akoffo, əzban zəga nawla gəbay net ɗiy-ɗar məs Yawe arɓah səbet mə Israyelɗe neki.

Yeremiya 19:5

Arkaŋgək gəleɗe-nettuyeŋge sən Ba'al vi kawzle kirtit ka əvəl nawzla kurmbuɗuk sən Ba'al. Nəɗi wən vas ɓa, nəpel vas ɓa, dəde ɗah vas a makraw ɓa.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Yeremiya 7:31

A walaŋ na Ben-Hinnom, arkaŋgək gəleɗe-nettuyeŋge Tofet, ka kawzla kirtit mezeŋgleket dit muguluŋgit adak akoffo. An məs nəɗi wən nan ɓa, əɗɗum nan dəde a makraw ɓa.

Ezekiyel 20:26

Nərnoketik dit əvəlɗe net məs dədaɗɗa dətawnəngən wəlet tiziɗe net sən tuya; vi nəppetgən əzəmsahã, ka dəsənnəngən na intə Yawe.»

Ezekiyel 20:31

Pay kəkinin əvəlɗe nokum, pay kədawzlenin kirtukum akoffo, zukum kədarnokonən dit meŋgilveɗ nokum pak hã dəpaŋka! Naw wanəppan zu kəssohõwəngən sa mə Israyelɗe? Va nəsaw madarawa. Daya Yawe aɗiymani, nəppan zu kəssohõwəngən ɓa.

Ezekiyel 23:37

Vi akuwaŋgək a gizbe, aziyaŋgək mbel də veti, akuwaŋgək a gizbe dit zəgeɗmeŋgilveɗ neti, apsitinik kirin awaŋ suwən dayday ka əzəm neti.

Məsdəlveŋge 19:12

Kədaswayaŋ də uwawən də iya naw ɓa; vasna wakəraygən iya na Maŋgəlva noko. Intə Yawe.

Məsdəlveŋge 21:6

Wassoŋ məwelit sən Maŋgəlva neti, adawraygənən iya na Maŋgəlva net ɓa; adan ndəɗaŋ dədawkinən way məhhətən sən Yawe, əzəm na Maŋgəlva neti, dəssoŋgən salala.

Məsdəlveŋge 22:2

«Anah sən Aron dit kirtin na, dəziweŋgən ɓa' səza əvəl an salala məs mə Israyelɗe akiyaŋ suwəni, vi adawraygənən iya naw məza heslepe ɓaŋka; intə Yawe.

Məsdəlveŋge 22:32

Kədawraygənən iya naw salala ɓa, vi salala nan awaleŋgit mə Israyelɗe; intə Yawe məzəkkpoŋgokum salala.

Məsdəlveŋge 24:15

Kənah sitgin mə Israyelɗe na: An ɗəf aranək Maŋgəlva nani, dəslangən mambray nani;

Amos 2:7

Vi aŋglaŋgək ula burɗuk naka dəlvafuŋ aka kiyit ɗiy məddekti, ndəɗaŋ ədoɗonən tive net məssehẽŋɗe. Ɗəf də afən əddoŋ azat waŋ taka, vas adawraygənən iya naw salalaŋka.

Amos 5:26

Kəslanənək Sikut məlĩ nokum də Kiyun zəga məzaɓa, ŋgərzla net meŋgilveɗ nokum məs Kəzaɓaŋgə!

Mika 6:7

Yawe watef timeŋgiɗ məza anɗaŋ ɓa gəm mẽl diyɗa va məlpa sa? Nəpsən tizi naw ka dəvvuyongən əɓoŋ naw sa? Gəm uwa naddəvu aka mambray naw sa?

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

Wəza net Masləŋɗe 7:43

Kəslanənək gizlirke na Molok, gəm ŋgərzla na maŋgəlva nokum Rayfan, zeŋgilet zəgeɗ məs kəzaɓaŋ vi kappu' abeti, ya wanəsimgukum bal sən Babilon.

Roma 1:23

Yaŋ akkpaŋganən gagdak na Maŋgəlva məs amta ɓa, aslanən də zeŋgile zəga məzəmta va ɗəfa, biŋgeɗi, zəgeɗ məs təlit poɗo dit en mədawaŋ də gidivti.

Roma 2:24

Vi iya na Maŋgəlva tay əray aka wən nokum a walaŋgit ɗiy-ɗar va məverin.

Əmsak aka Mahenziŋ 12:31

Kədaɗɗa vas sən Yawe Maŋgəlva nok ɓa; vi zəga daryaw an Yawe azel pakə, anan aɗɗaŋ sit meŋgilveɗ neti, vi tahəŋ əzlennin kirtit mezeŋgleket dit muguluŋgit dayday akoffo sit meŋgilveɗ neti!

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.