Məlĩ Oziyas asanək məskokolo hã gap pay namta nani; asanək addəv gəla tuɓollo a təki net məskokoleɗi, vi məgilgini səddəv gəla na Yawe. Yotam wətəni, daya a daŋgla na məlyã, ndəni məzətaw wən a walaŋgit ɗiyi.
Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.
Yerusalem agəɗək mambray gədakə vini arnoku. Məzugagdakanən lahəŋ pak tay əzelenəni vi awlanən gabban mekeleŋ. An dəpəl sən na əhəmi gəm əktoh gəɓan əmbata.
Milmiŋgiɗwa mənam tat əɗi sukum wən nan də iya na Daya nam Yesu Kristu, kədawsapaŋ dit milmiŋgiɗkum mətampəlɗe ɓa, məs azbanən wən məs arahaŋ səzaməŋ ɓaŋ ɓa.
Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.
Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.