Məsdəlveŋge 14:7 - Bible en Guidar

⁷ Dəksu'gin aka ɗəf məskokolo naslslay nak təl buhul; dərbangən na heslepe tay azan ɓa; dəppangən bəŋga an madaran dəveŋgin kəladdesl muyã.

Məsdəlveŋge 14:7 ပူးပေါင်းရင်းမြစ်များ

2Milyeŋge 5:10

Elisa aslən metive azan ənah sən na: «Doko! Aslslay gap təl buhul a məlpa na Yurden: gəɓa zuk watiliɓi, wakubburu.»

2Milyeŋge 5:14

Yaŋ asərehi, atəp a Yurden təl buhul va ɗəf na Maŋgəlva nak anah səni. Gəɓa zən akkpaŋ va na wiyən musɗuko, abburko.

Gəlyaɗe 51:2

Gala məskəleŋ Natan ambat azan na, Davit avoŋgətək Betsabe səkay.

Gəlyaɗe 51:7

Addəv heslepe məwuw yaŋka, addəv mambray əmma təɗi daway nawa.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Məsdəlveŋge 13:13

Məsdələv dəsəŋgləkangəni: An kokolo azəmək gəba zən pakə, dərbangən na də heslepe yi ɓa; də akkpaŋ bar pak na də heslepe yi ɓa.

Məsdəlveŋge 13:17

Məsdələv dəsəŋgləkangəni: Adan huwwa van akkpaŋ babara, məsdələv dərbangən na huwwa məza heslepe ɓa yi: huwwa na kokolo yi ɓa.

Məsdəlveŋge 14:51

Dəkaygən wəlaŋga na wəlaŋga ɓəɓəl na Liban, gaslamba na isop, gabaga pepreŋ məzəwiɗ diyɗa gəm bəŋga an madarani; dəyopgin aret mbel na bəŋga mətaw wəlan gəm aret iŋkile na mahenziŋ naka; dəksu'gin təl buhul aza zə gəla.

Məsdəlveŋge 16:14

Dətefgin mbel na medgeɗge, dəksu'gin də pərəm van aka ma akoti dəka təkzləmən nammba pay nampum; gəm əmpa dəksu'gin mbel vet təl buhul də pərəm van aba ma akoti.

Məsdəlveŋge 16:19

Dəksu'gin mbel aka təki nawzaɓ-Maŋgəlva də pərəm van təl buhulu, dəpeslgən vi mambray net mə Israyelɗe vi dəkkpaŋgən salala.

Məsdəlveŋge 16:22

Porsok dəkagən mambray net pak akan də muyã. An mərɓani a kapta-muyã,

Məsdəlveŋge 4:17

Məsdələv dəyopgən pərəm van aret mbel an ataf neki, dəkso'gin mbel vet təl buhul təkzləm məzlzlara na kəlappaka aba Yawe.

Məsdəlveŋge 4:6

Məsdələv dəyopgən pərəm van aret mbeli, dəkso'igin mbel vetis tel buhul aba Yawe aza məzlara na gəla salala.

Məsdəlveŋge 8:11

akso'uk təl buhul aka təki nawzaɓ-Maŋgəlva, yas apesl təki nawzaɓ-Maŋgəlva gəm zəgeɗ na wəza təmtəmi, ŋgefleŋ də gabban pakə, vi kawɗiyit ka na wəza;

Mika 7:19

Wakəmsak ulasãsahmə, wakəndapet mambrayɗe namə, wakəzgan mambray nam pak addəv kpukpum na pehe.

Əŋɗa 19:12

Dəslslaygən dit iŋkile vetis aka pay mohoko'ən asna aka pay mabohulon na wasan salala. Ya an dəslslay aka wəsɓəta mohokon ɓa na, asan na salala aka pay mabuhulon ɓa.

Yohanna 19:34

Yaŋ ɗəf taka səret məzəlpaŋ aska aka təkzləmən də tulhõ, yaŋ mbel dit iŋkile agulyoŋ ləŋgə.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 9:13

Vi an mbel net porsokɗe gəm net medgeɗgeɗe mãy an moŋglo na bəlata məzlan məndolun aket ɗiy məs mambrayɗe akkpaŋget salala gəm abburti,

Ibriɗe 9:19

Səza Moyis aŋɗan an məziwgin sit ɗiy pak va aza mahenziŋ, ndən mbel net kirit wasliɗe mãy net porsokɗe gəmə, siske agim iŋkile, deɓekeɗ pepreŋɗe na time gəm isop aksu' aka ɗerewel zək nani gəm aket ɗiy pak,

Ibriɗe 9:21

Siske aksu' mbel sən gizlirke na gabaga gəm sit zəgeɗ naɗɗa wəza nawɗi ki Maŋgəlva.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.

1Yohanna 5:6

Yesu Kristu, ndəni məs dəde dit iŋkile na baptem nani, gəm dit mbel na əmta nani, dit iŋkile kaka yi ɓa, dit iŋkile gəm dit mbeli, vi Əmpəs dədarbani, Əmpəs van ndəni gegesiŋgi.