Malakiya 3:5 - Bible en Guidar

⁵ Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Malakiya 3:5 ပူးပေါင်းရင်းမြစ်များ

Va'Atəŋ 20:11

Abraham amna: «Naw azawna: “Geslne na Maŋgəlva tay ahəŋ siɗikke dayday ɓa yi, kawbaywiy ammbat guluk nawa.”

Va'Atəŋ 42:18

Aka pay mahoko'ən, Yosef aɓsit na: «An kədaɗɗaŋ kəssoŋgən madarokum yaŋka. Naw Maŋgəlva nədawgeslne səni.

Nehemi 5:15

Deyeɗe nakki vadələv en maddaabəŋ kiyu na, assoŋguk aket ɗiyi. Atafaŋgək əzəma, mbazla gəm koɓeɗ kaklaw poɗo əmpa'e səveti. Gawleɗ net tam əskanən wəlet ɗiyi. Ya naw nəgəɗ vas ɓa vi geslne na Maŋgəlva.

Ɗerewel na Yob 31:12

Kəta offo azləwək hã mbo' əzawa gəm kawzan zəga na mabardaw naw kakah kəta.

Ɗerewel na Yob 7:2

va balam adaŋgla əssa ara zeŋgile, gəm va məgəɗ wəza adawga ərah na wəza nani.

Gəlyaɗe 36:1

Səza daya net məyaŋgəlya, Davit gawla na Yawe.

Gəlyaɗe 81:8

Kəŋgəzlək vaŋvəl pay nawzəm sahã, nəbitkuko, nəzlan sukuk də mahaɗamma na əhãy na buna; nəslukuk a met iŋkile na Meriba. Əziwe

Gəlyaɗe 96:13

aba Yawe, vi tay əzzani, vi tay əzzan ətawwən aka dəlvafuŋ. Watawwən aka dəlvafuŋ də təstəsə, gəm aket ɗiy də moggon nani.

Gəlyaɗe 98:9

aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.

Əgilye 1:17

Muwaŋ gil nek na, ageslne'eŋ sənənək Maŋgəlva; dəɗɗanən va məlĩ na Eziptə anah sit nak ɓa, appetinik kirin mezeŋgleket medereti.

Əgilye 18:21

Sissiŋ, kəwəlgən zel tektek səret ɗiy pakə məgeslne'eŋ sənən Maŋgəlva, zel təstəs məza məŋglunən ki zit kaka' ɓa, kəɗigin aket ka deyeɗe, aket ɗiy gabalɗe, səkatɗe, kaklaw sle'ɗe dit kəlawɗe.

Əgilye 20:7

Kədawya iya na Yawe, Maŋgəlva nok vi kawa wən ɓa, vi Yawe awla na məwəwən də iya nan ka ɗəf məs man bartata ɓa.

Əgilye 22:20

Kədawzəmgən sahã na molhõyõ ɓa, kədawtakən dappar zən ɓa, vi kəssoŋguk molhõyẽɗ a Eziptə.

Wənməkkpaŋga 16:6

Də moggoni gəm də gegesiŋ ki mambray adazzəɗa; də geslne na Yawe ɗəf adamzlah sən mambraya.

Wənməkkpaŋga 8:13

Geslne sən Yawe na, ndəni əzel zəga mbərayən, nəzelik əkaɓa, əɓaygən-kizəɗəfa, tive na mambraya, gəm əpel net tepelkeɗi.

Isaya 57:3

Mənokum, midder aŋka, Kirtət məsək heligi, kirtət məgəɗ ɗarɗarə gəm mana'a.

Yeremiya 23:10

Dələv aknahək dit ɗiy məkuwaŋ a gizbe. Vaski dələv tay addəv əhəm aka wən na mefɗeke; təki nawtaɗ a kapta-muyã akəlka, əɗɗum net aka əɗɗa mambrayi gurom net dəslə aza an naɗɗa ɓa.

Yeremiya 27:10

Kəleŋ na uwwa wən adaɗɗaŋ sukuməni vi kawzargugkum faraɗa səka dələv nokum gəm nəɓɓahkumgəni kəzaŋgəni.

Yeremiya 27:9

Ya nokum na kədaprəmən met məskəleŋɗe nokum ɓa, met məzulaŋ nokum ɓa, əssine nokum ɓa, məskaŋ helig ɓa gəm məɗɗaŋ sekeneɗ nokum ɓa, ndəɗaŋ məzupeleŋ sukumən dawnəh na: Kədaɗɗaŋ wəza sən məlĩ na Babilon ɓaŋki.

Yeremiya 29:23

Vi aɗɗaŋgək zəga nawtem a Israyel, aɗɗaŋ əku a gizbe dit gil net milmiŋgiɗti, apeleŋgik əpel na uwawən də iya nawa ya nəɗi sit wən nan ɓa. Nawa, nəsənka, wanəswayə Yawe aɗiymani.

Yeremiya 42:5

Yas net anah sənən Yeremiya na: Kəta Yawe dəsan miziwe nam an də gegesiŋ, an məɗɗa va əpel an Yawe Maŋgəlva nok adawslən suk səm ɓa!

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Yeremiya 5:29

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Məsdəlveŋge 19:13

Kədappət meggok ɓa, kədawhalən ɓa; əfaɗ na məgəɗ wəza adawsan a vok gap pummo ɓa;

Məsdəlveŋge 20:10

An ɗəf akuwək dət ga meggeni, kawbeyti sulegiti, ɗəf məs dəkuwə dəndət guluk məs təkuwə.

Məsdəlveŋge 20:27

An ɗəfa awaniɓa gulku appanək kizən sit heligi, kawbeyti; kasketi dit gərmeŋge, mbel net wamndoŋ aketi.»

Məsdəlveŋge 20:6

Ɗəf an dəku dəska heligi, wanəkkpaŋ akan, wanərsla səret ɗiy nani.

Mika 1:2

Mənokum ɗiy pakə, məprəma; dələv də an dəknahuk pak agəɗ maɗɗula! Yawe Maŋgəlva miziwe narban an kəɗɗaŋ hã səddəv gəla nan salala.

Habakuk 1:12

Gala də ətəŋga, istə Yawe nawa, Maŋgəlva naw gəm Salala naw ɓa sa? Məmtə na ɓa! Yawe, kəɗi na kawtaw wəni; kəɗi milɓe na, sən kazga'i.

Zakarya 11:12

Yaŋ nənah sit na: «An moggoni azokum na, məfaɗ su iya nawa, ya an vaski ɓa na məppani.» Yas afaɗ suwən iya naw nak də təbəz babar kaklaw hoku.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Malakiya 2:14

Mənokum ənahaŋ na: vi miyi vas di? Vi Yawe asanək miziwe awalaŋguk dət guluk na gawloko, yaŋ kərbə sət wili. Məzəbbah noktə kəta, guluk na wənmiyna noktə!

Malakiya 2:17

Mənokum tat əyan Yawe də əpel nokum. Mənokum wənahaŋ na: «Də mi mədawyan di?» An mənokum tat ənah na: «Ɗəf dəgəɗ mbərayən pak na moggoni a mahara Yawe vi tay əzga sləma aket ɗiyiski» awaniɓa «Ŋgay Maŋgəlva mətaw wən di?»

Luka 23:40

Ya an maɓɓan ahayãnəka, amna: Nok kawgeslne sən Maŋgəlva ɓa sa? Vi nok pak addəv tatwãh məstaka kənani.

Roma 3:8

Ya vimi mawnəh va ɗiy məɓɓet məpeleŋ mbərayən aka ɗəf adawnəhaŋ na, mənam tat ənəh na: Məgəɗ səm mambraya ka moggon dədegini ɓa di? Ɗiyiski adahək nawtaw wən aketi.

Əmsak aka Mahenziŋ 15:13

Ya an kəppanək na kiyən əddan sənokda, kədappan əmbat van mekeleŋ ɓa.

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.

Əmsak aka Mahenziŋ 24:17

Kədawzan təstəs na molhõyõ awaniɓa na mitiwe aba wətawwən ɓa. Kədawtaf lukut nat gagəbay taf bas aka dəmən ɓa.

Əmsak aka Mahenziŋ 27:19

«Wəray dəsan aka ɗəf məzuzan təstəs na molhõyõ, na mitiwe gəm nat gagəbaya!» Ɗiy pak dəzlanəngən na: «Dəsan vaska!».

Əmsak aka Mahenziŋ 5:11

Kədawya iya na Yawe Maŋgəlva nok vi kawa wən ɓa, vi Yawe awla na məwəwən də iya nan ka ɗəf təstəs ɓa.

1Tesaloniki 4:6

Ɗəf adawgəɗ sən mbərayən sən məlmən aka wənəs də ətak an dəsan nan ɓa, vi Daya wataw wən aket ɗiy məɗɗaŋ zev mambray vaska, va mənah sukum lahəŋka, yaŋ mənah sukumək əmpa.

Ibriɗe 13:4

Məɗi ki əɗigəla pakgukum, əkuh a gizbe adawsan ɓa, vi məɗɗaŋ ɗarɗar gəm məkuhwaŋ a gizbe, Maŋgəlva watawwən aketi.

Yakob 5:12

Milmiŋgiɗwa, an məs nədawnah sukuməŋ na wən metiŋgini, an munokum tat əpeleŋ wən na, kədasuwayaŋ ɓa, kədasuwayaŋ də disiŋ ɓa, kədaswayaŋ də dəlvafuŋ ɓa, awaniɓa kədaswayaŋ də zəga maɓɓan ɓa. Abbər wənah na: Ha'aw awaniɓa awwo məkki kədawdaygənən ki as ɓa, vi Maŋgəlva adawtaw wən akokum ɓa.

Yakob 5:4

Kəfaɗ sitin deleɗ sit məɗɗaŋ wəza aguli a nokum da ɓa. Məprəm va adawhəmaŋ də munokum, vaŋvəl net məzubəlaŋ nokum agapək a sləma Maŋgəlva Məzuɓappak məs də gbogboŋ aka zəga pakə.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.