Malakiya 3:7 - Bible en Guidar

⁷ Təŋ səza pay net efiŋgiɗkum, kəmzlahaŋgək səzet meheŋziŋɗe nawa, kəzbetin ɓa. Mimil azawa, wanəmil azokum Yawe Məzuɓappak anahə. Mənokum ənahaŋ na: «Mbarmbari mədawmilye di?»

Malakiya 3:7 ပူးပေါင်းရင်းမြစ်များ

Nehemi 9:26

Yaŋ asulyoŋ də isi, aɓoŋgoŋ akoko; azganən mahenziŋ nok dərɓegeti, abeynin məskəleŋɗe noko, məs dədawsəɓaŋ sitin kawmilgit azoko; ndəni aɗɗaŋ mbərayən diyɗa.

Isaya 65:2

Nətələk vaw pay pak kəlazet ɗiy məɓoŋti, məzəzbanən tive məza moggoni ɓa əzban əɗɗum neti.

Yeremiya 16:11

Asna kəzlangən na: Vi efiŋgiɗkum azgawənka yaŋ azbetin meŋgilveɗ meɓɓeti, aɗɗaŋ sitinik wəza, appu'oŋ abeti, Yawe aɗiymani. Yaŋ naw azgawəni, dərmanən mahenziŋ naw ɓa.

Yeremiya 16:12

Nokum tamə kəɗɗaŋgək mambray day kiy an net efiŋgiɗkum; Naway pak tay əzban an makra ɓəɓəl daryaw aŋgələ, məza əprəm maw ɓa.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 7:25

Təŋ səza efiŋgiɗit agilyoŋ sə Eziptə hã gap dəpaŋka, nəbew dawslin məskəleŋɗe gewleɗ naw ɓa.

Yeremiya 7:26

Ya dəprəmwən ɓa, dəpakən sləmet ɓa, aɓɓəlanənək kiyti. Aɗɗaŋgək mbərayən day ki an net efiŋgiɗti.

Ezekiyel 2:3

Aɓsu na: «Wətən ɗəfa, nəslunuk azet mə Israyelɗe, azet ɗiy məɓoŋti, azet ɗiy dəɓoŋgoŋ akaw ndəɗaŋ dit efiŋgiɗit hã gap va dəpaŋkəŋka.

Ezekiyel 20:13

Yaŋ ɗiy na Israyel aɓoŋgoŋ akaw a kapta-muyã; dədawaŋ va mahenziŋɗe naw aŋglaŋ ɓa, azeletinik tiveɗnanziya naw məs ɗəf adaɗɗa dəsangən madaran dənɗaŋ. Araygənənək pay naffet naw diyɗa. Yaŋ nəmna: Wanəka herɗe naw aket a kapta-muyã kawzeti.

Ezekiyel 20:21

Yaŋ kirin nek aɓoŋgoŋ akawa; dədawaŋ va mahenziŋɗe naw ɓa, dərmenin tiveɗnanziya naw naɗɗa wəza dənɗaŋ ɓa; də wəɗɗa wəza dənɗaŋ ɗəf adawsan madarani. Araygənək pay naffet nawa. Yaŋ nənah na: Wanəke herɗe naw aketi, wanəgapgən ədagədəv naw ŋgbu' aket a kapta-muyã.

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:8

Yaŋ aɓoŋgoŋ akawa, dəŋgəmaŋ əprəmwən ɓa, ɗəf tay dəzgan zəga sə maharan ɓa, meŋgilveɗ na Eziptə dayday dəppetin ɓa, nəmna wanəka herɗe naw aketi, wanədəgədəv aket hã ŋgbu' aka dələv na Eziptə.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Zakarya 1:3

Kənahgən sit na: «An Yawe Məzuɓappak anah yaŋka: Məmil azawa, Yawe Məzuɓappak aɗiymani, vasna, wanəmil azokum, Yawe Məzuɓappak anahə.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Malakiya 3:13

Əpel nokum akaw ɓəli, Yawe anahə, yaŋ kəɓɗaŋ na: «Əpel mi məpel awalaŋ zəm akok di?»

Matiye 23:27

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat va magamasɗe məɗɗa sit ɗama ulaŋ dəppaka moggeti, ya gədivit aknahək dit slesleŋɗe net ɗiy mimtiti gəm əŋgəna zev awandi pakə.

Luka 15:16

Aŋgələk kawba də heleŋ məs vedemɗe adawzəmaŋ, ya ɗəf tay dədapsən ɓa.

Roma 10:21

Ya aka wən net mə Israyelɗe na, amna: Nəsɓətək huruɓ ətəl vaw sit ɗiy məs aprəmaŋ ma ɓa, məɓoŋti.

Roma 10:3

Vi dəsənən təstəs na Maŋgəlva ɓa. Adan adawkayanən təstəs neti, dəɓe'eŋ sənən təstəs na Maŋgəlva ɓa.

Roma 7:9

Madaraw nan lahəŋ aka mahenziŋ tay ɓa. Ya səza mahenziŋɗe azzoŋgu, mambray le' madarani.

Əmsak aka Mahenziŋ 31:20

Vi wanətoŋgit ɗiyiŋ aka dələv məs moŋvo də amama adadaw akan lokloku, məs niynan sit wən nan sit efiŋgiɗit də wəsway ammban, wazəmaŋ kpe'i, wakəraŋgə, wamanən heret azet meŋgilveɗ meɓɓeti; waɗɗaŋ sitin wəza, wazelewəni, wappanən wənmiyna nawa;

Yakob 4:8

Məzar aza Maŋgəlva nan pak wazar azokum. Məɗa vokum səza mambraya, məskoɓ mokrokum munokum muluvuluvuɗe.