Məsdəlveŋge 15:15 - Bible en Guidar

¹⁵ Məsdələv dəɗɗagən matuya vi mambraya də taka, an dəmbər tamə, əvəl nawzla kurmbuɗuku; məsdələv dəzaɓgən-Maŋgəlva navvuyon mambray na gbəgba nan aba Yawe.

Məsdəlveŋge 15:15 ပူးပေါင်းရင်းမြစ်များ

Məsdəlveŋge 11:24

Zəgeɗiski waraygukuməni, naway dərəŋgən mogogoy net pak wasan də heslepe gap moskoyo,

Məsdəlveŋge 11:25

ɗəf məs dəgəm mogogoy net pak dəskoɓgən lukut nani, wasan də heslepe gap moskoyo:

Məsdəlveŋge 11:27

Zəgeɗ də perzleŋ tiliti, məzədawaŋ aka tilit poɗo nawsẽ'iŋ azokum; ɗəf an dərəŋgən mogogoy net pak wasan də heslepe gap moskoyo,

Məsdəlveŋge 11:28

ɗəf an dəgəm mogogoy neti dəskoɓgən lukut nani, wasan də heslepe gap moskoyo, vi nawsẽ'iŋ azokum.

Məsdəlveŋge 11:31

Eskiŋ məs kədawlaŋ də heslepe səret zəgeɗ memeɗeŋɗe. Ɗəf dərəŋgən mogogoy net pak wasan də heslepe gap moskoyo.

Məsdəlveŋge 11:32

Zəga an zəgeɗ memeɗeŋɗes məmtən net abət akan pak wakkpaŋ məs heslepe, hĩlĩw na wəlaŋga yi, lukuti yi, gəba yi awaniɓa gabalə, va wənahən na zəga na wəza zəŋvin awan di pakə; kawgulən aret iŋkile, də heslepe yi gap moskoyo, asna wakkpaŋ məza heslepe ɓa.

Məsdəlveŋge 11:39

An zəga mamayã taka səmmbet en kədawzəmaŋ amtəka, ɗəf an dərəŋgən mogogoy nani, wasan də heslepe gap moskoyo;

Məsdəlveŋge 11:40

ɗəf dəzəm slu na zəga memtənəska dəskoɓgən lukut nani ya wasan də heslepe gap moskoyo; ɗəf dəslan mogogoyəska dəskoɓgən lukut nani, wasan də heslepe gap moskoyo.

Məsdəlveŋge 12:7

məsdələv dəkigin aba Yawe ya an aɗɗak matuya navvuyon mambray akata, watəsat məslslayət kana.» Aski əpel məs dəwəl sət muhuruk tuwə wiyna awaniɓa waŋkə.

Məsdəlveŋge 12:8

«An təɓap na kawrah wət time ɓa, təgəmgən mukuɗuŋguleɗ sula awaniɓa biŋgeɗ na maha sula, taka ka naɗɗa əvəl nawzla kurmbuɗuku, an mbərən ka nawzaɓ-Maŋgəlva navvuyon mambraya; an məsdələv aɗɗak matuya navvuyon mambray akata, watəsat salala.»

Məsdəlveŋge 4:20

Dəgəɗgən də medgeɗges va agəɗ də medgeɗge na əzaɓ-Maŋgəlva navvuyon mambraya, vas adaɗɗani. An məsdələv azbanək mahenziŋ navvuyon mambray aket ɗiyi, mambray nan wavvuyu.

Məsdəlveŋge 4:26

Səlhã pak na, dəzlagən aka təki nawzaɓ-Maŋgəlva va adawzla əzaɓ-Maŋgəlva nawslere. An məsdələv azbanək mahenziŋ nawrah əvvuyon mambraya aka wətən məlyã vi mambray an agəɗə, mambray nan wavvuyu.

Məsdəlveŋge 4:31

Dətorgən səlhã nazan pak va adawtorun pay na əzaɓ-Maŋgəlva nawslere, məsdələv dəzlagən aka matuya ka tursan məzəffok sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 4:35

Dətorgən səlhã nazan pak va adawtor an na time na əzaɓ-Maŋgəlva nawslere, məsdələv dəzlagən aka təki nawzaɓ-Maŋgəlva, sap aza peŋ məhhətən sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

Əŋɗa 25:13

Wənmiyna van wasan vini gəm viyit kirtin naddəvən. Wapsit mahenziŋ na wəza net məsdəlveŋge ammba vet faɗə, adan arban kotorok ammba Maŋgəlva nani, aɗɗa mahenziŋ naskoɓ mambray embet kirtin Israyeləŋka.»

Matiye 3:17

Yaŋ əpel ade sə disiŋ amna: Aŋki wətu an nəŋgələ, in tat ənneken zu dəndən sawɓa.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.