Məsdəlveŋge 14:10 - Bible en Guidar

¹⁰ Pay madodopoɗoni, dəgəmgən kirtit timeŋgiɗ ndargeyẽɗ sula məza heslepe azet ɓa gəm zagarak na əzva taka məza heslepe ɓa, gəpa kukuɗ kilo hoku, məvorən də mẽl kaɗɗa əvəla, gəm mẽl wəɗak na gufo.

Məsdəlveŋge 14:10 ပူးပေါင်းရင်းမြစ်များ

Əgilye 29:40

Gəpa gap kilo hoku məllaɓən də mẽl məɗotən na hereme litər taka də wəɗak nani gəm mbazla nawpesl litər taka də wəɗak nan ammba wət time mizilin taka.

Məsdəlveŋge 1:10

An əvəl nan van zəga na əvəl nawzla kurmbuɗuk məgəmən səret gilew dit timeŋgiɗi yi, time awaniɓa hãw məzilin məza heslepe azan ɓa adawkiya;

Məsdəlveŋge 1:3

An əvəl nan van əvəl nawzla kurmbuɗuk məgəmən səret wasliɗe yi na, dəsan mizilin məza heslepe azan ɓa; dəkiyəngən a maddamba na gizlirke nalma də Maŋgəlva, vi Yawe dətafgəni.

Məsdəlveŋge 14:11

Məsdələv məzədawgən matuya naslslay ɗəfa, dəɗigən ɗəf naslslay də əvəl an aki sən Yawe ama gizlirke nalma də Maŋgəlva.

Məsdəlveŋge 14:12

Məsdələv dəgəmətgən ndargayãk maddaabəŋ dərbangən ka matuya nawzaɓan mambraya gəm mẽl wəɗak na gufo dəzokongən aba Yawe.

Məsdəlveŋge 14:15

Məsdələv dəgəmgən wəɗak na gufo na mẽlẽ; dəmə'gən siɗikke aka van zlaɓay,

Məsdəlveŋge 14:21

An ɗəf van məssahã yi an van aləm na azet zəgeɗis pak ɓa, dəkigən ndargayãk taka vi matuya nawzaɓan mambray də wəzokon vi kawzaɓ-Maŋgəlva navvuyon mambray akani, gəpa kukuɗ kilo hoku məvorən də mẽlẽ, mẽl wəɗak na gufo ka əvəla

Məsdəlveŋge 2:1

An ɗəf tay əki əvəl na zəga na mabardaw sən Yawe, əvəl van dəsangən gəpa kukuɗ məman mẽl akan gəm telembe nawzla a matuya;

Məsdəlveŋge 2:11

Əvəl tay kədawkiyaŋ sənən Yawe na zəga mədan də wuɗo ɓa; arbək na, kəzlaŋ na wuɗo may amama ka peŋ məhhətən sən Yawe ɓa.

Məsdəlveŋge 2:13

Aka əvəl an kədawki pakə, kəgəɗgən bətuwa; kədasgətan ɗah bətu na wənmiyna na Maŋgəlva nok aka əvəl nok ɓa; əvəl nok kədawki pak na dəsan sap də bətuwa.

Məsdəlveŋge 23:13

sap də əvəl də gəpa kukuɗ kilo sləre məllaɓən də mẽlẽ aski yi way məzlan kurmbuɗuk sən Yawe, tursan naffeten makrani, gəm mbazla nawpesl litər taka də wəɗak nani.

Məsdəlveŋge 4:32

An time aki ka matuya na mambraya, dəkigən time muguluŋgən məza heslepe ɓa.

Məsdəlveŋge 9:1

Addəv əvoŋ madodopoɗoni, Moyis ayak Aron dit kirtini, gəm ɗiy gugriɗ na Israyel.

Əŋɗa 28:20

medgeɗge taka pak dəsangən də əvəl də zəga na mabardaw gəpa kukuɗ kilo vaytak məllaɓən də mẽlẽ; na ndargayã na, gəpa kukuɗ kilo sləre.

Əŋɗa 6:14

dəkigən əvəl nan sən Yawe: ndargayãk məs wəzva taka məza heslepe azat ɓa ka nawzla kurmbuɗuku, wət təmaŋgək muguluŋgut na wəzva taka məza heslepe azat ɓa, nawzaɓ-Maŋgəlva navvuyon mambraya gəm ndargayã məza heslepe azan ɓa nawzaɓ-Maŋgəlva kawki zazaya;

Əŋɗa 7:43

Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

Matiye 8:4

Yaŋ Yesu aɓsən na: Awle: Kədawnah sən ɗəf ɓa, is zuk nok dok ərban zuk aza məsdəlva, aɗɗa əvəl an Moyis aɗi wən nani, vi karban sit na kəmbəlka.

Markus 1:44

Aɓsən na: Awle kədawnah sən ɗəf ɓa. Ya dok ərban zuk aza məsdəlva, gəm aɗɗa əvəl aka wən na əbbur nok va Moyis aɗi wən nani, vi dəsənnəngəni.

Luka 5:14

Yesu abayək mani: Kədawnah sən ɗəf ɓa, ya dok ərban zuk aza məsdəlva, aɗɗa əvəl sən Maŋgəlva ammba əbbur nok va Moyis aɗi wən nani, vi karban sit na kəmbəlka.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 6:33

Vi mepteke na Maŋgəlva, ndəni məs dəde sə disiŋ, tay əpsən zeŋgile sən dələv pakə.

Yohanna 6:51

Naw intə mepteke madarani, məs dəprik sə disiŋ. An ɗəf azəmək mepteke nani, wasan madaran faɗə. Mepteke məs nədapsən ɗəfa, gəɓa zuwi. Nəpsən na vi dələv dəsangən madaran.

1Piyer 1:19

Ya də mbel na sləma na Kristu iyi, məs dəssoŋ va na ndargayã məs heslepe tay azan ɓa gəm tay məs dəray azan ɓa.