Məsdəlveŋge 16:18 - Bible en Guidar

¹⁸ Dəgilgən kəlaza təki nawzaɓ-Maŋgəlva naba Yawe, dəɗɗagən matuya navvuyon mambray aka zək nani; dəgimgin mbel na medgeɗge gəm na porsok dəɗigin aket mohoŋɗe na təki nawzaɓ-Maŋgəlva təslə.

Məsdəlveŋge 16:18 ပူးပေါင်းရင်းမြစ်များ

Əgilye 30:10

Ama əzva Aron dəzaɓgən-Maŋgəlva navvuyon mambray təl taka aka mohoŋ dit mbel na əzaɓ-Maŋgəlva. Təl taka ama əzva adazaɓ-Maŋgəlva navvuyon mambray akan va sayit ɗiy nokum adaɗɗa. Əzaɓ-Maŋgəlva as wasan salala sən Yawe.

Ezekiyel 43:20

Kəkaygən mbel nani, kəzigin aket mohõn poɗeŋki, aka wədoɗ na tələn poɗoŋka gəm aka man tərwəslə; kəbburgən mambray nani, kəksu'gən mbel akani.

Ezekiyel 43:22

Pay masula'ən na, kəkigən porsok məza də heslepe azan ɓa nawzaɓ-Maŋgəlva navvuyon mambraya, kabbur təki nawzaɓ-Maŋgəlva va məbburun də medgeɗge naka.

Ezekiyel 45:19

Məsdələv dəgimgin mbel na zəga mamayã mətaw wəlan vi mambray naka, dənisgin aza maddamba na gəla na Maŋgəlva, gəm aza bezler na təl təki nawzaɓ-Maŋgəlva poɗoŋka, gəm aza maddamba na daŋgla.

Məsdəlveŋge 16:16

Dəɗɗagən matuya navvuyon mambray na əɓoŋ net mə Israyelɗe addəv gəla salala, va ənahən na mambray net pakə; vas adaɗɗan addəv gizlirke nalma də Maŋgəlva məs dəsan awalaŋ mambray neti.

Məsdəlveŋge 16:17

Pay adawtoŋ addəv gəla salala vi kaɗɗa matuya navvuyon mambraya, ɗəf adassan addəv gizlirke nalma də Maŋgəlva ɓa, gap ndən vit sədaka: dəɗɗagən matuya navvuyon mambray nani, na gəla nani gəm na əsap net mə Israyelɗe.

Məsdəlveŋge 4:18

Asna dəɗigən mbel vet aket mohoŋɗe naka təki nawzaɓ-Maŋgəlva məs dəsan aba Yawe, addəv gizlirke nalma də Maŋgəlva, dəggbo'gən mbel en dəppaŋ beymet aza gabba təki nawzaɓ-Maŋgəlva na əvəl nawzla kurmbuɗuk məs dəsan ama gizlirke nalma də Maŋgəlva.

Məsdəlveŋge 4:25

Məsdələv dəvan dəgəmgən mbel na porsok nawzaɓ-Maŋgəlva vi mambraya, dəɗigən aka moho təki naɗɗa əvəl nawzla kurmbuɗuku; asna dəkkeslgin mbel an dəppaŋ aza gabba təki nawzaɓ-Maŋgəlva nawzla.

Məsdəlveŋge 4:7

Asna məsdələv dəɗigən mbel vet aket mohoŋɗe na təki nawzaɓ-Maŋgəlva a təki nawzla tursan dəsan a ma gizlirke nalma də Maŋgəlva, aba Yawe, dəggbogin mbel na medgeɗge məs dəppaŋgə aza gabba matuya nawzla əvəl nawzla kurmbuɗuk məs dəsan a ma gizlirke nalma də Maŋgəlva.

Əŋɗa 28:22

Gəm əmpa porsok nawzaɓ-Maŋgəlva na mambraya, kaɗɗa mahenziŋ navvuyon mambray ambokum.

Yohanna 17:19

Nəppanək zu suk ammbeti vi dəsoŋgən məppanən zit suk ammba gegesiŋ.

Ibriɗe 2:11

Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.