Malakiya 3:6 - Bible en Guidar

⁶ Vi in Yawe, nəddəɗ ɓa. Ya nokum, mənokum kirtin Yakob məgrakumi ɓa.

Malakiya 3:6 ပူးပေါင်းရင်းမြစ်များ

Va'Atəŋ 15:18

Pay nan dəpaska, Yawe aɗiyik wənmiyna də Abram vaŋka: «Sən mazlalwõki nədapsən dəlvəŋka, təŋ sə məlpa na Eziptə hã gap Efrat, məlpa metiŋgini

Va'Atəŋ 15:7

Anah sən na: «Intə Yawe, məs dəgilguk sə Ur net mə Kaldiyeɗi, vi kapsuk dəlvəŋ ka noko.»

Va'Atəŋ 22:16

Yawe aɗiman na: «In sən kiyu nəswayka: Adan kəgəɗ vaska, kətak wutuk karmalay dapsu ɓa,

Gəlyaɗe 102:26

Is kəɗi dəlvafuŋ far lahəŋka, disiŋ pak wəza na voki yi.

Gəlyaɗe 102:27

Net wazaŋgə, nok wakəsoko. Net waŋgosoŋ pak va lukutu, wakəddəɗet va lukutu, waddəɗaŋgə.

Gəlyaɗe 102:28

Nok is tat va lahəŋka, əzva nok agrak na ɓa.

Gəlyaɗe 103:17

Ya moggon na Yawe, farfari, wasan hã faɗə. Tay aket en dədawgeslne'eŋ sənəni, təstəs nan sit kirtit kirtiti yi,

Gəlyaɗe 78:38

Adan nan muwəl sasãhĩ yi, tay əvvuyon heslepe neti, awzet ɓa. Pay pak tay ərma makrani, awsilgin herɗe nan ɓa,

Gəlyaɗe 78:57

Asmaɗaŋka, ambəɗanənək Maŋgəlva va net efiŋgiɗti, akkpaŋgək va bəle goslorro.

Isaya 41:13

Vi intə Yawe Maŋgəlva nok məs dərma vok dəzəŋ, ndəni yi dədawnah suk na: Kəgeslne ɓa, naw nədek əbbah suko.

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Isaya 46:4

Va lahəŋ nədasaw hã gap in galə wanərma vokum, wanəɗɗa hã gap kiykum barə. Wanəslokum, wanərma vokum, wanəkõhgukum.

Yeremiya 32:27

Awle, intə Yawe Maŋgəlva na zəga an dəsan madaran pakə, zəga tay an naggət akan azaw ɓa.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Hose'a 11:9

Nəkiy na herɗe akok ɓa, nəmndaw na əzan Efrayim ɓa; vi Maŋgəlva nani, ɗəf nan ɓa; a waloŋkum na, salala nani: nəde na dit herɗe ɓa.

Habakuk 1:12

Gala də ətəŋga, istə Yawe nawa, Maŋgəlva naw gəm Salala naw ɓa sa? Məmtə na ɓa! Yawe, kəɗi na kawtaw wəni; kəɗi milɓe na, sən kazga'i.

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Roma 5:10

Vi aka məsam məzuzelɗe na Maŋgəlva, məsleremi dəndən də əmta na Wətəni, sasak məsam məslerməŋ na, waməkõh addəv zeŋgileni.

Filipi 1:6

Sessel nəsənək na, məs dətəŋ wəza moggon vas a mokrokum, wadaw dəndən hã gap aza əgraka, pay məs Yesu Kristu adazzani.

Ibriɗe 13:8

Yesu Kristu məstakayi na ɗəfɗaŋga dəpaŋka gəm hã faɗə.

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

Yakob 1:17

Zəga moggon dədawrəhəm pakə gəm əvəl moggon pak sə disiŋ ade, səza Maŋgəlva, məs dəzəmiɗ əkasakɗe. Maŋgəlva nan addəɗ ɓa, akkpaŋ ɓa, guzli tay azan ɓa.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 22:13

Intə A, intə Z, intə Tizi na zəga pakə, intə bayma na zəga pakə, intə wətəŋ na zəga, intə wəbayma zəga nan pakə.

1Samiyel 15:29

Əmpa na: «Məzuwwiɗ na Israyeləŋ awa wən ɓa, aɗi marava ɓa, vi ɗəfi yi dəɗigən marava ɓa.»